Արմինֆո. Իրանի նկատմամբ ամերիկյան պատժամիջոցները Հայաստանի վրա ազդելու կամ վնասելու նպատակ չեն հետապնդում: Այդ մասին Հայաստանում ամերիկա-նիդերլանդական կապիտալով Gazelle Finance ՈւՎԿ գործունեության մեկնարկին նվիրված միջոցառման շրջանակներում ասել է ՀՀ-ում ԱՄՆ դեսպան Ռիչարդ Միլսը` պատասխանելով ԱրմԻնֆո-ի հարցին: «Թույլ տվեք հստակեցնել, Իրանի նկատմամբ պատժամիջոցներն ուղղված են բացառապես Իրանի Իսլամական Հանրապետության կողմից ահաբեկչության և Իրաքում ահաբեկչական քայլերի ֆինանսավորման դադարեցմանը: Ավելին, պատժամիջոցները կառնչվեն Իրանի որոշակի կառույցների և ձեռներեցների, ովքեր ներգրավված են այդ գործունեությունում՚,- պարզաբանել է նա:
Դեսպանը հավելել է, որ այս առնչությամբ հայ ձեռներեցներին, ովքեր տնտեսական համագործակցություն ունեն իրանցի գործարարների հետ, անհրաժեշտ է խորհրդատվություններ ստանալ ԱՄՆ դեսպանատանը` պատահաբար պատժամիջոցային ցուցակում չհայտնվելու նպատակով: «ԱՄՆ կառավարությունը շարունակում է հավատարիմ մնալ Հայաստանին տնտեսական հարցում աջակցելու իր դիրքորոշմանը՚,- ընդգծել է դիվանագետը:
RUB | 4.27 | 0.00 |
USD | 394.71 | -0.97 |
EUR | 427.55 | -1.96 |
GBP | 498.56 | -2.21 |
CAD | 290.38 | -1.33 |
JPY | 26.11 | -0.04 |
CNY | 54.62 | -0.20 |
CHF | 435.85 | -3.60 |