Երեթշաբթի, 7 Մարտի 2017 11:50
Մարիաննա Մկրտչյան

ՀԿԵ-ում ամփոփել են փետրվարի աշխատանքի արդյունքները

ՀԿԵ-ում ամփոփել են փետրվարի աշխատանքի արդյունքները

Արմինֆո. «Հարավկովկասյան երկաթուղի» ՓԲԸ գլխավոր տնօրեն Սերգեյ Վալկոն խորհրդակցության ընթացքում ամփոփեց անցած ամսվա աշխատանքի արդյունքները:  Ինչպես նշեց Ս.Վալկոն, փետրվարին ընկերությունն ակտիվացրել է Կավկազ-Փոթի լաստանավային երթուղու վերականգնմանն ուղղված իր աշխատանքները: Իսկ Վրացական երկաթուղու հետ համատեղ ընդունվել են դեպի Հայաստան և Հայաստանից դուրս բեռնափոխադումների սակագների վերաբերյալ  մի շարք կարևոր որոշումներ:

Ինչպես ԱրմԻնֆո-ին հաղորդեցին ՀԿԵ մամուլի ծառայությունից,  գլխավոր տնօրենը հայտնեց, որ նշված ժամանակահատվածում կատարվել են բեռնափոխադրումների նախատեսվող ցուցանիշը և բեռնաշրջանառությունը:  Արտահանումն աճեց 9,3%-ով, իսկ փոխադրումները տեղական հաղորդակցությունում նվազել են 3,7 հազ տն-ով:

Ընկերության ղեկավարը տեղեկացրեց, որ աճ է գրանցվել նաև մի շարք որակական ցուցանիշների գծով: Մասնավորապես, բեռնատար գնացքի միջին քաշը նախորդ տարվա հետ համեմատ աճել է 3,5% և կազմել 1476 տոննա: Ավելացել է նաև լոկոմոտիվի միջին օրական վազքը և արտադրողականությունը: Տեղամասային արագությունն ավելացել է 2%-ով և կազմել 35,7 կմ/ժ, իսկ տեխնիկականը կազմեց 40,9 կմ/ժ՝ աճելով 3,3%-ով:

Միևնույն ժամանակ Սերգեյ Վալկոն արձանագրեց երկաթուղու աշխատանքի մի շարք ցուցանիշների կատարելագործման անհրաժեշտությունը: Դրանց թվում է բեռնատար վագոնների պարկը, էլեկտրաէներգիայի ծախսը:

Փետրվարին կատարվել է նաև վագոնների ընթացիկ վերանորոգման ծրագիրը: Խոսելով գնացքների ժամանակացույցի մասին՝ ՀԿԵ գլխավոր տնօրենը նկատեց, որ հաշվետու ժամանակահատվածում երկաթուղին սպասարկել է 970 գնացք, որից 954-ը՝ ըստ չվացուցակի: Ս.Վալկոն ընդգծեց չվացուցակի պահպանման ուղղությամբ տարվող աշխատանքների կատարելագործման անհրաժեշտությունը:  Ընկերության ղեկավարը հատուկ կարևորեց անվտանգության հարցը, նշելով, որ 2017 թվականի փետրվարին գծի բալային գնահատականը բարելավել է 8 կետով՝ կազմելով 78 միավոր: Իսկ հունվարի նկատմամբ գծի բալային գնահատականը կատարելագործվել է 4 միավորով:

Ընկերության առաջնային խնդիրների շարքում «ՀԿԵ» ՓԲԸ գլխավոր տնօրենը նշեց գնացքների անվտանգ երթևեկության ապահովման հարցը, հատկապես հաշվի առնելով եղանակային պայմանները:

Սերգեյ Վալկոն հանձնարարեց ակտիվացնել աշխատանքները երկաթուղի նոր բեռների ներգրավվման ուղղությամբ՝ հատկապես Կավկազ-Փոթի լաստանավի միջոցով, ինչը թույլ կտա ուղիղ երկաթուղալաստանավային հաղորդակցություն հաստատել Հայաստանից Ռուսաստան և ԱՊՀ երկրներ և հակառակ ուղղությամբ բեռնափոխադրումներ իրականացնելու համար:

«ՀԿԵ» ՓԲԸ-ն  հանդիսանում  է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
02.04.2020
RUB6.430.03
USD504.50-0.46
EUR551.62-0.45
GBP628.414.33
CAD357.503.19
JPY47.010.09
CNY71.06-0.29
CHF521.99-0.20



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000