Արմինֆո. ՎՏԲ-Հայաստան Բանկը MasterCard միջազգային վճարային համակարգի հետ համատեղ հայտարարում են հերթական անկանխիկ վճարումները խթանող արշավի մեկնարկի մասին: Կատարելով գնումներ և վճարելով ՎՏԲ-Հայաստան Բանկի MasterCard վճարային քարտերով, հաճախորդները հնարավորություն կստանան շահել արժեքավոր մրցանակներ՝ կենցաղային տեխնիկայի ձերքբերման հավաստագրեր և գլխավոր մրցանակ՝ Hyundai Solaris ավտոմեքենա:
Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ակցիային մասնակցելու համար ՎՏԲ-Հայաստան Բանկի կողմից թողարկված Cirrus®/Maestro®, MasterCard Standard® և MasterCard® Gold քարտապանները, ինչպես նաև նրանք, ովքեր կձևակերպեն ՎՏԲ-Հայաստան Բանկի MasterCard քարտեր, ակցիայի անցկացման ընթացքում պետք է 10.06.2017թ-ից մինչև 10.09.2017թ. ներառյալ ընկած ժամանակահատվածում կատարեն 300.000 ՀՀ դրամ և ավելի գումարի չափով անկանխիկ գործարքներ, Հայաստանի և արտերկրի բոլոր առևտրի/սպասարկման կետերում, ինչպես նաև ինտերնետում: Ակցիայի ավարտից հետո 100 ամենաակտիվ քարտապանները կմասնակցեն կենցաղային տեխնիկայի ձեռքբերման 10 հավաստագրերի և գլխավոր մրցանակի` Hyundai Solaris ավտոմեքենայի խաղարկությանը:
Խաղարկությունը կանցկացվի վիճակախաղի միջոցով և ուղիղ եթերով կհեռարձակվի հեռուստատեսությամբ: #երբշահումես ակցիայի անկացման մանրամասն պայմաններին կարելի է ծանոթանալ ՎՏԲ-Հայաստան Բանկի www.vtb.am կայքում` http://vtb.am/retail/akcii/Maldivs/, Բանկի մասնաճյուղերում կամ զանգահարելով ՎՏԲ-Հայաստան Բանկի Միասնական տեղեկատվական ծառայություն՝ 87-87 հեռախոսահամարով:
Ըստ ԱրմԻնֆո գործակլության` «Հայաստանի բանկերի քարտային բիզնեսում» 15-րդ թողարկման վերլուծական տեղեկագրի, ՎՏԲ-Հայաստան Բանկը առաջատարն է պլաստիկ շուկայում, ընդ որում, ոչ թե միայն ակտիվ քարտերի թվով, այլ նաև ընդհանուր անկանխիկ գործարքների և բանկոմատներով գործարքների ծավալներով: Այնպես, 2017 թվականի ապրիլի 1-ի դրությամբ բանկն ուներ մոտ 313 հազար քարտ, որից ավելի քան 56%-ը, կամ 175,6 հազարը Visa քարտերն են, իսկ մնացած գրեթե 44%-ը, կամ 137.4 հազարը` MasterCard համակարգի քարտերը: Բանկի MasterCard քարտերի թիվը տարեկան կտրավծքով աճել է 75.3% կամ 59 հազարով: Բանկի քարտերով պլաստիկ գործարքների ծավալը 2016 թվականին կազմել է ավելի քան 222 մլրդ դրամ (տարեկան աճը`5.7%), որից շուրջ 205 մլրդ դրամը կատարվել են բանկոմատներով (տարեկան աճը`7,4%): 2017-ի ապրիլի 1-ին բանկն ուներ 333 սեփական POS- տերմինալներ և 157 բանկոմատ: Մինչև 2013 թվականը ՎՏԲ-Հայաստան Բանկը թողարկում և սպասարկվում էր միայն միջազգային VISA քարտերը, որից հետո, նույն տարվա սեպտեմբերին, դառնալով MasterCard Worldwide միջազգային վճարային համակարգի լիիրավ անդամ, Բանկը ձեռնամուխ եղավ Cirrus / Maestro, MasterCard Standart և MasterCard Gold քարտերի թողարկմանը և սպասարկմանը: Բացի այդ, բանկը սպասարկում է նաև տեղական ArCa քարտերը: Բանկն ունի իր սեփական պրոցեսինգային կենտրոնը: ՎՏԲ-Հայաստան Բանկը VISA International և MasterCard Worldwide վճարային համակարգերի լիիրավ անդամ է:
Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի 67 մասնաճյուղ, իր ներկայությունն ապահովելով ոչ միայն մայրաքաղաքում, այլև մարզերում: