Արմինֆո. Մեկ տասնյակից ավելի հայկական ՏՏ ոլորտը ներկայացնող առաջատար ընկերություններ մասնակցել են հայ-բրիտանական ՏՏ գործարար համաժողովին՝ ներկայացնելով իրենց ծառայությունները և ապրանքները:
Ինչպես ԱրմԻնֆո-ին հայտնել են ՀՀ առևտրաարդյունաբերական պալատի լրատվական ծառայությունից, ընտրված բոլոր ընկերությունները ունեն մեծ փորձ տեղական և միջազգային շուկաներում և հնարավորություն ունեն առաջարկելու բարձրորակ ՏՏ ծառայություններ և լուծումներ բրիտանական շուկային, ինչպես նաև դառնալ երկարաժամկետ և վստահելի գործընկերներ բրիտանական ընկերությունների համար:
Միջոցառումը մեկնարկվել է Լոնդոնում գտնվող Դաբլ Թրի բայ Հիլթոն Իլինգ հյուրանոցում մարտի 9-ին: Ավելի քան 5 տասնյակ բրիտանական և հայկական, ինչպես նաև բիզնեսին աջակցող կազմակերպություններ ներկա են գտնվել միջոցառմանը: Երևանում բրիտանական դեսպանատան Առևտրի և զարգացման պատասխանատուն ողջունել է մասնակիցներին՝ նշելով, որ Մեծ Բրիտանիայի դեսպանատունը Երևանում ուրախ է տվյալ նախաձեռնության ֆինանսավորող կողմ հանդիսանալու համար, ինչը նպատակաուղղված է հստակ գործարար կապերի հաստատմանը հայկական և բրիտանական ընկերությունների միջև: Երևանի առևտրաարդյունաբերական պալատի նախագահ պարոն Անդրանիկ Ալեքսանյանը և այլ բիզնես կազմակերպությունների ներկայացուցիչները ողջունել են մասնակիցներին և ներկայացրել Հայաստանում առկա գործարար հնարավորությունները և երկկողմ համագործակցությունը: Իրենց հերթին հայկական ՏՏ ընկերությունների ներկայացուցիչները շնորհանդեսների միջոցով հակիրճ ներկայացրել են իրենց ընկերությունները, ինչպես նաև հնարավորություն ունեցել ցուցադրելու իրենց կարողությունները և արտադրանքը: Այնուհետև անցկացվել են գործարար հանդիպումներ հայկական և բրիտանական ընկերությունների միջև՝ քննարկելու երկկողմ համագործակցության հնարավորությունները: Երկու երկրների ընկերությունները իրենց հետաքրքրությունն են հայտնել համագործակցելու համապատասխան ոլորտներում՝ կարևորելով հետագա զարգացման համար առկա ներուժը:
Միջոցառման երկրորդ օրը բրիտանական ՏՏ ոլորտի ներկայացուցիչները ներկայացրել են Մեծ Բրիտանիայի գործարար միջավայրը, ինչին նույնպես հաջորդել են հայկական և բրիտանական ընկերությունների միջև գործարար հանդիպումներ: Այս հանդիպումները ծառայել են որպես գործնական հիմք ՏՏ ոլորտում հայ-բրիտանական գորրծարար կապերը ամրապնդելու համար:
Միջոցառման վերջին օրը բիզնես կազմակերպությունների և հայկական ընկերությունների ներկայացուցիչները հյուրընկալվել են Մեծ Բրիտանիայում Հայաստանի դեսպանատանը և հնարավորություն ունեցան կիսելու իրենց մտքերը դեսպանատան ներկայացուցիչների հետ:
Ծրագրը նախաձեռնվել է Երևանում Մեծ Բրիտանիայի դեսպանատան կողմից և համաֆինանսավորվել Երևանում Մեծ Բրիտանիայի դեսպանատան և Եվրամիության կողմից: Միջոցառման կազմակերպիչներն էին Երևանի առևտրաարդյունաբերական պալատը և «Բի Էս Սիե բիզնեսի աջակցման կենտրոնը:
Բրիտանական դեսպանատունը երևանում համաֆինանսավորել է այս ծրագիրը որպես երկարաժամկետ և ավելի մեծ նախաձեռնության մաս՝ խթանելու հայ-բրիտանական ՏՏ ոլորտի ընկերությունների գործարար համագործակցությունը: Նախաձեռնության առաջին փուլում՝ 2016թ. հոկտեմբերին Բրիտանիայի ՏՏ ոլորտի լրագրողները հրավիրվել էին Երևան: Նրանք բազմաթիվ հանդիպումներ ունեցան հայկական ՏՏ ընկերությունների ներկայացուցիչների հետ և բրիտանական առաջատար ԶԼՄ-ներում հրապարակվեցին մի շարք հոդվածներ հայկական ընկերությունների մասին: Այսպիսով, Մեծ Բրիտանիայում բարձրացավ իրազեկվածության աստիճանը Հայաաստանի ՏՏ ոլորտի վերաբերյալ, որը նպաստեց բրիտանական ընկերությունների կողմից ցուցաբերած հետաքրքրության բարձրացմանը հայկական ՏՏ ոլորտի ընկերությունների նկատմամբ: Նշված նախաձեռնությունը համաֆինանսավորվել է Եվրոպական Միության կողմից՝ «Արևելյան ներդրումներե ծրագրի շրջանակներում՝ Երևանի առևտրաարդյունաբերկան պալատի ակտիվ մասնակցությամբ: Արևելյան ներդրումները ԵՄ-ի կողմից ֆինանսավորված ծրագիր է, որի հիմնական նպատակը ԱլԳ երկրներում (Հայաստան, Ադրբեջան, Բելառուս, Վրաստան, Մոլդովա, Ուկրաինա) նպաստավոր տնտեսական միջավայրի և մրցունակ մասնավոր հատվածի զարգացումն է՝ ընդլայնելով առևտրի և ներդրուների ծավալները ԵՄ և ԱլԳ երկրների միջև: «Արևելյան ներդրումներե ծրագրի թիրախային խմբերն են՝ գործարարությանն աջակցող կազմակերպությունները և ՓՄՁ-ները ԱլԳ 6 երկրներից, որոնք ներուժ ունեն զարգացնելու փոխադարձ համագործակցության և ներդրումային հարաբերություններ իրենց ԵՄ գործընկերների հետ (www.east-invest.eu):
Ծրագրի մյուս գործընկերներն են Ձեռնարկությունների եվրոպական ցանցը, Լոնդոնի առևտրի պալատը, Մեծ Բրիտանիայում Հայաստանի դեսպանությունը, Ինֆորմացիոն տեխնոլոգիաների ձեռնարկությունների միությունը, Հայաստանի փոքր և միջին ձեռնարկատիրության զարգացման ազգային կենտրոնը և Հայաստանի Հանրապետության առևտրաարդյունաբերական պալատը:
«Բի Էս Սիե-ն հայկական խորհրդատվական և թրեյնինգային ընկերություն է, որը զարգացման ծրագրեր է իրականացնում միջազգային կառույցների հետ՝ ապահովելով մասնագիտական զարգացման և խորհրդատվական ծառայություններ ՓՄՁ-ների և խոշոր ձեռնարկությունների համար: Այն առաջարկում է նորարարական լուծումներ ՏՏ ոլորտում՝ նպաստելով գործարար մշակույթի զարգացմանը և ամրապնդմանը շուկայում:
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
2021 թվականին Հայաստանում առաջին անգամ կանցկացվի Starmus միջազգային փառատոնը
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար