Արմինֆո. 2017 թվականին Սևանա լճից ջրառը չի պակասեցվի, այլ կշարունակվի կազմել 170 մլն. խոր.մետր: Այս մասին որոշումն ընդունվել է ՀՀ կառավարության մայիսի 4-ի նիստում:
Ինչպես պարզաբանել է ՀՀ Ջրային տնտեսության պետական կոմիտեի ղեկավար Արսեն Հարությունյանը, չնայած ձմռանը տեղած առատ ձյանը, ներկայումս, նախորդ տարվա նույն ժամանակահատվածի համեմատ, գոյություն ունի ժամանակացույցից 65 մլն.խոր.մետրով հետ մնալը: «Առատ ձյան տեղումներից հետո տեղի անձրևներ չեկան, ինչի արդյունքում գոլորշիացավ զգալի ծավալով ջուր»,-պարզաբանել է նա:
Արդյունքում, ներկայումս, ըստ Հարությունյանի, ջրի մակարդակը ոռոգման ջրամբարներում 6-7% ցածր է նախորդ տարվա նույն օրերի համեմատ: «Հետևաբար, մենք չենք կարող պակասեցնել ջրառը»,-հավելել է նա:
Նշենք, որ 2014 թվականին ջրառը Սևանա լճից կազմել 270 մլն խորանարդ մետր, իսկ 2015- 2016 թվականներին`170 մլն խորանարդ մետր: ՀՀ կառավարությունը 2014 թվականի հունվարի 30-ին հավանության էր արժանացրել «Սևանա լճի էկոհամակարգի վերականգնման և պաշտպանության մասին» ՀՀ օրենքի փոփոխությունները, որոնց համաձայն, մինչև 2019 թվականը ոռոգման նպատակով ջրառը Սևանից կավելացվի: Ջրառի ծավալներն ամեն տարի սահմանվում են, կախված ջր իպաշարներից Արարատյան դաշտավայրի ոռոգման համակարգում: Մինչև 2019 թվականը նախատեսվում է կառուցել մի շարք ջրամբարներ, որոնք կարող են լուծել ոռոգման ջրի հավաքման պրոբլեմը, ինչպես նաև կվերանա ջրառի անհրաժեշտությունը Սևանա լճից:-
Կորոնավիրուսի հակաճգնաժամային միջոցառումերի տրամաբանությամբ. ինչպես է հաղթհարվելու եվ ինչի հաշվին
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 1)
Հայաստան. Զարգաման նպատակները, մոգական երազանքը, հեղափոխության ձեվաչափը եվ կանխատեսման հորրիզոնը ( ՄԱՍ 2)
Ջոն և Սոսի Բալյանների հիմնադրամը 1.65 մլն դոլար կհատկացնի "Էրեբունի" հնագիտական արգելոց-թանգարանի նոր շենքի կառուցման և բարեկարգման համար
Տուլան պատրաստ է բարձրորակ հնդկահավի միս մատակարարել Հայաստան և օրգանական պարարտանյութերի արտադրության գործարան կառուցել
Հանքարդյունաբերությունը` <մուկն ու կատու> խճճված խաղ
Հայաստանն ընդգրկվել է Վրաստան արտահանող երկրների առաջատար եռյակում