Արմինֆո. Հաաստանի տուրօպերատորներն իրենց առաջարկներն են ներկայացրել ՀՀ տնտեսական զարգացման և ներդրումների նախարարության Զբոսաշրջության պետական կոմիտեին:
Մասնավորապես, մասնավոր հատվածի ներկայացուցիչները հանդես են գալիս տուրփաթեթներն ԱԱՀ-ից ազատելու օգտին, ինչը, նրանց կարծիքով, ավելի մրցունակ կդարձնի Հայաստանի տուրիստական ոլորտը: Մասնավորապես, տուրօպերատորները նշել են, որ հարևան երկրներում հյուրանոցներն ազատված են ԱԱՀ-ից, հետևաբար, տուրօպերատորները կարող են առաջարկել ավելի մատչելի փաթեթներ, իսկ Հայաստանում ավելի բարձր են ավիատոմսերի, ինչպես նաև հյուրանոցների գները:
Նրանք նաև առաջարկում են հանդես գալ տարվա ոչ աշխատանքային օրերը նախապես պլանավորելու նախաձեռնոթյամբ, ինչը, նրանց կարծիքով, կխթանի ներքին զբոսաշրջությունը և հնարավորոթյուն կընձեռի ավելի հստակ կազմել ուղևորությունները երկրի ներսում: Նրանք անհրաժեշտ են համարում նաև զանազան փառատոների ավելի կազմակերպված անցկացումը: Մասնավորապես, առաջարկում են նշանակել փառատոնի օրն անցկացումից մեկ տարի առաջ, որպեսզի տուրփաթեթները կազմելիս հաշվի առնվի այդ փաստը: Բացի այդ, դժգոհություն է արտահայտվել թանգարանների աշխատանքի կապակցությամբ, մասնավորապես, նրանց աշխատանքային ժամանակացույցի և էքսկուրսավարների թվի առումով: Առաջարկվել է նաև երկարաձգել Հայոց ցեղասպանության ինստիտուտ-թանգարանի աշխատանքի ժամերը, ինչպես նաև ավելացնել էքսկուրսավարների և լեզուների թիվը պատմական թանգարանում:
Իր հերթին, Կոմիտեի ղեկավարը հավաստել է, որ այդ հարցերը քնարկվում են համապատասխան մարմինների հետ: Նա նշել է, որ արդեն մշակվում են «Զբոսաշրջության մասին» օրենքի փոփոխությունները, ինչպես նաև կան պլաններ զբոսաշրջության սուբյեկտների լիցենզավորման առումով: Նա նշել է, որ նախատեսվում է երկու տարում զգալիորեն ավելացնել զբոսաշրջիկների թիվը, ինչպես նաև նրանց գտնվելու միջին ժամանակահատվածը հանրապետությունում:
«Անհրաժեշտ է զբոսաշրջային վայրերում ստեղծել այնպիսի պայմաններ, որոնք կգրավեն զբոսաշրջիկներին, և նրանք ներկայիս 8 օրերի փոխարեն ավելի երկար կմնան, հետևաբար, ավելի շատ կծախսեն, ներկայիս` միջին հաշվով 800 դոլարի փոխարեն մեկ անձի համար», - ասել է նա, հավելելով, որ զբոսաշրջիկների մեծ մասը դժգոհ է պետական ճանապարհների վիճակից, բայց 98%-ը Հայաստանից մեկնում է գոհ: «2017 թվականին զբոսաշրջության առումով թիրախային երկրներ կլինեն Ռուսաստանը, Իրանը, Պարսից ծոցի պետությունները, եվրոպական երկրները, որոնց հետ Հայաստանն ունի օդային ցուղիղ հաղորդակցություններ: Այդ նպատակով մենք կներգրավենք Սփյուռքին և դիվանագիտական հատվածին», - նշել է Զեյթունցյանը, հավելելով, որ ներքին զբոսաշրջության զարգացումը նույնպես առաջնային խնդիր է:
Նշենք, որ Հայաստան այցելած միջազգային զբոսաշրջիկների թիվը 2017 թվականի I եռամսյակում աճել է 18.2%, մինչև 599.3 հազար, ինչը հիմնականում պայմանավորված է իրանցի և ռուսաստանցի զբոսաշրջիկների աճով, որը համապատասխանաբար կազմել է` 17.7% և 7.5%. Ըստ ՀՀ Ազգային վիճակագրական ծառայության տվյալների, 2016 թվականի հունվար-դեկտեմբերին հանրապետություն է այցելել 1 259 657 զբոսաշրջիկ, տարեկան աճը` 5,7%: Նույն ժամանակահատվածում զբոսաշրջության նպատակով Հայաստանից մեկնել է 1 262 687 մարդ, տարեկան աճը`6,3%:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը