Երկուշաբթի, 11 Սեպտեմբերի 2017 17:30
Նաիրա Բադալյան

ԵՄ Հայաստանի օրգանական գյուղատնտեսական ապրանքների համար մեծ հեռանկարներ է տեսնում եվրոպական շուկայում

ԵՄ Հայաստանի օրգանական գյուղատնտեսական ապրանքների համար մեծ հեռանկարներ է տեսնում եվրոպական շուկայում

Արմինֆո. Հայաստանում ԵՄ պատվիրակության ղեկավար Պյոտր Սվիտալսկին Հայաստանի օրգանական գյուղատնտեսական ապրանքների համար մեծ հեռանկարներ է տեսնում եվրոպական շուկայում, քանի որ այն «որակյալ է ու համեղ»: Այս մասին սեպտեմբերի 11-ին նա հայտարարել է Երևանում մեկնարկած`«Օրգանական գյուղատնտեսության ամիս» միջոցառմանը, «Օրգանական գյուղատնատեսության աջակցման նախաձեռնություն» ծրագրի շրջանակներում:

Ըստ դեսպանի, այսօր աշխարհում օրգանական արտադրանքի շուկայում կա մեծ մրցակցություն: 2015-ի վերջին աշխարհի օրգանական հողերի տարածքը հասել է 12,7 մլն հեկտարի, որից 11,2 մլն հա ԵՄ-ում: ԵՄ օրգանական մանրածախ շուկայի ընդհանուր արժեքը կազմում է 24 մլրդ: Այնուամենայնիվ, ԵՄ-ը մեծ ներուժ է տեսնում Հայաստանում օրգանական գյուղատնտեսության զարգացման համար: Ըստ դեսպանի, Հայաստանի օրգանական գյուղատնտեսական արտադրանքը կարող է լիովին իր տեղը գտնել եվրոպական շուկայում, իր մրցակցային առավելության, մասնավորապես, արևի, հողի և կլիմայի, «բարձր որակի և համի» շնորհիվ: «Դրանում ես համոզվում եմ ամեն օր, և վստահ եմ, որ Եվրոպական սպառողը շատ բան է կորցնում, չունենալով ելք դեպի հայկական ապրանքները», - ասել է դիվանագետը: Ըստ Սվիտալսկու, ներդրումներ կատարելով Հայաստանի գյուղատնտեսության ոլորտում, Եվրամիությունը նպատակ ունի ոչ միայն ապահովել սննդամթերքի անվտանգությունը երկրում, այլ նաև ներդնել օրգանական գյուղատնտեսության ներդրման գաղափարախոսությունը:

Ինչպես նշել է ՀՀ գյուղատնտեսության նախարար Իգնատի Առաքելյանը, օրգանական գյուղատնտեսությունն ունի բոլոր շանսերը դառնալու նոր և խոստումնալից ուղղություն հանրապետության գյուղատնտեսության ոլորտում: Այսօր, ըստ նախարարի, Հայաստանը դեռ չի կարող հպարտանալ օրգանական գյուղատնտեսական արտադրանքի արտահանման ծավալներով: Կա օրգանական մեղրի արտահանում, բայց լայն արտահանման համար Հայաստանին հարկավոր է լուծել ծավալների, գների և սերտիֆիկացման հարցերը: Այդ հարցը գյուղատնտեսության նախարարությունը փորձում է լուծել փոքր ֆերմերների խոշորացման միջոցով, ինչի համար էլ բանակցություններ են ընթանում արտադրողների հետ: Ի տարբերություն ավանդական գյուղատնտեսական արտադրանքի, որոնք հիմնականում արտահանվում են Ռուսաստանի շուկաներ, ըստ նմախարարի, օրգանական արտադրության ունի մեծ ներուժ և կարող է մուտք գործել եվրոպական շուկա: «Կա բնակչության իրազեկման հետ կապված խնդիրը, ինչին կոչված է այսօր սկսված նախաձեռնությունը: Ներկայումս օրգանական արտադրանքները ճիշտ չեն գնահատված», - ասել է Առաքելյանը: Այսօր, ինչպես նշել է նախարարը, հնարավոր է, որ իրազեկության բացակայության պատճառով ֆերմերները մեծ հետաքրքրություն չեն ցուցաբերում օրգանական գյուղատնտեսական արտադրանքի կազմակերպման հարցում:

Եվրոպական միության կողմից ֆինանսավորվող, Ավստրիայի զարգացման գործակալության կողմից համաֆինանսավորվող Օրգանական գյուղատնտեսության խթանման եռամյա ծրագիրը, որի ընդհանուր բյուջեն կազմում է 3,3 միլիոն եվրո,  մեկնարկել է 2015-ի սեպտեմբերին և կոչված է բացահայտել Հայաստանի ներուժն օրգանական գյուղատնտեսության ոլորտում: Ծրագիրը ունի 4 հիմնական բաղադրիչ. օրենսդրական դաշտի բարեփոխում և համապատասխան հաստատությունների ստեղծում, օժանդակություն այն անձանց, ովքեր ցանկանում են զբաղվել օրգանական գյուղատնտեսությունով, աճող իրազեկություն և արտաքին շուկաների որոնում: Ծրագրի շրջանակներում Հայաստանի գրեթե բոլոր մարզերից 18 ֆերմերներ արդեն ստացել են ֆինանսական աջակցություն, իսկ 28-ը`տեխնիկական աջակցություն: «Օրգանական գյուղատնտեսության ամիս» միջոցառման ընթացքում, որն ընթանում է «Առողջ բնություն - առողջ են նաև դու» կարգախոսով, նախատեսվում են ծրագրի պոտենցիալ շահառուների իրազեկության բարձրացմանը և հմտությունների բարձրացմանն  ուղղված զանազան միջոցառումներ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
03.07.2020
RUB6.81-0.07
USD483.840.48
EUR543.30-2.17
GBP602.38-2.59
CAD356.470.82
JPY45.020.03
CNY68.500.00
CHF511.13-1.18



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000