Փորձագետ. Միայն խաղողի այգիների ընդլայնումից հետո կարելի է խոսել հայկական գինիների արտահանման խթանման մասին

Արմինֆո. Հայկական գինիները չեն կարող մրցակցել Իսպանիայում, Հարավային Իտալիայում արտադրված գինիների հետ քանակական տեսանկյունից, բայց որակյալ գինիներ արտադրելու առումով կա մեծ ներուժ: Նոյեմբերի 23-ին «ԱրմԻնֆո»-ի թղթակցի հետ զրույցում նման կարծիք է հայտնել «Semina Consulting» ընկերության գործադիր տնօրեն Վահե Քուշգերյանը Գինեգործական Միջազգային ֆորումի շրջանակներում:

Բարձրորակ գինիներր արտադրությունն ապահովվում է հողի, միկրոկլիմայի, գտնվելու վայրի, խաղողի այգիների` ծովի մակարդակից 1000-1800 մ բարձրության վրա գտնվելու, ինչպես նաև խաղողի պատմական բացառիկ տեսակների շնորհիվ: «Մենք պետք է աշխատենք մեծացնել լավագույն խաղողի գինիների արտադրությունը, այլ ոչ թե կենտրոնանանք քանակի վրա և արտադրենք $ 1-2 արժեքով գինիներ, ինչը չափազանց ձեռնտու չէ Հայաստանին»: Խոսելով արտահանման շուկաների ընդլայնման մասին,  մասնավորապես Չինաստանի հետ համագործակցության հեռանկարներից, ինչն այսօր բավականին հաջող իրականացնում է Վրաստանը, Վ. Քուշգերյանը նշել է, որ վրացի գործընկերներին դա հաջողվել շնորհիվ արտադրության ծավալների, որը մի քանի անգամ գերազանցում է հայկական գինիների արտահանմանը: Նրա կարծիքով, վրացական գինու արտադրության աճը խթանվում է պետական ​​սուբսիդավորման ծրագրերով: Սակայն, փորձագետը քննադատել է Վրաստանի իշխանությունների այդ մոտեցումը: «Պետական ​​սուբսիդիաները սահմանափակ են: Պետությունը չի կարող մշտապես խթանել ֆերմերներին: Եվ երբ, վերջում, այդ գործընթացն ավարտվի, վրացի գինեգործներն ստիպված կլինեն վերադառնալ մեկնարմին և սովորել իրենց արտադրանքը խթանել առանց որևէ աջակցության: Իմ կարծիքով, սա չափազանց սխալ մոտեցում է»: Վերադառնալով դեպի Չինաստան հայկական գինիների արտահանմանը, փորձագետը նշել է, որ «մեր արտադրական ծավալները չեն բավարարում չինական շուկայի պահանջարկը»:

«Ամեն տարի լինում են հաճախորդներ, ովքեր ցանկանում են գնել մոտ 200 տոննա խաղող: Մենք հազվադեպ ենք գտնում 100 տոննա: Հետևաբար, առաջին հերթին, մենք պետք է ընդլայենք խաղողի այգիները, ապա նոր խոսենք արտաքին շուկաներում գինու վաճառքի խթանման մասին: Իսկ առայժմ մենք այդքան խաղող չունենք», - ընդգծել է նա:

Նշենք, որ Semina Consulting ընկերությունը հիմնադրվել է Վ.Քուշգերյանի կողմից, Հայաստանում, և խորհրդատվական ծառայություններ է առաջարկում խաղողագործության բնագավառում, ինչպես նաև ռազմավարական աջակցություն գինեգործության և մարքեթինգի կառավարմանը: Ընկերությունը նպատակ ունի զարգացնել գինու մշակույթը, արդիականացնելով արագ զարգացող գինեգործության հատվածը:

Գինու միջազգային ֆորումը Հայաստանում տեղի է ունենում Հայաստանի գինեգործության և խաղողագործության հիմնադրամի նախաձեռնությամբ և նվիրված «Միջազգային միտումները և փորձը գինու շուկայում: դիտարկումներ և առաջարկություններ Հայաստանի համար» թեմային: Ֆորումին մասնակցում են աշխարհի ավելի քան 30 առաջատար փորձագետներ 7 երկրներից:

ՀՀ Ազգային վիճակագրական ծառայության տվյալներով, 2017 թվականի հունվար-սեպտեմբեր ամիսներին Հայաստանում արտադրվել է 5.9 մլն լիտր գինի, տարեկան 36.7% աճով: Ըստ Մաքսային ծառայության տվյալների, 2016-ին Հայաստանից արտահանվել է 1,8 մլն լիտր գինի, տարեկան աճը`27.7%, որի մաքսային արժեքն աճել է 43.6%, կազմելով 5,9 մլն.դոլար:-