Արմինֆո. Վարչապետ Կարեն Կարապետյանի մոտ այսօր կայացել է զբոսաշրջության ոլորտի պետական քաղաքականության, տարածքային համաչափ զարգացման և զբոսաշրջային ռեսուրսների արդյունավետ օգտագործման վերաբերյալ աշխատանքային խորհրդակցություն:
Ինչպես ԱրմԻնֆո գործակալությանը տեղեկացվել է ՀՀ կառավարության մամուլի ծառայությունից, ներկայացվել են, մասնավորապես, Ջերմուկ քաղաքի զարգացման նպատակով ներդրումների ներգրավման մի շարք առաջարկություններ, որոնք մշակվել են Ռազմավարական նախաձեռնությունների կենտրոնի կողմից: Քննարկվել են մրցունակ զբոսաշրջային ուղղությունների զարգացման և զբոսաշրջային սեզոնի երկարաձգման միջոցով Հայաստանի զբոսաշրջային արդյունքի մրցունակության բարձրացման հնարավորությունները:
Վարչապետ Կարապետյանը հանձնարարել է ակտիվացնել զբոսաշրջային ներուժ ունեցող համայնքների զարգացման ծրագրերի մշակման գործընթացը:
Նշենք, որ դեպի Հայաստանի միջազգային զբոսաշրջային ժամանումների թիվը 2017 թվականի I եռամսյակում աճել է 18.2%, մինչև 599.3 հազար, ինչը հիմնականում պայմանավորված էր իրանցի և ռուս զբոսաշրջիկների այցելությունների թվի, համապատասխանաբար`17.7% և 7.5% աճով: Ըստ ՀՀ Ազգային վիճակագրական ծառայության տվյալների, 2016-ի հունվար-դեկտեմբերին Հայաստան էր ժամանել 1,259,657 զբոսաշրջիկ, տարեկան աճը`5,7%: Նույն ժամանակահատվածում զբոսաշրջության նպատակով Հայաստանից մեկնել է 1,262,687 մարդ, տարեկան աճը`6,3%:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |