Արմինֆո.Թուրքմենստանի ավիաընկերություններն սկսում են Աշգաբադ-Երևան-Ֆրանկֆուրտ կանոնավոր չվերթները: Այս մասին դեկտեմբերի 26-ին տեղի ունեցած մամուլի ասուլիսում հայտարարել է Հայաստանի Քաղաքացիական ավիացիայի գլխավոր վարչության ղեկավար Սերգեյ Ավետիսյանը:
Նրա խոսքով, առաջին չվերթը տեղի կունենա դեկտեմբերի 27-ին, օրվա առաջին կեսին: Պարբերականությունը սահմանվում է շաբաթական մեկ անգամ: «Եթե մենք տեսնենք, որ այդ ուղղությունը պահանջարկ ունի, ապա, իհարկե, պարբերականությունը կհաճախանա», - ընդգծել է նա:
Խոսելով նոր ուղղությունների մասին, Ս.Ավետիսյանը նշել է, որ «Արմենիա» ավիաընկերությունը ապրիլի 18-ից սկսում է Երևանից դեպի ֆրանսիական Լիոն և գերմանական Քյոլն չվերթները: Նրա խոսքով, թռիչքները կիրականացվեն շաբաթական 2 անգամ, ցերեկային ժամերին: «Սա վկայում է դրական փոփոխությունների մասին», - եզրափակել է ՔԱԴՎ ղեկավարը:
RUB | 4.20 | -0.01 |
USD | 391.44 | -1.16 |
EUR | 416.84 | -1.20 |
GBP | 482.49 | -5.63 |
CAD | 285.29 | 0.20 |
JPY | 25.29 | -0.11 |
CNY | 54.04 | -0.18 |
CHF | 429.40 | -2.65 |