Արմինֆո. Ռուսաստանում կարող է թույլատրվել հայկական գինիների գովազդը: Դաշնային հակամենաշնորհային ծառայությունն առաջարկում է փոփոխություններ կատարել գովազդի մասին օրենքում, ինչը թույլ կտա Ռուսաստանի ԵԱՏՄ գծով գործընկերներին`Բելառուսին, Ղազախստանին, Հայաստանին և Ղրղզստանին ԶԼՄ-ներում տեղադրել գինիների գովազդներ, հաղորդում է ՌԲԿ-ն, հղում կատարելով regulation.gov.ru պորտալին: Ընդ որում, նախագծի մշակման համար հիմք կարող է ծառայել Ռուսաստանի կառավարության 2015 թվականի հուլիսի որոշումը:
Ինչպես նշում է աղբյուրը, Ռուսաստանում տեղական խաղողից գինի և շամպայն արտադրողները հնարավորություն ունեն իրենց արտադրանքը գովազդել պարբերական հրապարակումներում, ինչպես նաև հեռուստա- և ռադիո-ծրագրերում, որոնք հեռարձակվում են ժամը 23-ից մինչև 7-ը (բացառությամբ մանկա-պատանեկան մարզական ծրագրերի): Սակայն, օրենքը թույլ չի տալիս գովազդել ԵԱՏՄ անդամ-պետություներում արտադրված գինիները և շամպայնը: Ինչպես գտնում է ԴՀԾ-ն, «դա հակասում է ԵԱՏՄ անդամ-երկրների միջև հավասար պայմանների ստեղծման սկզբունքներին»:
Նախագծի մշակմանը մասնակցել են ՌԴ գյողատնտեսության, ԱԳ, տնտեսական զարգացման նախարարությունները, Մինպրոմտորգը, Ռոսալկոհոլռեգուլիրովանիեն և մի շարք այլ գերատեսչություններ: Օրինագիծը կարող է գործել 2018 թվականի մարտից:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |