Չորեքշաբթի, 12 Հուլիսի 2017 20:11

Արմինֆո. Հայաստանում թանկարժեք մետաղների գների անկումը շարունակվում է չորրորդ շաբաթն անընդմեջ: Այսպես, ընթացիկ շաբաթ թանկարժեք մետաղներն էժանացել են 2.2%, նախորդ շաբաթ տեղի ունեցած 0.7% անկումից հետո: Ընդ որում, այժմ վայրընթաց դինամիկա արձանագրեցին բոլոր մետաղները, մինչդեռ, անցյալ շաբաթ արծաթը մյուս թանկարժեք մետաղների էժանացման ֆոնին սկսեց թանկանալ:

Ինչպես ԱրմԻնֆո գործակալությանը տեղեկացվել է ՀՀ ֆինանսների նախարարության «Թանկարժեք մետաղների և թանկարժեք քարերի պետական ​​գանձարան» գործակալությունից, 2017 թվականի հուլիսի 10-16-ը սահմանվել են թանկարժեք մետաղների հետևյալ գները` մեկ գրամ ոսկու վաճառքի գինը – 18869.51 դրամ (շաբաթական անկումը` 2%), արծաթ – 247.92 դրամ (շաբաթական անկումը`3,6%), պլատինիում – 14007.08 դրամ (շաբաթական անկումը` 1,3%), պալադիում – 12990.47 դրամ (շաբաթական անկումը`1,8%):