Արմինֆո.ՎՏԲ-Հայաստան Բանկն առևտրային կետերում սկսել է MasterCard PayPass ոչ կոնտակտային քարտերի սպասարկումը: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, այսուհետ յուրաքանչյուր առևտրա-սպասարկման կետում, որտեղ ներկա է PayPass լոգոն (ալիք), հաճախորդները կարող են վճարել ՎՏԲ-Հայաստան Բանկի և այլ բանկերի (տեղական և արտասահմանյան) MasterCard PayPass ոչ կոնտակտային քարտերով, ընդամենը մեկ հպում կատարելով թերմինալին:
MasterCard PayPass քարտերի կիրառման դեպքում վճարումը կատարվում է ակնթարթորեն, քարտի մեկ հպումով POS-թերմինալին, առանց քարտը գանձապահին փոխանցելու անհրաժեշտության: PayPass անհպում վճարումների եզակի տեխնոլոգիան քարտային վճարումների իրականացման ամենաժամանակակից, արագ, մատչելի և հուսալի եղանակներից մեկն է աշխարհում:
Տվյալ տեխնոլոգիայի շնորհիվ կրճատվում է հաճախորդի սպասարկման ժամանակը, ինչը, համապատասխանաբար, հանգեցնում է դրամարկղների մոտ հերթերի կրճատմանը:
ՎՏԲ-Հայաստան Բանկի MasterCard PayPass 10.000 ՀՀ դրամից պակաս գումարի անհպում եղանակով վճարում կատարելու դեպքում PIN կոդի մուտքագրում չի պահանջվում, ինչը նպաստում է վճարումների ակնթարթային հաստատմանը:
Վճարման անհպում եղանակն զգալիորեն հեշտացնում է առևտրային կետերում գանձապահների աշխատանքը, քանի որ վճարումն անցկացնելու համար գանձապահից պահանջվում է իրականացնել 2 պարզ քայլ (ստանդարտ վճարների` չորսի փոխարեն)՝ POS-թերմինալի ակտիվացում և վճարման գումարի մուտքագրում: Այնուհետև հաճախորդը, թերմինալի վրա գնման գումարը ստուգելուց հետո, մոտեցնում է քարտը POS-թերմինալին և - գնումը վճարված է:
2018 թ. սկզբին ՎՏԲ-Հայաստան Բանկի բոլոր առևտրային կետերը կհագեցվեն համապատասխան սարքերով, որոնք ընդունում են MasterCard PayPass ոչ կոնտակտային քարտերը:
Ըստ ԱրմԻնֆո գործակալության` «Հայաստանի բանկերի քարտային բիզնեսում» վերլուծական տեղեկագրի 16-րդ թողարկման, իր ակտիվ քարտերի թվով ՎՏԲ-Հայաստան Բանկը հանդիսանում է շուկայի առաջատարը, ընդ որում, ինչպես ակտիվ քարտերի ընդհանուր թվով, այնպես էլ MasterCard և Visa քարտերով, ինչպես նաև պլաստիկ գործարքների ծավալով: Այսպեսով, 2017 թվականի հոկտեմբերի 1-ի դրությամբ Բանկն ունի շուրջ 334 հազար քարտ, որոից 181 հազարը`MasterCard, իսկ մոտ 153 հազարը`Visa: 2017 թվականի առաջին 9 ամիսների ընթացքում ՎՏԲ-Հայաստան Բանկի պլաստիկ գործարքների ծավալը կազմել է 181.2 մլրդ դրամ, որի մոտ 93%-ը կամ 167.2 մլրդ դրամը կազմել են բանկոմատային գործարքները, տարեկան աճը`: Բանկը կարողացել է պլաստիկ գործարքների ծավալը տարեկան կտրվածքով ավելացնել 13.5%, իսկ բանկոմատներով գործարքների ծավալը` 14%: Մինչև 2013 թվականը ՎՏԲ-Հայաստան Բանկը թողարկում և սպասարկում էր միջազգային VISA քարտերը, իսկ նույն տարվա սեպտեմբերից, դառնալով MasterCardWorldwide միջազգային վճարային համակարգի լիիրավ անդամ, սկսեց թողարկել և սպասարկել նաև Cirrus / Maestro և MasterCard քարտեր, միաժամանակ սպասարկելով նաև տեղական ArCa քարտերը: ՎՏԲ-Հայաստան Բանկը ունի իր սեփական պրոցեսինգը:
Հիշեցնենք, որ «ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ, ապրիլին: «ՎՏԲ Բանկե ՀԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:-
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Հայաստանում արժեթղթերի թողարկմանն ու վարկանիշավորմանն աջակցության պետական ծրագրից օգտվել է ընդամենը երկու ընկերություն
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ
"Նաիրի Ինշուրանս" ապահովագրական ընկերությունը հանդես է եկել "ԷՖԵՍ" ԱԸ անհիմն ինքնագովազդի դեմ