Արմինֆո. Ֆրանսիական զարգացման գործակալությունը ԵՄ հետ համատեղ «Ոռոգվող գյուղատնտեսություն՚ ծրագրի շրջանակում 10 մլն եվրոյի դրամաշնորհ կտրամադրի Արմավիրի և Արարատի մարզերի ոռոգման համակարգի բարելավման համար: Դեկտեմբերի 19-ին մամուլի ասուլիսում այդ մասին հայտարարել է գյուղնախարարի տեղակալ Արմեն Հարությունյանը` ներկայացնելով հանրապետության գյուղատնտեսական ենթակառուցվածքների զարգացմանը նպատակուղղված ծրագրերը:
Փոխնախարարի ասելով, ծրագրի շրջանակում ֆինանսավորումը կուղղորդվի կաթիլային ոռոգման համակրագի ներդրմանը, հողերի կոնսոլիդացմանը: Միջոցները կհատկացվեն գյուղատնտեսության զարգացման հիմնադրամին, որն իր հերթին պատասխանատու կլինի ծրագրի իրագործման համար:
Փոխնախարարի ասելով, այս ծրագիրը փոխկապակցված է Ֆրանսիական զարգացման գործակալության կողմից ֆինանսավորվող Վեդիի ջրամբարի կառուցման ծրագրի հետ, որը պետք է ապահովի Արարատի հարթավայրի 7500 հա հուսալի ոռոգումը:
Վեդու ջրամբարի կառուցման աշխատանքները մեկնարկել են 2017 թվականի մարտին և կավարտվեն 2020 թվականի կեսին: Ջրամբարի կառուցումը կարևոր քայլ է գալիք տասնամյակներում Արարատյան դաշտի հողատարածքների հուսալի ոռոգումը և գյուղատնտեսության զարգացումն ապահովելու, ինչպես նաև Սևանա լճի էկոլոգիական հավասարակշռության վերականգնմանն աջակցելու համար: Ջրային տնտեսության պետական կոմիտեի նախագահ Արսեն Հարությունյանի ասելով, ջրամբարի շահագործմամբ հնարավոր կլինի 18 մլն խմ-ով տնտեսել Սևանա լճի ջուրը, որը կօգտագործվի նոր ուղղություններով. ակնկալվում է դրա արդյունքում ունենալ 2800 հեկտար ոռոգելի նոր հողեր: Վեդու ջրամբարի ընդհանուր ծավալն ի սկզբանե նախատեսված է եղել 29,4 մլն խմ, սակայն աշխատանքների արդյունքում տարեկան ջրամբար կլցվի 2,5 մլն խմ-ով ավելի ջուր: Ջրամբարի ջուրը կլցվի Վեդի և Խոսրով գետերի հեղեղային (ազատ) հոսքերով՝ ոռոգման շրջանից դուրս: Վեդու ջրամբարի կառուցման ծրագրի արժեքը 90 մլն եվրո է, որից 75 մլն եվրո` Ֆրանսիական զարգացման գործակալության վարկն է, 15 մլն եվրոն` Հայաստանի պետբյուջեից զուգընթաց ֆինանսավորումը: Այսօր Հայաստանում կան տարբեր ծավալների և չափերի մոտ 90 ջրամբարներ, իսկ առաջիկա հինգ տարիներին, դատելով կառավարության պլաններից, այդ ոլորտում նախատեսվում է մեծ առաջընթաց: Ֆինանսավորումը, հիմնականում, նախատեսվում է միջազգային դոնորների, մասնավորապես, Ճապոնիայի միջազգային համագործակցության գործակալության (JICA), Եվրասիական զարգացման բանկի, Զարգացման ֆրանսիական գործակալության, գերմանական KFW բանկի և այլ կազմակերպույթունների վարկային ռեսուրսների հաշվին: Բոլոր չորս ջրամբարների կառուցման և վերականգնման ծրագրի ընդհանուր արժեքը կազմում է մոտ 350-400 մլն դոլար:
Ողջ հույսն արտաքին գործոններն են, կամ՝ ինչու է Հայաստանի պետբյուջեն սկսել ճաքեր տալ
Invia Investments հայաստանյան բրոքերը ITS-ում սակարկության հասանելիություն կտրամադրի
Փորձագետ. Հարավային Կովկասում պետք է ձևավորվի միասնական շուկա ՝ առանց ռազմավարական գործընկերների
Չեխիան կարող է զբաղվել Երեւանի մետրոպոլիտենի արդիականացմամբ
Երևանը փորձում է անգլոսաքսոնական շեֆերին ցույց տալ Իրանի հետ տնտեսական համագործակցությունն էապես կրճատելու իր պատրաստակամությունը. Քաղաքագետ