Արմինֆո. Հուլիսի 17-21-ը Հայաստանի արտարժույթի միջբանկային շուկայում ծավալը կրճատվել է 28,7%-ով, նախորդ շաբաթվա 3,3 անգամ կտրուկ աճից հետո: Դրան զուգընթաց, արժույթի ներբանկային շուկայում ավելի աշխուժացել է դոլարի և եվրոյի վաճառքը` ռուբլու գնման պահպանվող ակտիվության ֆոնին: Արտարժույթի բորսայական հարթակն առայժմ դատարկ է:
Արդյունքում` հաշվետու շաբաթվա ընթացքում դոլարի նկատմամբ դրամի փոխարժեքի արժեվորումը փոխարինվել է արժեզրկմամբ` 478,5-ից մինչև 479 դրամ/1դոլար, եվրոյի նկատմամբ` 545-ից միչև 556 դրամ/1եվրո մակարդակի, իսկ ռուբլու նկատմամբ դիրքերը պահպանելով 8 դրամ/1ռուբլի մակարդակում: 2016 թվականի հուլիսի 21-ին դրամի փոխարժեքը դոլարի նկատմամբ կազմել էր 476,5 դրամ/1դոլար, եվրոյի նկատմամբ` 525,5 դրամ/1եվրո, իսկ ռուբլու նկատմամբ`7.5 դրամ/1ռուբլի, ինչը ներկա փոխարժեքի համեմատ ցույց է տալիս տվյալ արտարժույթների նկատմամբ դրամի տարեկան արժեզրկում:
Ինչպես ԱրմԻնֆո-ին հաղորել են ՀՀ կենտրոնական բանկի մամուլի ծառայությունից, NASDAQ OMX Armenia բորսայական հարթակում երկու ամիս անընդմեջ գործարքներ չեն եղել: Մինչդեռ արտարժույթի միջբանկային շուկայում հուլիսի 17-21-ը գործարքների ծավալները կազմել են 7.2 մլն. դոլար, միջին կշռված փոխարժեքը` 478.72 դրամ/1դոլար (նախորդ շաբաթ`479,43 դրամ/1դոլար): Դրան զուգընթաց, արտարժույթի ներբանկային շուկայում բանկերի կողմից դոլարի առքի դինամիկան փոխվել է` 23.4% աճից մինչև 3% անկում, իսկ վաճառքի տրենդը` 8.9% անկումից մինչև 21% աճ, եվրոյի գնման աճը դանդաղել է 5,9% -ից մինչև 3,4%, իսկ վաճառքի աճն արագացել է 8,6% -ից մինչեւ 12%, ռուբլու գնման աճն արագացել է 17,3%-ից մինչեւ 22%` վաճառքի դինամիկայի 45.8% աճից 28% անկման փոփոխմամբ: Արդյունքում` գնվել 92 մլն դոլար` 477.86 դրամ /1դոլար միջին փոխարժեքով, 9.2 մլն եվրո` 547.62 դրամ/1եվրո միջին փոխարժեքով եւ 1.7 մլրդ ռուբլի` 8,04 դրամ/1ռուբլի միջին փոխարժեքով, իսկ վաճառվել 99 մլն դոլար 479.22 դրամ/1դոլար միջին փոխարժեքով, 17.1 մլն եվրո 551.87 դրամ/1եվրո միջին փոխարժեքով, 476,9 մլն ռուբլի` 8.13 դրամ/1ռուբլի միջին փոխարժեքով:
Աղբյուրի համաձայն, նախորդ շաբաթ (հուլիսի 10-15-ը) Հայաստանի բանկերը տրամադրել են 53.5 մլրդ դրամի և 76.9 մլն դոլարի վարկեր: Դրան նախորդող ժամանակահատվածի համեմատ վարկերի ծավալների դինամիկան հետևյալն է. դրամային վարկերի ծավալների 25,1% անկումը փոխարինվել է 18,6% աճով, իսկ դոլարային վարկերի ծավալների 28,3% անկումը փոխարինվել է 70% աճով:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ