Դեսպան Թումանյանի հանդիպումն Իրանի Առևտրի զարգացման կազմակերպության նախագահի հետ

Արմինֆո. Հուլիսի 2-ին ԻԻՀ-ում ՀՀ դեսպան Արտաշես Թումանյանը հանդիպեց Իրանի Առևտրի զարգացման կազմակերպության նախագահ Մոջթաբա Խոսրովթաջի և տնտեսական ոլորտի մի շարք խոշոր ընկերությունների ու ասոցիացիաների ներկայացուցիչների հետ:
Ինչպես ԱրմԻՆֆո գործակալությանը տեղեկացվել է ՀՀ ԱԳՆ մամուլի ծառայությունից, հանդիպման ընթացքում քննարկվեցին Հայաստան-Իրան առևտրատնտեսական հարաբերությունների ընթացքում առաջացած խնդիրների լուծմանն աջակցող օպերատիվ խմբերի աշխատանքները կազմակերպելու խնդիրները: 

Նշենք, որ ըստ ՀՀ Ազգային վիճակագրական ծառայության տվյալների, առևտրի շրջանառությունը Հայաստանի և Իրանի միջև 2016 թվականին կազմել է $ 238,8 մլն, տարեկան անկումը`17.7%: Արտահանման ծավալը կազմել է $ 74.8 մլն, տարեկան անկումը` 8,4%, իսկ ներմուծման ծավալը`$ 164 մլն, տարեկան անկումը`17.3%:

Միևնույն ժամանակ, առևտրի շրջանառությունը Հայաստանի և Իրանի միջև 2017 թվականի հունվար-մայիսին կազմել է $ 89 մլն, տարեկան անկումը`8.1%: Այդ թվում, արտահանմումը կազմել է $ 26,2 մլն, տարեկան անկումը`21,9%, իսկ ներմուծումը`$ 62,8 մլն, տարեկան անկումը`0,7%: