Երեթշաբթի, 8 Մայիսի 2018 16:04

Արմինֆո. Եվրոպական վարկանիշային գործակալությունը Rating- Agentur Expert RA GmbH և Հայաստանի AmRating վարկանիշային գործակալությունը թողարկել են Հայաստանի բանկային համակարգի վերաբերյալ համատեղ զեկույցը, ներկայացնելով հիմնական ոլորտային ռիսկերը և միտումները:

 

Ըստ զեկույցի, 2017 թ.-ին Հայաստանի բանկային համակարգը բնութագրվում է ավելորդ իրացվելիության բարձր մակարդակով, որոնք ձևավորվել են կոնսոլիդացման արդյունքում, կապված ընդհանուր կապիտալի նոր նորմատիվի ապահովման,  վարկային պորտֆելի և ավանդների դանդաղ աճի, կապիտալի համարժեքության աննշան նվազման, ակտիվների որակի և աճող շահութաբերության ցուցանիշների բարելավման հետ:

 

Մակրոտնտեսական գործոնները, որոնք կապված են բարենպաստ արտահանման կոնյունկտուրայի և Հայաստանի տնտեսության համար ավանդական դարձած տրանսֆերային բաղադրիչի հետ, զգալիորեն աջակցել են ներքին պահանջարկը և բարձրացրել շուկայի ընդհանուր իրացվելիությունը: Այս փաստը զգալիորեն ազդեց մանրածախ բանկային վարկավորման վրա, բայց առայժմ չկարողացավ աջակցել կորպորատիվ վարկավորման թուլացող մակարդակը: Միևնույն ժամանակ, մրցակցության համեմատաբար բարձր մակարդակը բանկային ոլորտում, Հայաստանի համար տոկոսադրույքերի աննախադեպ ցածր մակարդակը և, որպես հետևանք, տոկոսադրույքերի մարժայի էական իջեցումն ստեղծել են երկարաժամկետ միտում, որն ուղղված է բանկային շուկայի հետագա կոնսոլիդացմանը:

 

Սակայն, հիմնական որակական ցուցանիշներն անհավասարաչափ են բաշխվել ողջ համակարգում, քանի որ հինգ առաջատարները բնութագրվում են ավելի առողջ և դիվերսիֆիկացված պորտֆելով:

 

Միկրոպայմանների և բանկային համակարգի կոնսոլիդացման ֆոնին, վարկերի հասանելիության բարձրացման և բանկային հատվածին սատարելու նպատակով, ՀՀ Կենտրոնական բանկն (ԿԲ) սկսեց դրամավարկային քաղաքականության թուլացման գործընթացը, սիստեմատիկորեն նվազեցնելով փոխարժեքի վերաֆինանսավորումը, որը 2015-2017 թթ. կրճատվեց 4.5 տոկոսային կետով, մինչև 6%: Սա բանկերին, իր հերթին, մղեց  վերանայել վարկերի ու ավանդների տոկոսադրույքները: Այսպիսով, 2016-2017 թվականներին վարկերի տոկոսադրույքները նվազեցին`14,7% -ից մինչև 10,7%, իսկ ավանդներինը`9.7% 5.3%:

 

Իրականացնելով արժեթղթերի շուկայի աջակցման ծրագիրը, ռեգուլյատորը 2015 թվականից փաստորեն զրոյացրեց բանկերի համար պարտադիր պահուստավորման նորմատիվը, ազգային և օտարերկրյա արժույթներով պարտատոմսերի թողարկմաբն միջոցով, ինչն օգնեց էապես ավելացնել բանկերի էմիսիոն ակտիվությունը: Դրան զուգահեռ, ԿԲ ընդլայնեց միջազգային ֆինանսական կազմակերպությունների ցանկը, որոնցից ներգրավված միջոցների ներգրավումը ենթակա է պարտադիր պահուստավորման: Զեկույցի ամբողջական տարբերակին կարելի է ծանոթանալ`

https://www.raexpert.eu/files/Industry_report_Armenia_Banks_07.05.2018.pdf հղումով: