Արմինֆո. Բելառուսական «Բելավիաե ավիաընկերությունը 2017 թվականի մայիս ամսվանից վերսկսում է ուղիղ թռիչքներ իրականացնել Մինսկ-Երևան-Մինսկ երթուղով:
Ինչպես տեղեկացնում է ՀՀ ՔԱԳՎ մամուլի ծառայությունը, ավիաընկերությունը ստացել է թույլտվություն՝ կանոնավոր չվերթներ իրականացնելու համար:
«Ամառային նավիգացիոն շրջանում՝ մայիսից հոկտեմբերն ընկած ժամանակահատվածում, «Բելավիաե-ն նախատեսում է չվերթներ իրականացնել շաբաթական երկու անգամ՝ չորեքշաբթի և կիրակի օրերին»,- նշվում է ՔԱԳՎ հաղորդագրությունում: Հիշեցնենք, որ «Բելավիաե ավիաընկերությունը նույն երթուղով վերջին չվերթն իրականացրել էր 2016 թվականի փետրվարի 4-ին:
Ավելի վաղ, «Բելավիա» ավիաընկերության գլխավոր տնօրեն Անատոլի Գուսարովը հաղորդել էր, որ ավիաընկերությունը նախատեսում է չվերթեր իրականացնել դեպի Հայաստանի մայրաքաղաք ընթացիկ տարվա ամռանը: «Հուսով եմ, որ Բելառուսի և Հայաստանի միջև ուղևորափոխադրման պահանջարկի անկումը ժամանակավոր է: Մենք պլանավորում ենք վերսկսել թռիչքները 2017 թվականի հունիսից», - ասել է Անատոլի Գուսարովը, մեկնաբանելով Մինսկ-Երևան թռիչքների վերսկսման հնարավորությունը:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |