Արմինֆո. ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը դեկտեմբերի 4-ին ընդունել է Հայաստանի Հանրապետությունում Չեխիայի Հանրապետության արտակարգ և լիազոր դեսպան Պետր Միկիսկային և «Arrivaե տրանսպորտային ընկերության գործադիր տնօրեն Դանիել Ադամկային։
Ինչպես տեղեկացնում է նախարարության մամուլի ծառայությունը, դեսպանը նախարարին ներկայացրել է տրանսպորտային համակարգի շահագործման Չեխիայի օրինակելի փորձը և դրանում «Arrivaե ընկերության ունեցած դերը և հույս հայտնել, որ կարող է փոխշահավետ համագործակցություն ձևավորվել:
Դանիել Ադամկան մանրամասնել է ընկերության գործունեությունը, իրենց տրանսպորտային միջոցները, որոնք տարբեր տեղատարողությամբ բարձրակարգ ավտոբուսներ են, շահագործվում են ավելի քան 14 եվրոպական երկրներում։ Բացի ավտոբուսների արտադրությունից՝ մշակում են նաև տրանսպորտային միջոցների տեխնոլոգիական նոր մոտեցումներ։ Նա նաև ցանկություն է հայտնել ներգրավվելու Հայաստանում նախատեսվող տրանսպորտային համակարգի ներդրման ծրագրում։
Վահան Մարտիրոսյանը նշել է, որ նախատեսվում է փոխել Հայաստանի տրանսպորտային համակարգի կառավարումը և ուրախ կլինի, եթե Եվրոպայի տրանսպորտային ամենամեծ օպերատորներից «Arrivaե ընկերությունը ևս մասնակցություն ունենա Հայաստանի մարզերից մեկում նախատեսվող փորձնական ծրագրի մրցույթին։ Նախարարն առաջարկել է համապատասխան ուսումնասիրություններից հետո ներկայացնել ծրագիր, որից հետո շարունակել քննարկումները համագործակցության կոնկրետ ուղղություններով:
Նշենք, որ առաջիկայում Հայաստանում կփորձարկվի միասնական երթուղային ցանցի ստեղծման ծրագիրը: Սեպտեմբերի 26-ին մամուլի ասուլիսում այդ մասին հայտարարել էր տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը: Նախարարը հիշեցրել է, որ ավելի վաղ Հայաստանի կառավարությունը հաստատել էր հանրապետական տրանսպորտային ցանցի տեխառաջադրանքը: Դա, ինչպես նշել է Մարտիրոսյանը, նշանակում է ներհանրապետական տրանսպորտային ցանցի ստեղծում, որը կսպասարկի նախկինում սպասարկման շրջանանակներից դուրս երթուղիները: Նախարարության ուսումնասիրությունների արդյուքնում հայտնաբերվել է 220 նման համայնք, որոնց 40 տոկոսը կներառվի ստեղծվող ցանցում: Բացի այդ, կներդրվի նաև «միասնական տոմսի՚ համակարգ, կվերանա, այսպես կոչված, երթուղային գծերի սեփականատերերի պրակտիկան` միանսական օպերատորի ստեղծման ճանապարհով, որը կսպասարկի ողջ տրանսպորտային ցանցը: Շուտով ծրագիրը կփորձարկվի հանրապետության մարզերից մեկում, տվյալ փուլում քննարկվում է հարցի իրավական կողմը:
Տրանսպորտի նախարարը նաև հաղորդել էր, որ մոտ ժամանակներս օպերատորի համար կհայտարարվի հայտամրցույթ, որին կարող է մասնակցել յուրաքաբնչյուր ցանկացող: Վահան Մարտիրոսյանի ասելով, նախատեսված բարեփոխումների գործընթացում նախատեսվում է նաև ոլորտի նկատմամբ վերահսկողության մակարդակի բարձրացում: «Տվյալ փուլում մշակվում է տրանսպորտային կառավարման համակարգ, որը թույլ կտա առցանց հետևել տրանսպորտի երթևեկությանն ու ժամանակացույցին՚, - պարզաբանել էր նախարարը:
Որքան ուշ վերականգնվի տնտեսությունը, այնքան բարձր է արժութային փոխարժեքի եւ պարտատոմսերի եկամտաբերության աճի հավանականությունը
Ֆինանսների նախարարությունը 2020 թվականի համար կանխատեսում Է բյուջեի դեֆիցիտ՝ ՀՆԱ-ի 7,4 տոկոսի չափով
Պետությունը հակաճգնաժամային 15-րդ միջոցառման շրջանակներում 1000 ժամանակավոր աշխատատեղ կստեղծի
