Չորեքշաբթի, 7 Հունիսի 2017 17:14

Արմինֆո. Հայաստանի խորհրդարանը  հունիսի 7-ին կայացած արտահերթ նիստում առաջին ընթերցմամբ ձեռնամուխ է եղել «Հայաստանի 2017-2020 թվականների պետական սեփականության օբյեկտներ մասնավորեցման ծրագրի մասին» օրենքի քննարկմանը:

Ըստ Պետական ​​գույքի կառավարման վարչության դեպարտամենտի ղեկավարի Հովհաննես Սահակյանի, խոսքը գնում է արդեն վեցերորդ ծրագրի մասին, որի համաձայն, նախատեսվում է ընդգրկել 47 պետական ​​սեփականություն հանդիսացող ձեռնարկություններ, որոնցից 23-ն ավտոմատ կերպով անցել են նախորդ ծրագրից: Սեփականաշնորհման ծրագիրում ներկայացված են մի շարք խոշոր օբյեկտներ, այդ թվում`«Հայփոստ», «Հայֆիլմ», «Հրազդան մարզադաշտ» «Կենտրոնական ավտոկայան», Երևանի ոսկերչական գործարան, Ֆիզիոթերապիայի ինստիտուտ, Ֆանարջյանի անվան քաղցկեղի կենտրոն, Ռադիոիզոտոպների արտադրության կենտրոն, «Արաբկիր» բժշկական կենտրոն, Միջուկային և ճառագայթային անվտանգության գիտա-տեխնիկական կենտրոն և այլն: Կվաճառվեն նաև 10 առողջապահական օբյեկտներ: Նշված ընկերությունների վաճառքից կառավարությունը նախատեսում է ստանալ 35-36 մլրդ դրամ: Օրենքի ներկայացման հիմնական նպատակն այդ օբյեկտների զարգացման նպատակով ներդրումների ներգրավումն է: