Արմինֆո. Հայաստանն ու Չինաստանը համաձայնագիր կստորագրեն «Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև խաղաղ նպատակներով միջուկային էներգիայի անվտանգ օգտագործման մասին»: Համաձայնագրի կնքման առաջարկւ հավանության է արժանացել կառավարության օգոստոսի 17-ի նիստում:
Նախագծի տեղեկանք-հիմնավորման մեջ նշվում է, որ համաձայնագրի կնքումը թույլ կտա Հայաստանի և Չինաստանի միջև համագործակցություն հաստատել միջուկային էներգիայի ոլորտում, կծառայի բացառապես միջուկային էներգիայի օգտագործման խաղաղ նպատակներին: Բացի այդ, նշվում է, որ միջուկային էներգիան չի օգտագործվի միջուկային զենք կամ այլ միջուկային պայթուցիչ սարքեր ստեղծելու համար կամ այլ ռազմավարական նպատակներով:
Համագործակցության ընթացքում կողմերը կղեկավարվեն ՄԱԿ 1968թ. հուլիսի 1-ի «Միջուկային զենքի չտարածման մասինե պայմանագրի սկզբունքներով, ինչպես նաև պարտավորվում են այդ սարքերը, նյութերը, տեխնոլոգիաները չտրամադրել երրորդ երկրի` առանց մյուս կողմի գրավոր համաձայնության: Համաձայնագրով կարգավորվում են առևտրային կապերի և միջուկային էներգիայի ոլորտում համագործակցության գործընթացում փոխօգնության երկկողմ ծրագրերի, մտավոր սեփականության իրավունքների պաշտպանության պայմանները:
Վերը նշված համաձայնագրի մշակման վերաբերյալ որոշում էր կայացվել 2017 թվականի հունիսի 7-ին ՀՀ նախագահի մոտ խորհրդակցության ընթացքում` Հայաստանի և Չինաստանի միջև առկա հարաբերությունների արդյունավետության բարձրացման և դիտարկման նպատակով: Հիշեցնենք, որ Հայաստանը դիտարկում է մինչև 600 ՄՎտ հզորությամբ նոր միջուկային էներգաբլոկի կառուցման հարցը, որի կառուցման տեխնոլոգիային տիրապետում են նաև չինական ընկերությունները:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |