Երկուշաբթի, 25 Դեկտեմբերի 2017 15:06

Արմինֆո. Հայաստանում առկա է Արարատյան դաշտավայրում ջրային ռեսուրսների գերօգտագործումը: Դեկտեմբերի 25-ին լրագրողների հետ հանդիպման ժամանակ այս մասին հայտարարել է ՀՀ բնապահպանության նախարար Արծվիկ Մինասյանը:

Ըստ նախարարի, գերատեչությունը հաշվառել է 239 ձկնաբուծարանների Արարատյան դաշտավայրում (ունեն 584 խորքային հորեր) որոնք ունեն ջրօգտագործման  թույլտվություն: Դրանցից, նշել է Մինասյանը, գործում են ընդամենը 124-ը, որոնցից 89-ը ջուրն օգտագործում են սահմանված ծավալով, իսկ 28-ը`ավելի շատ: Ընդհանուր առմամբ, 2017 թվականին Արարատյան դաշտավայրում կազմալուծվել է մեկ ձկնային տնտեսոթյուն, 16-ը կոնսերվացվել է, փակվել է 150 ջրամբար, արդյունքում, տնտեսված ջրի ծավալը կազմել է 159 միլիոն խորանարդ մետր:

Հաջորդ տարի, ըստ նախարարի, ջրային ռեսուրսների չափազանց մեծ օգտագործումն այդ տնտեսությունների վրա ավելի թանկ կնստի: Մասնավորապես, հունվարի 1-ից, ուժի մեջ է մտնում նոր Հարկային օրենսգրքը, որի համաձայն, ձկնաբուծության նպատակով մեկ խորանարդ. մետր ջրի գերօգտագործումը կկազմի 1.5 դրամ: Եթե տնտեսությունը ջուրն օգտագործում է առանց ջրի օգտագործման թույլտվության, ապա լրացուցիչ 1 խորանարդ մետր ջրի արժեքը կկազմի 5 դրամ:

Ավելի վաղ ԱրմԻնֆո ՀՀ կառավարությունը սակավաջուր տարածք էր ճանաչել Ախուրյան, Հրազդան, Սևջուր և Քասախ գետերի ավազանները, ինչը թույլ տվեց սահմանափակել ջրի օգտագործումը տնտեսվարող սուբյեկտների կողմից: Նախատեսվում էր, որ ջրի օգտագործումը կկրճատվի 2/3-ով, ինչը դրական ազդեցություն կունենա ջրային ավազանի ինքնավերականգնման գործընթացի վրա: Իրավիճակը կայունացնելու համար ապօրինի արտեզյան հորերի փակման ծրագիրը արդեն երկու տարի է, ինչ իրականացվում է: