Անելիք Բանկն ամփոփեց «Ձմեռային ակցիայի» արդյունքները`խաղարկության անցկացումով և հաղթողներին «ոսկե» նվերներ հանձնելով

Արմինֆո. 2017 թվականի ապրիլի 5-ին ժամը 12։00-ին տեղի ունեցավ Անելիք Բանկի կողմից կազմակերպված ոսկու գրավով վարկառուների միջև ոսկու ձուլակտորների խաղարկությունը։

Ինչպես ԱրմԻնֆո գործակալությունը տեղեկացվել է Բանկի մամուլի ծառայությունից, խաղարկությանը մասնակցում էին  2016 թվականի նոյեմբերի 28-ից մինչև 2017 թվականի փետրվարի 28-ը ներառյալ «Ձմեռային» ակցիայի շրջանակներում ոսկու գրավով վարկառուները։ Արդյունքում 10 հաջողակներ շահեցին 3 հատ 10 և 7 հատ 5 գրամանոց ոսկու ձուլակտորներ։ Մասնակիցները խաղարկությանը կարող էին ուղիղ հեռարձակմամբ հետևել Անելիք Բանկի ֆեյսբուքյան պաշտոնական էջում։

«Սա հերթական հաճելի անակնկալն է, որ Անելիք Բանկը մատուցեց իր հաճախորդներին։ Մեր հաճախորդները հարմար տոկոսադրույքով  վարկ ստանալուց բացի նաև հնարավորություն ունեցան  ստանալ նվերներ։ Հաղթողների անունները տեղադրված են մեր կայքէջում և ֆեյսբուքյան պաշտոնական էջում։ Սրտանց շնորհավորում  ենք հաղթողներին,-  նշեց Մարքեթինգի և հանրության հետ կապերի վարչության ղեկավար Նունե Մելքումյանը՝ ավելացնելով, որ  նման ակցիաները և անակնկալները Անելիք Բանկում շարունակական բնույթ են կրելու»։

Մանրամասներին կարելի է ծանոթանալ www.anelik.am կայքում և 010 59 33 33 հեռախոսահամարով:

Ըստ ԱրմԻնֆո գորչծակալության` Հայաստանի Բանկերի Ֆինանսական Վարկանիշի,, Անելիք Բանկի վարկային ներդրումների ծավալը 2016 թվականին աճել 3,6 անգամ, մինչև 218.8 մլրդ դրամ, որտեղ մանրածախ վարկավորման մասնաբաժինը կազմել է 13% կամ 27,7 մլրդ դրամ: Վարկային պորտֆելի նման աճը բանկին հնարավորություն է տվել հաշվետու տարում 3 անգամ մեծացնել ակտիվները, մինչև 283.5 մլրդ. դրամ: Արդյունքում, վարկային պորտֆելիմասնաբաժինը բանկի ակտիվների կառուցվածքում աճել է 68% մինչեւ 77%: Անելիք Բանկի զուտ շահույթը 2016 թվականին աճել է 5,3 անգամ, մինչև 1,2 մլրդ դրամ: (ՀՀ դրամի հաշվարկային փոխարժեքը 31.12.2016թ.դրությամբ կազմել է 483,94 դրամ / $ 1):

Հիշեցնենք, որ Անելիք Բանկի շուկայում գործում է 1996 թվականի հոկտեմբերից: 2016 թվականի նոյեմբերին իրականացված լրացուցիչ թողարկմից հետո Բանկի բաժնետերերի կազմը փոխվեց, միացավ կիպրոսյան FISTOCO LTD ընկերությունը, 59.68% բաժնեմասով, ինչը նվազեցրել նախկին բաժնետերերի մասնաբաժինը, դեմս Լիբանանյան ԿրեդիտԲանկ S.A.L ի, 100%-ից մինչև 40.32%: Բանկի անուղղակի մեծամասնական բաժնետերերն են հանդիսանում ֆիզիկական անձինք` Tarek J. Khalefe (CreditBank S.A.L) և Վարդան Դիլանյանը (FISTOCO ՍՊԸ):