Արմինֆո. ԵՄ հետ համաձայնագրի ստորագրման դեպքում Երևանը պետք է հաշվի առնի այնտեղից ներդրումների և տեխնոլոգիաների հոսքի բացակայության հեռանկարը և համապասխնաբար շտկի սեփական մոտեցումները: Երևանում «Ինտեգրացիոն վեկտորներ և անվտանգություն. մարտահրավերներ և հնարավորություններ» թեմային նվիրված միջազգային կլոր սեղանի ընթացքում այդպիսի կարծիք է հայտնել ԱՊՀ երկրների ինստիտուտի էկոնոմիկայի բաժնի վարիչ, տնտեսագիտության դոկտոր Ազա Միհրանյանը:
2017 թվականի նոյեմբերին «Արևելյան գործընկերության» Բրյուսելի գագաթնաժողովում Հայաստանը մտադիր է ստորագրել ԵՄ հետ գործընկերության վերաբերյալ շրջանակային փաստաթուղթը` Համապարփակ և ընդլայնված գործընկերության շուրջ համաձայնագիրը, որը նախաստորագրվել է մարտի 21-ին: Համապատասխան բանակցություններ էր նախաձեռնել ԵՄ ԱԳՆ խորհուրդը` 2015 թվականի հոկտեմբերի 12-ին Լյուքսեմբուրգում:
Տնտեսագետը, մասնավորապես, համոզմունք է հայտնել, որ Բրյուսելը ոչ մի տեխնոլոգիա չի փոխանցի ԵՄ վերահսկողությունից դուրս գտնվող, առավել ևս, ԵԱՏՄ անդամ Հայաստանին` հնարավոր մրցակցությունից խուսափելու նպատակով: Այդ լույսի ներքո` Միհրանյանը նշել է եվրոպական ինտեգրացիոն նախագծերում Հայաստանի ներառման արդյունքում տեխնոլոգիական բեկման մասին խոսակցությունների կասկածելի լինելը:
Տնտեսագետը նաև կարծում է, որ Հայաստանն իր ոչ մեծ տնտեսությունով և, համապատասխանաբար, շահերով ու հնարավորություններով և մեծ խնդիրներով չպետք է ակտիվ ներդրումային հոսք ակնկալի Եվրոպայից, հատկապես` հաշվի առնելով ԵՄ-ում առկա բարդ ֆինանսական իրավիճակը, խնդիրները և մրցակցությունը համաեվրոպական շուկայի ներքին ռեսուրսների համար: -գ-
Արմեն Մելիքյան. Հեռահաղորդակցության ոլորտում Հայաստանը կարող է հայտնվել 90-ական թվականների վերջի իրավիճակում
Սերգեյ Դորոխին․ <ՀԿԵ-ն ունի բոլոր անհրաժեշտ ռեսուրսները ցանկացած բարդության և ցանկացած հեռավորության փոխադրումների կազմակերպման համար>
Փորձագետ. Հայաստանում լեռնահանքային արտադրության վերականգնման հարցն ավելի քան արդիական է դառնում
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
