Արմինֆո. Հայաստանի Ավտոապահովագրողների բյուրոն տրանսպորտային միջոցների սեփականատերերին զգուշացնում է, որ այսուգետ եվրոպրոտոկոլներով ՃՏՊ-ների ձևակերպման ընթացքում վթարի այն կողմի մասին, որը չունի ԱՊՊԱ վկայագիր, կտեղեկացվեն ճանապարհային ոստիկանությանը:
Ինչպես ԱրմԻնֆո գործակալությանը տեղեկացրել են Հայաստանի Ավտոապահովագրողների բյուրոյի մամուլի ծառայությունից, տրանսպորտային միջոցի վարորդի նկատմամբ, որը չունի ԱՊՊԱ պայմանագիր, ապահովագրական պատահարի դեպքում եվրոպրոտոկոլներով ձևակերպելիս կկիրառվի վարչական վարույթ, ենթարկելով նրան համապատասխան պատասխանատվության:
Նշենք, որ ապահովագրական պատահարները եվրոպրոտոկոլներով ձևակերպելու համակարգը, որով վնասի շեմը 50 հազար դրամից ավելացվեց մինչև 100 հազար դրամ, Հայաստանի ԱՊՊԱ շուկայում ներդրվել է 2016 թվականի մարտի 4-ից: Այս գործընթացը նախատեսում է ապահովագրական ընկերությունից հատուցում ստանալու պարզեցված և արագ մեխանիզմ:
Բացի այդ, Ավտոապահովագրողների բյուրոն թարմացրել է փորձագիտական կազմակերպությունների հետ պայմանագրային հարաբերությունների կարգը, մասնավորապես, կրկնական փորձաքննության ժամկետը կրճատվեց մինչև 3 աշխատանքային օր, իսկ դրա արժեքը նվազեց մինչև 5000 դրամ: Կրկնակի փորձաքննությունը, որի նպատակն է պաշտպանել ԱՊՊԱ պայմանագրով ապահովագրական պատահարի արդյունքում տուժածների իրավունքները և նախատեսված է այն դեպքերի համար, երբ տուժողները համաձայն չեն ապահովագրական ընկերության գնահատման և վնասի հատուցման չափերի հետ:
Այդ պահից, ՃՏՊ մասնակից վարորդները 100 հազար դրամը չգերազանցող վնասի դեպքում արդեն կարող են, առանց ապահովագրական գործակալին և ՃՈ ներկայացուցչին կանչելու, ինքնուրույն, լրացնել համաձայնեցված հռչակագիրը, դրան կցել վթարի վերաբերյալ լուսանկարները և այդ փաթեթն ուղարկել համապատասխան ապահովագրական ընկերությանը: Հռչակագրի ձևը և դրա լրացման կարգը հրապարակված են Բյուրոյի պաշտոնական կայքէջում, հետևյալ հղումով` http://paap.am/index.php?al=agreed_declaration:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |