Արմինֆո. Մինչև 2018 թիվը Հայաստանում բնակչության մեկ շնչին բաժին ընկնող ՀՆԱ տարեվերջին ակնկալվող 3699 դոլարից կհասնի մինչև 3985 դոլարի: Հոկտեմբերի 22-ին Գերմանիայի միջազգային համագործակցության ընկերության աջակցությամբ կազմակերպված սեմինարի ժամանակ այդ մասին հայտարարել է ֆինանսների փոխնախարար Արմեն Հայրապետյանը` պատասխանելով ԱրմԻնֆո-ի հարցին:
Փոխնախարարի ասելով, մեկ շնչին բաժին ընկնող ՀՆԱ 286 դոլար աճ նախատեսվում է ապահովել 2018 թվի բյուջեի նախագծում ամրագրված ցուցանիշների աճի շրջանակում, մասնավորապես` կանխատեսվող ՀՆԱ 4,5% աճի շրջանակում:
Ավելի վաղ ֆինանսների նախարար Վարդան Արամյանը հայտարարել էր, որ 2020 թվին բնակչության մեկ շնչին բաժին ընկնող ՀՆԱ կկազմի 4700 դոլար` ներկայիս շուրջ 3500 դոլարի փոխարեն: Ընդ որում, ինչպես պարզաբանել էր նախարարը, հաշվարկը կատարվել է 1 ԱՄՆ դոլարի դիմաց 480 դրամ փոխարժեքի պահպանման հիման վրա:
Նշենք, որ մայիսի 18-ին ՀՀ նախագահ Սերժ Սարգսյանը, դիմելով նոր գումարման ԱԺ պատգամավորներին, հայտարարել էր, որ մինչև 2040 թիվը հանրապետությունում բնակչության մեկ շնչին բաժին ընկնող ՀՆԱ նախատեսվում է հասցնել մինչև մոտ 15000 դոլարի, հաշվի առնելով ինչպես ՀՆԱ աճի տեմպերը, այնպես էլ ժողովրդագրական իրավիճակի նախատեսվող բարելավումը: Անհրաժեշտ է, որպեսզի տնտեսական աճի միջին տարեկան տեմպերն զգալիորեն գերազանցեն տնտեսական աճի միջազգային տեմպերը, որպեսզի աստիճանաբար կրճատվի Հայաստանի և զարգացած երկրների բնակչության մեկ շնչին բաժին ընկնող ՀՆԱ ցուցանիշների տարբերությունը, նշել է նա: Մասնավորապես, ինչպես հայտարարել էր Սարգսյանը, 1990-2015թթ. Հայաստանի ՀՆԱ 2 մլրդ 257 մլն դոլարից հասել է մինչև10 մլրդ 529 մլն դոլարի` ավելանալով մոտ 4,7 անգամ: 2016-2040 թթ. նախատեսվում է ապահովել շուրջ 5 տոկոս միջին տարեկան աճ և հասնել ավելի քան 57- 60 մլրդ դոլար ցուցանիշի` ապահովելով մոտ հինգոըկես անգամ աճ:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |