Հինգշաբթի, 13 Ապրիլի 2017 16:50

Արմինֆո. ՓՄՁ ոլորտի աջակցության ծրագրի շրջանակներում Lydian Armenian լեռնահումքային ընկերությունը, որը վերջերս ձեռնամուխ է եղել Ամուլսարի ոսկու հանքավայրի շահագործմանը, ներդրել է 18.5 մլն. դրամ, մասնավորապես, Գնդեվազի 14 փոքր բիզնեսի և Գնդեվազի`10 փոքր բիզնեսի մեկնարկի համար, որոնք ընտրվել են մրցութային հիմունքներով: Այս մասին ապրիլի 12-ին Վայոց ձոր կատարած աշխատանքային այցի շրջանակներում լրագրողներին հայտնել է Lydian Armenian ընկերության կայուն զարգացման գծով սոցիալական մենեջեր Նարա Ղազարյանը:

 

Նրա խոսքով, հանքավայրին հարակից համայնքների բնակիչների համար այլընտրանքային եկամուտների ստեղծման ծրագրի շրջանակներում ընկերությունն աջակցում է այն ֆերմերներին, որոնցից հողեր է գնել վերջին 2 տարիների ընթացքում: «Հիմնական շեշտադրումը կատարվել է հատկապես կանանց բիզնեսի զարգացման վրա»,-ընդգծել է Ն.Ղազարյանը: Մասնավորապես, ֆինանսավորվել են այն ֆերմերները, որոնք գործարկել են`հացամթերքի, մեղրի, պանրի, անասնապահության, կարի արտադրություն: Սկսնակ ձեռնարկատերերին ընկերությունը մատուցել է տեխնիկական աջակցություն, նախապես կազմակերպելով դանընթացներ, որոնց շրջանակներում մասնակիցները կարող են կատարելագործել իրենց բիզնեսը:

 

«Մասնակիցները ներկայացրել են իրենց բիզնես-նախագծերը, իսկ ընկերությունն ընտրել է լավագույն նախագծերը, ըստ հետևյալ չափանիշների`շահույթի ծավալի, շահույթ ստանալու ժամկետների, շահառուների կողմից ներդրված միջոցների ծավալների և այլն»,-ասել է Ն.Ղազարյանը: Նրա խոսքով, ընկերությունն իրականացնում է այն ծրագրերը, որոնք նպաստում են համայնքի բնակիչների կենսամակարդակի բարելավմանը:

 

Ըստ Ղազարյանի, հետագայում ծրագիրը կընդլայնվի և ֆինանսավորում կստանան այն բիզնեսները, որոնք իրենց ծառայութոյւնները կտրամադրեն Ամուլսարի հանքավայրին: «Մենք ուզում ենք ցույց տալ, որ լեռնահումքային ոլորտը չի խոչընդոտում գյուղատնտեսական հատվածի զարգացմանը, այլ հակառակը, այդ երկու ոլորտները գնում են կողք-կողքի և միասին զարգանում»,-ընդգծել է նա:

 

Գնդեվազ կատարված այցի շրջանակներում լրագրողները ներկա են գտնվել թխվածքների նոր ստեղծված`«Գարանդա» արտադրամասի բացմանը, որի ֆինանսավորումը կազմել է 900 հազար դրամ: «Գարանդա»-ի տնօրեն Աննա Խաչատրյանի խոսքով, օրական արտադրության ծավալը կկազմի 150 տուփ, ինչը կապահովի Գնդեվազի և հարևան համայքների սպառողների պահանջարկը: Ձեռնարկատերը պատվերներ կստանա նաև Lydian Armenian ընկերությունից: Նշենք, որ ընկերությունը Գորայքի և Գնդեվազի համայնքներում ՓՄՁ ոլորտի զարգացման ծրագիրը գործարկել է 2016 թվականից:

 

Նշենք, որ բրիտանական Lydian International Ltd ընկերությունն այսօր Հայաստանում իրականացնում է արդյունաբերական ամենախոշոր՝ Ամուլսարի ոսկու հանքավայրի շահագործման նախագիծը՝ 370 մլն դոլար ընդհանուր արժեքով: Ընթացիկ տարվա օգոստոսին տեղի ունեցավ նախագծի մեկնարկի պաշտոնական արարողությունը, որը նախատեսում է շինարարության և հանքավայրի իրացման սկիզբը: Ամուլսարի հանքավայրի շահագործման ժամկետը կկազմի 10 տարի և 4 ամիս, նախատեսվում է տարեկան արդյունահանել 200 հազար ունցիա ոսկի (մոտ 10 մլն. տոննա հանքանյութ): Մեկ ունցիայի ծախսը միջին հաշվով կազմում են 585 դոլար, իսկ ոսկու կորզման ընդհանուր ցուցանիշը – 87%: Ամուլսարի 370 մլն.դոլար արժեքով ծրագրի շրջանակներում կատարվող շինարարության ընթացքում կստեղծվի 1300 աշխատատեղ (շինարարական աշխատանքները կընթանան մոտ 2 տարի), իսկ հանքավայրի շահագործման ամբողջ ընթացքում կստեղծվի 650-700 աշխատատեղ: Ընկերության բաժնետերերն են` IFC- ն և ՎԶԵԲ-ը: Ընկերության բաժնետոմսերը ցուցակված են Տորոնտոյի ֆոնդային բորսայում: Ամուլսարի հանքավայրն իր պաշարնորով երկրորդն է Հայաստանում: