Երեթշաբթի, 4 Ապրիլի 2017 15:22

Արմինֆո. Հայաստանի մետաղագործական ոլորտում 2017 թվականի հունվար-փետրվարին տարեկան ծավալը նվազել է 3.5%, նախորդ տարվա նույն ժամանակահատվածի 8.5% անկման համեմատ: Ըստ ՀՀ Ազգային վիճակագրական ծառայության տվյալների, 2017-ի հունվար-փետրվարին ֆերոմոլիբդենի արտադրությունը Հայաստանում նախորդ տարվա նույն ժամանակահատվածի համեմատ աճել է 36.1%, մինչև 1.162 տոննա, նախորդ տարվա 19.6% անկման համեմատ: ՄԻայն փետրվարին արտադրվել է 573 տոննա ֆերոմոլիբդեն, հունվարի համեմատ աճը`2.7%:

Առաջին երկու ամսում մոլիբդենի խտանյութի արտադրությունն աճել է 11.9%, մինչև 1804 տոննա, նախորդ տարվա անկումը`13.7%, միայն փետրվարի անկումը`9.7%, մինչև 856 տոննա: Կոնվերտորային պղնձի արտադրությունն կրճատվել է 17.4%, մինչև 1917 տոննա, նախորդ տարվա աճը`46.4%: Պղնձի խտանյութի արտադրությունն աճել է 2.5%, մինչև 63.6 հազար տոննա, նախորդ տարվա աճը`45.3%, ամսական աճը`0.6%, մինչև 31.9 հազար տոննա: Ցինկի խտանյութի արտադրությունն աճել է 13.5%, մինչև 1247 տոննա, նախորդ տարվա անկումը`48%, փետրվարի աճը` 2.5 անգամ, մինչև 886 տոննա:

Ալյումինե փայլաթիթեղի տարեկան արտադրությունը 2017 թվականի հունվար-փետրվարին նախորդ տարվա համեմատ ավելացել է 2.5%, մինչև 4804 տոննա, նախորդ տարվա անկումը`9.9%, փետրվարի անկումը` 18.9%, մինչև 2152 տոննա: Այլումինե գլանվածքների արտադրությունը փետրվարին կազմել է 52 տոննա, նախորդ տարվա զրոյական ցուցանիշի համեմատ:

Պողպատե խողովակների արտադրությունը 2017 թվականի հունվարին-փետրվարին, 2016 թվականի նույն ժամանակահատվածի համեմատ, աճել է 2.3 անգամ, մինչև 1 149 տոննա, ինչն ամբողջովին բաժին է ընկել փետրվարին:

Մոլիբդենի բրիկետների արտադրության տվյալների հունվար և փետրվար ամիսների վիճակագրությունը բացակայում է, մինչդեռ նախորդ տարվա նույն ժամանակահատվածում կազմել էր 122 տոննա, տարեկան անկումը`0,8%: Ալյումինե գլանվածքի և պողպատե խողովակների ամսական դինամիկան նույնպես բացակայում է, քանի որ այդ տվյալները հունվարի վիճակագրությունում բացակայել էին:

Հայաստանում արտադրված բոլոր մետաղները հիմնականում արտահանվում են Եվրոպա և Միացյալ Նահանգներ:

Նշենք, որ 2016 թվականին Հայաստանի մետալուրգիական արդյունաբերությունում ծավալները կրճատվեցին 11.1%, նախորդ տարվա անկումը`0.5%: Մասնավորապես, մոլիբդենի արտադրությունը նվազել է 50.9%, ալյումինե գլանվածքի արտադրությունը` 47.7%, պողպատե խողովակների արտադրությունը`22.6%, ցինկի խտանյութի արտադրոթյունը`30,3%, իսկ ալյումինե փայլաթիթեղինը`2.1%, իսկ 2016 թվականին աճ է արձանագրվել է ֆերոմոլիբդենի արտադրության գծով`16.9%, կոնվերտորային պղնձի արտադրության գծով` 11,4%, պղնձի խտանյութի`23.1%, մոլիբդենի խտանյութի արտադրության գծով`2,1%: