10 տարվա ընթացքում Հայաստանից արտահոսել է $8.9 մլրդ և դրա գրեթե մեկ երրորդը՝ Ռուսաստան

Արմինֆո. Վերջին տասը տարում ֆիզիկական անձանց տրանսֆերտների արտահոսքը Հայաստանից կազմել է $8.9 մլրդ, որից 26,7% կամ $2.4 մլրդ-ն՝ Ռուսաստան: Այս պայմաններում ֆիզիկական անձանց տրանսֆերտների տասնամյա ներհոսքն ավելի տպավորիչ է՝  $19.6 մլրդ, որից 67,4% կամ $13.2 մլրդ Հայաստան է ստացվել Ռուսաստանից: Արդյունքում զուտ ներհոսքը կազմել է $10.7 մլրդ:

ՀՀ ԿԲ տվյալներով, 2017 թ. հունվար-մայիսին ֆիզիկական անձանց տրանսֆերտների ներհոսքը Հայաստան  կազմել է $577.2 մլն՝ 6,2% անկումից 18,5% աճ տարեկան դինամիկայի արդյունքով, իսկ արտահոսել է՝ $356.7 մլն՝

տարեկան աճի 10,5%-ից մինչև 13,6% արագացմամբ: Ռուսաստանի բաժինը ներհոսքում կազնել է 54,3%, իսկ արտահոսքում՝ 40,4%՝ մեկ տարի առաջվա համապատասխանաբար 54,7%-ի և 46,7%-ի փոխարեն: Հինգ տարի առաջ (2012 թ. հունվար-մայիս) Ռուսաստանի բաժինը ներհոսքում կազմել է 67,5%, իսկ արտահոսքում՝ 24,5%: Ներհոսքում Ռուսաստանից տրանսֆերտների ծավալը 2017 թ. հունվար-մայիսին աճել է տարեկան 17,8%-ով՝ մինչև $313.4 մլն, իսկ արտահոսքում, ընդհակառակը, դիտվում է դեպի Ռուսաստան տրանսֆերտների տարեկան անկում ՝ 1,8%-ով, մինչև $144 մլն: 2017 թ. մայիսին 2016 թ. մայիսի համեմատ ֆիզիկական անձանց տրանսֆերտների ընդհանուր ներհոսքը Հայաստան աճել է 41,5%-ով (մեկ տարի առաջվա 17% անկման փոխարեն/, իսկ ընդհանուր արտահոսքն աճել է 28,6%-ով (մեկ տարի առաջվա 14,6% աճի փոխարեն/:

ՀՀ Ազգային վիճակագրական ծառայության տվյալներով, տնտեսական ակտիվությունը 2017 թ. հունվար-մայիսին ավելացել է 6,4%-ով՝ արտահանման 20,9% և ներմուծման 24,4% աճի պայմաններում: 2016 թ. հունվար-մայիսին դիտվել է տնտեսական ակտիվության աճի արագացում՝ 5,5%-ից մինչև 2,7% 2015թ. հունվար-մայիսին՝ արտահանման 15,2% անկումից 20,1% աճ և ներմուծման 38% անկւոմից 0,9% աճ դինամիկայի արդյունքով:

Նշենք, որ դեպի Հայաստան ֆիզիկական անձանց դրամական փոխանցումների ներհոսքը 2016 թվականի հունվար-դեկտեմբերին կրճատվել է 6,1%, մինչև $ 1.5 մլրդ, իսկ արտահոսքն աճել է 7.4%, մինչև $ 817 մլն: Արդյունքում, ֆիզիկական անձանց տրանսֆերտների զուտ ներհոսքը նվազել է 17.8%: Ըստ ՀՀ Կենտրոնական բանկի տվյալների, Ռուսաստանից դեպի Հայաստան փոխանցումների ներհոսքը 2016 թվականին կրճատվել է 11.1%, մինչև $ 896,9 մլն, իսկ արտահոսքն աճել է 16.5%, մինչև $ 333,4 մլն, հետևաբար, Ռուսաստանից Հայաստան տրանսֆերտների զուտ ներհոսքը կազմել է $ 563,5 մլն, տարեկան անկումը`22%: Փոխանցումների ներհոսքի և արտահոսքի կառուցվածքում 2016 թվականին գերիշխել է Ռուսաստանը - 58.5% և 40.8%, նախորդ տարի`61.8% և 37.6%: Ըստ ՀՀ ԿԲ տվյալների, 2015 թվականին դեպի Հայաստան ֆիզիկական անձանց տրանսֆերտների ներհոսքը կրճատվել է 23,5%, մինչև $ 1.6 մլրդ, իսկ արտահոսքը`16.2%, մինչև $ 0.8 մլրդ: 2015 թվականին Ռուսաստանից Հայաստան տրանսֆերտների ներհոսքը նվազել է 36,1%, իսկ արտահոսքը  Հայաստանից դեպի Ռուսաստան է 0,7%: 2015 թվականին արդյունքներով Ռուսաստանի մասնաբաժինը դեպի Հայաստան տրանսֆերտների ներհոսքի և արտահոսքի ծավալներում համապատասխանաբար կազմել էր` 61.8% և 37.6%, համապատասխանաբար, տարեկան կտրվածքով ավելանալով`83% և 59.8%: Ըստ ՀՀ Ազգային վիճակագրական ծառայության տվյալների, տնտեսական ակտիվության աճը Հայաստանում 2016 թ.-ին դանդաղել է 3.1%, մինչև 0.5%: Միևնույն ժամանակ, արտաքին առևտրի դինամիկան 2016 թ. 20,6% անկումը փոխարինել է 7,4% աճով, ինչը պայմանավորված էր արտահանման 20% աճով և ներմուծման 1.6% աճով: