Ուրբաթ, 12 Հունվարի 2018 12:29

Արմինֆո. Ռուսաստանի կառավարությունը պատրաստ է մեղմել գովազդի մասին օրենքը`հօգուտ Ղրղզստանի, Բելառուսի, Հայաստանի և Ղազախստանի տեղական հումքով գինի արտադրողների:

«Իզվեստիա» թերթի տեղեկությունների համաձայն, գովազդի մասին օրենքում համապատասխան փոփոխություններ են իրականացվել օրենսդրական գործունեության վերաբերյալ կառավարական հանձնաժողովի կողմից: Նման մոտեցումը թույլ կտա Ռուսաստանին կատարել իր պարտականությունները Եվրասիական տնտեսական միությունում`իր գործընկերների հանդեպ: Փորձագետները կարծում են, որ օրենքի ընդունման դեպքում պետք չէ ակնկալել, որ տեղի կունենա զանգվածային գովազդ, քանի որ գինեգործները գումար չունեն: Փոփոխությունները թույլ կտան հրապարակել այն ամսագրերի բոլոր էջերում, ինչպես նաև հեռարձակել ռադիոյով և հեռուստատեսությամբ ժամը 23-ից մինչև 7-ը, տեղական ժամանակով: Հիմա Ռուսաստանում նման գովազդն արգելված է: