Հինգշաբթի, 22 Փետրվարի 2018 14:24
Ալինա Հովհաննիսյան

«ՎՏԲ-Հայաստան Բանկի՚ հավակնոտ ծրագրերը. դառնալ երկրի առաջին բանկը

«ՎՏԲ-Հայաստան Բանկի՚ հավակնոտ ծրագրերը. դառնալ երկրի առաջին բանկը

Արմինֆո.Երեք տարում  «ՎՏԲ-Հայաստան Բանկը՚ մտադիր է դառնալ առաջին բանկը երկրում: «Մեր ծրագրերը բավականին հավակնոտ են, սակայն` միանգամայն իրատեսական: Այդ ռազմավարույթյան հիմքում դրված է «Հայաստանի առաջին բանկը՚ կարգախոսը` ըստ բիզնեսի չափի և կարևորության, առաջատար տեխնոլոգիաների, աշխատակիցների թիմի իրավասության, ապրանքների գրավչության, աճի տեմպերի և շահութաբերության: Կարծում եմ, որ այդ խնդիրը ՎՏԲ թիմի ուժերից վեր չէ՚, - նշել է «ՎՏԲ-Հայաստան Բանկ՚ ՓԲԸ դիտորդ խորհրդի նախագահ, ՎՏԲ Բանկ (ՀԲԸ) վարչության անդամ Վլադիմիր Վերխոշինսկին` փետրվարի 21-ին կայացած մամուլի ասուլիսում:

 

Վկայակոչելով ՀՀ ԿԲ-ում կայացած խորհրդակցության արդյունքները` նա նշել է, որ ՎՏԲ-ն տեսնում է Հայաստանի տարածքում բիզնեսի ակտիվ զարգացման անհրաժեշտություն: «Մենք մտադիր ենք ակտիվացնել գործողությունները ունիվերսալ բանկի մոդելի դիրքավորման ուղղությամբ, որն սպասարկում է ինչպես ֆիզիկական, այնպես էլ իրավաբանական անձանց: Դրա համար հիմքն արդեն ստեղծված է, կա ղեկավարության աջակցությունը: Եվ չկա խոչընդոտ առաջիկա մի երկու տարում բիզնեսի առնվազն երկու անգամ աճի համար: Դա կլինի հավակնոտ և մոտիվացնող խնդիր կոլեկտիվի համար, և` արդյունք, որն ի զորու է զգալի շահույթ ապահովել բանկի համար՚, - ասել է նա: Այդ համատեքստում նա հաղորդել է, որ 2018 թվականին բանկի առջև խնդիր է դրված 25%-ով ավելացնել պասիվները, 45%-ով` դասական սպառողական վարկերի պորտֆելը, 16%-ով` վարկային պորտֆելն, ընդհանուր առմամբ, շուկայի 10% կանխատեսվող աճի պայմանններում:

 

Պատասխանելով ինչպես «ՎՏԲ-Հայաստան Բանկի՚, այնպես էլ, միջին հաշվով, շուկայի կորպորատիվ վարկավորման ցածր աճի պատճառների և ուղեկցող ռիսկերի գնահատման վերաբերյալ ԱրմԻնֆո-ի հարցին` «ՎՏԲ-Հայաստան Բանկի՚ տնօրինության նախագահ, գլխավոր տնօրենի պաշտոնից հեռացող Յուրի Գուսևը նշել է, որ 2014 թվականին սահմանված պատժամիջոցների առնչությամբ բանկի բիզնեսի կառուցվածքը փոխակերպել է ներգրավումների և կորպորատիվ շուկայում աշխատանքի մասով: Նրա ասելով, ՌԴ տնտեսության ճգնաժամային երևույթները, որոնք արդրադարձել են Հայաստանի վրա, ՎՏԲ թիմին դրդել են վերանայել ախորժակները ՀՀ կորպորատիվ բիզնեսի նկատմամբ` դեպի ավելի պահպանողական մոտեցում: Սակայն, տնտեսական զարգացման առկա միտումները, նրա կարծիքով, բանկի թիմին դրդել են վերանայել կորպորատիվ բլոկի ռազմավարությունը: «Բանկի բիզնես-մոդելը կլինի ունիվերսալ: Որպես մեծ ավանդույթներով և լուրջ ֆինանսնական թիկունքով ՎՏԲ խմբի անդամ` մենք Հայաստանում  պետք է զարգացնենք բիզնեսի երկու ուղղությունները: Կարծում եմ, առաջիկայում կտեսնեք ոչ միայն պաշտոնապես հայտարարված ռազմավարություն, այլև` իրական գործողություններ: Համոզված եմ, որ հենց 2018 թիվը կդառնա ՎՏԲ խմբի նոր ռազմավարական մոդելի ելակետը Հայաստանի կորպորատիվ բիզնեսում՚, - ընդգծել է նա: Յու. Գուսևի կարծիքով, այօրվա դրությամբ դիտվում է ռիսկերի նվազման միտում: Նա պարզաբանել է. «2015 թվականին կորպորատիվ վարկավորման շուկա դուրս գալն անհամեմատ ավելի տագնապալի էր, քան այժմ: Այսօր Հայաստանի համար կարևոր շուկա ՌԴ-ում առկա տնտեսական իրավիճակը կանխատեսելի է, կայուն, կառավարելի` ավելի հասկանալի դինամիկայով և հասկանալի նոր բիզնես-մոդելներով՚:

 

Անդրադառնալով բիզնեսի 2017 թ.-ի ցուցանիշներին` Յու. Գուսևը նշել է, որ բանկը պահպանել է առաջատար դիրքերը մանրածախ բիզնեսում, 6 անգամ գերակատարելով ծրագիրն այդ բլոկում` ապահովելով 10 մլրդ դրամի գործառնական շահույթ: Սա ռեկորդային ցուցանիշ է Հայաստանի համար՚, - ընդգծել է նա: Բացի այդ, Յու, Գուսևը նշել է, որ այսօր «ՎՏԲ-Հայաստան Բանկը՚ բացարձակ առաջատար է քարտային բիզնեսի շուկայում և  զբաղեցնում է 1-ին տեղը միջազգային քարտերի (Visa и Mastercard) քանակով, մասնաբաժինը շուկայում՝ 30%:  «Այդ հատվածում մենք հիմնական շուկայաստեղծն ենք Հայաստանում՚, - ընդգծել է նա: Նրա ասելով, այսօր բանկը Հայաստանում սպասարկում է շուրջ 385 հազար հաճախորդի: Ընդ որում, «ՎՏԲ-Հայաստան Բանկին՚ հաջողվել է վարկային  պորտֆելն ավելացնել 15%-ով, մինչև 90 մլրդ դրամ, իսկ ֆիզիկական անձանց ցպահանջ ավանդները`  30%-ով: Ընդհանուր առմամբ, ֆիզիկական անձանց ավանդները (ցպահանջ և ժամկետային) կազմել են շուրջ 115 մլրդ դրամ:  Ֆիզիկական անձանց վարկային պորտֆելն ավելացել է 15%-ով, ֆիզիկական անձանց ցպահանջ միջոցները՝ 30%- ով, ֆիզիկական անձանց քարտային պորտֆելը՝ 15%- ով, շուկայում ֆիզիկական անձանց վարկային պորտֆելի մասնաբաժինը՝ մինչև 11.5%, շուկայում ֆիզիկական անձանց ավանդային պորտֆելի  մասնաբաժինը ՝ մինչև 10%,  սպառողական վարկերի տրամադրումը՝ 70% - ով: «Այդ թվերն արտացոլում են 2017 թվականին իրագործված նախագծերը, երբ հիմնական խնդիրը տեխնիկական կառավարման կադրային հիմքի նախապատրաստումն է բիզնեսի կառուցման համար, որը կողմնորոշված է ամենահավակնոտ նպատակների՚, - ամփոփել է նա:

 

ԱրմԻնֆո ՏԸ պատրաստած «Հայաստանի բանկերի ֆինանսական վարկանիշի՚ 2017 թվականի դեկտեմբերի 31-ի տվյալներով, «ՎՏԲ-Հայաստան Բանկի՚ ակտիվները կազմել են 216.1 մլրդ դրամ, վարկային ներդրումները` 171.5 մլրդ դրամ, մանրածախ վարկավորումը` 90.4 մլրդ դրամ: Բանկի ընդհանուր պարտավորությունները կազմել են 175.4 մլրդ դրամ, որոնց կառուցվածքում 56,4%-ը բաժին է ընկել ժամկետային ավանդներին` 98.9 մլրդ դրամ, որից 85.6 մլրդ դրամ  ֆիզիկական անձանց միջոցներն են: (31.12.2017 դրությամբ դրամի հաշվարկային փոխարժեքը կազմել է 484,10 դրամ/1դոլար):

 

            Հիշեցնենք, որ «ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ, ապրիլին: Ռուսաստանում մեծությամբ երկրորդ «ՎՏԲ Բանկ՚ ՀԲԸ հանդիսանում է «ՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ բանկն ունի ամենալայն մասնաճյուղային ցանցը ողջ երկրում` 67 մասնաճյուղ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
02.04.2020
RUB6.430.03
USD504.50-0.46
EUR551.62-0.45
GBP628.414.33
CAD357.503.19
JPY47.010.09
CNY71.06-0.29
CHF521.99-0.20



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000