Արմինֆո. Ս.թ. մարտի 28-ին հրավիրված մամուլի ասուլիսում «Դրոփս» ՍՊԸ-ն ներկայացրեց Ամերիաբանկի հետ համատեղ նոր վճարային գործիքը - հավելված, որը թույլ է տալիս մարման հարմար ժամանակացույցի ընտրության միջոցով նվազեցնել ֆիզիկական անձանց բեռնվածությունը, հատկապես միանվագ խոշոր մարումների պարագայում: Այս մասին մարտի 28-ին կայացած մամուլի ասուլիսում հայտարարել է «Դրոփս» ՍՊԸ հիմնադիր-տնօրեն Վահագն Ծատուրյանը, նմշելով, որ հավելվածը հասանելի կլինի այս տարվա ապրիլի 5-ից:
«Այս նոր վճարային գործիքի միջոցով հնարավոր է թեթևացնել տարեկան կամ ամսական կտրվածքով անհրաժեշտ վճարումների բեռը, հատկապես մեծ գումարներով վճարումների դեպքում: Հավելվածը վճարողին հնարավորություն է տալիս ցանկացած վայրից սմարթֆոնի, պլանշետի միջոցով ավտոմատացնել վճարումների կատարումը` խնայելով ժամանակ և զերծ մնալ դրանց վճարումը ուշացնելու անհանգստությունից: Առավել լայն մասսաներին այս վճարային գործիքի հասանելիության ապահովումը կնպաստի տարբեր ոլորտներում մատուցվող ծառայությունների ծավալների ընդլայնմանը»,-նշել է Վ.Ծատուրյանը:
«Դրոփս» ՍՊԸ կոմերցիոն տնօրեն Աշոտ Մեսրոպյանը նշել է, որ ներկայումս համակարգին միացել է 20 կազմակերպություն, այդ թվում 4 ապահովագրական ընկերություն (Ռոսգոսստրևախ Արմենիա, ԻՆԳՈ-Արմենիա, Նաիրի Ինշուրանս և Արմենիա Ինշուրանս), 4-5 համալսարան, 2 մասնավոր դպրոց, ուսումնական կենտրոններ, մանկապարտեզներ, կապի օպերատորներ (Ռոստելեկոմ, Յուքոմ), 3 տուրիստական կազմակերպություն: Նրա խոսքով, այսօր բանակցություններ են ընթանում նաև վարկային կազմակերպությունների հետ: «Առաջիկայում հավելվածին կներգրավվեն նաև գույքահարկի, կոմունալ վճարները, ճանապարհային ոստիկանության տուգանքները»,-հավելել է նա:
«Ամերիաբանկ» ՓԲԸ Մանրածախ գործառնությունների գծով տնօրեն Արման Բարսեղյանն ընդգծել է. «Նոր լուծումը հաճախորդներին հնարավորություն կտա այս կամ այն ծախսերի կատարման համար չդիմել վարկերի ձևակերպմանը: Միևնույն ժամանակ, տրամադրվում է անձնական ֆինանսական հոսքերի կառավարման ավելի արդյունավետ հնարավորություն»: Նրա կարծիքով, վճարումների դիմաց միջնորդավճարները կտատանվեն 0-1.9% միջակայքում:
Տեխնոլոգիաների և գործառնությունների գծով տնօրեն Բուրաստան Մովիսիյանը նշել է, որ այդ համակարգից կարող են օգտվել բանկային համակարգի Visa, MasterCard և ArCa բոլոր քարտապանները: Նա նաև ընդգծել է, որ օպերացիոն համակարգի անվտանգությունն ապահովված է եռաստիճան պաշտպանվածությամբ, VbV (Verified by Visa) и Secure Code տեխնոլոգիաների կիրառմամբ:
Նշենք, որ «Դրոփս» ՍՊԸ զբաղվում է տեխնոլոգիական զարգացման ծրագրային լուծումների, գործիքների մշակմամբ և ներդրմամբ: Ընկերության նպատակն է հայաստանյան սպառողներին ապահովել ծառայությունների և ապրանքների առավել լայն հասանելիություն` առաջավոր տեխնոլոգիական լուծումների միջոցով, որոնցից մեկը «Drops» վճարային գործիքն է: Ներկայում մշակման փուլում են մի քանի այլ նորարարական նախագծեր, որոնք ևս շուտով կհանձնվեն լայն հասարակության դատին:
Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական Տեղեկագրի, ակտիվ քարտերի ընդհանուր թվով Ամերիաբանկը գտնվում է առաջին տասնյակում, 2016 թվականի հոկտեմբերի 1-ի դրությամբ ունենալով ավելի քան 70 հազար քարտ: Visa ակտիվ քարտերով բանկը գտնվում է առաջատար հնգյակում`մոտ 52 հազար քարտ, տարեկան աճը` 12%, MasterCard ակտիվ քարտերի թիվը կազմել է ավելի քան 11 հազար, տարեկան աճը` 28,2%, իսկ տեղական ArCa քարտերինը`մոտ 7 հազար, տարեկան անկումը` 37,9%: Արդյունքում, Ամերիաբանկի ակտիվ քարտերի ընդհանուր թիվը տարեկան կտրվածքով ավելացել է 5,9%: Պլաստիկ գործարքների ծավալով Ամերիաբանկը գտնվում է առաջատար հնգյակում` 84 մլրդ դրամ 2016-ի 9 ամիսների ընթացքում (տարեկան աճը`8.2%), որից ավելի քան 63 մլրդ դրամը բաժին է ընկնում բանկոմատների միջոցով գործարքներին (տարեկան աճը`20.5%): Բանկոմատների ցանցով Ամերիաբանկը գտնվում է առաջատարների հնգյակում` 108 բանկոմատ, որից 87-ը տեղեկայված է Երևանում (2 տեղ): Բանկն ունի 1195 սեփական POS- տերմինալ (2 տեղ): Վճարային քարտերի սպասարկումից ստացված եկամուտների ծավալներն Ամերիաբանկը 2016-ին ավելացրել է 16,4%, մինչև 1,3 մլրդ դրամ (3 տեղ), ավելի զգալիորեն ավելացնելով քարտերի սպասարկման ծախսերը` 40.9%, մինչև 407.3 մլն դրամ (5 տեղ), այդ հոդվածների աճի տեմպերով պահպանելով երկրորդ հորիզոնականը:
Նշենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: 2017 թվականից Բանկի բաժնետերերն են` Ameria Group CY ՍՊԸ – 65.8%, ՎԶԵԲ - 20,7%, ESPS Holding Limited - 13,5%:-
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ՊԵԿ կայքում կարելի է գտնել տրանսպորտային միջոցի մասին ամբողջական տեղեկատվություն VIN համարով
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված