Հինգշաբթի, 18 Հոկտեմբերի 2018 13:33

Արմինֆո.Մինչ օրս Հայաստանում գյուղատնտեսական ապահովագրության ծրագրի մեկնարկի մասին ոչ մի հուշագիր չի ստորագրվել, ասում է Գյուղատնտեսական դաշինքի անդամ, «Նաիրի Ինշուրանս» ապահովագրական ընկերության գործադիր տնօրենի խորհրդական Արտակ Մարտիրոսյանը, հիշեցնելով գյուղատնտեսության նախարարության նախկին հայտարարությունը, որ Հայաստանում գյուղատնտեսական ռիսկերի ապահովագրությունը կարող է մեկնարկել 2018 թվականի վերջին, կամ 2019 թվականի սկզբին:

 

Այս մասին նա հայտարարել է վերջերս Արարատի մարզում տեղի ունեցած մամլո ասուլիսում, որը կազմակերպվել էր ԵՄ-ի կողմից ֆինանսավորվող`«Կոլեկտիվ մասնակցության քաղաքականություն - կայուն գյուղատնտեսություն» ծրագրի շրջանակներում, «Կառուցողական երկխոսության պարտավորություն» ծրագրո:

 

ԱրմԻնֆո-ին տված հարցազրույցում Ա.Մարտիրոսյանը նշել է, որ գլոբալ առումով կան երկու հիմնական խնդիրներ, որոնց պատճառով գյուղատնտեսական ապահովագրության ներդրումը հետաձգվում է: «Նախևառաջ, չկա ռիսկերի և վնասների ամբողջական պատկերը, միևնույն ժամանակ, գյուղատնտեսության վնասը գնահատելու մեխանիզմներ չկան, օրինակ, ապահովագրական ընկերությունները պետք է տեղյակ լինեն, թե որ շրջանում, երբ և ինչպես կարող է վնասվել բերքը – բացատրել է նա: Փորձագետի կարծիքով, վերոհիշյալ խնդիրները Կենտրոնական բանկի և KfW գերմանական զարգացման բանկի կողմից քննարկվող թեմաներից են`գյուղատնտեսական ապահովագրության համակարգի ներդրման համար:

 

Ա. Մարտիրոսյանը, մասնավորապես, խոսել է «Նաիրի Ինշուրանս»-ի ապահովագրության խոշոր եղ(երավոր անասունների ապահովագրության փորձի մասին, Գյուղատնտեսության նախարարության հետ համատեղ, որը մեկնարկեց 2017 թվականի մարտին և տևեց ուղիղ մեկ տարի: «Հայաստանի ապահովագրական շուկայի բոլոր մասնակիցները հրավիրվեցին հանդիպմանը, հայտարարվեց մրցույթ, որի հաղթողը կլինի ամենացածր սակագներն առաջարկող ընկերությունը», - ավելացրել է նա, նշելով, որ Հայաստանում գործող 6 ապահովագրական ընկերություններից ընդամենը երեքն են պայմանավորվել մասնակցել ծրագրին`«Նաիրի Ինշուրանսը», Ռոսգոսստրախ Արմենիան և ԻՆԳՈ Արմենիան: «Հատկանշական է, որ անասունների ապահովագրությունը պարունակում է ամենացածր ռիսկերը, բայց պարզվել է, որ հայաստանյան ապահովագրական ընկերությունների կեսը, նույնիսկ հաշվի առնելով դա, պատրաստ չեն իրենց վրա վերցնել այդ ռիսկերը»,-ասել է փորձագետը: Ծրագրի ընդհանուր արժեքը, որը ֆինանսավորել է FAO-ն, կազմել է 3 մլն դոլար: Միևնույն ժամանակ, Ա.Մարտիրոսյանը պատրաստակամություն է հայտնել «Նաիրի Ինշուրանսի» ապահովագրական ընկերության կողմից երկարաձգել ծրագիրը, եթե  հավաքվի մոտ 225 գլուխ անասուն, ինչպես մեկ տարի առաջ :

 

«Պիլոտային ծրագրին մասնակցելը թույլ տվեց մեզ հասկանալ, որ ապահովագրական ընկերությունները կարող են դիմագրավել այնպիսի նրբերանգների և ռիսկերի, դիտարկել տարբեր լուծումներ: Փորձնական ծրագրին մասնակցում էին 32 ֆերմեր`18 տղամարդ և 14 կին: Ծրագրի գործողության ընթացքում կատարվել է 4 ապահովագրական հատուցում», - ասել է նա:

 

Հաշվի առնելով, որ «Նաիրի Ինշուրանս» ապահովագրական ընկերությունը Գյուղատնտեսական դաշինքի անդամ է, Ա. Մարտիրոսյանը նշել է, որ ընկերությունը շահագրգռված է մասնակցել գյուղատնտեսության ռիսկերի ապահովագրության ծրագրին, ինչպես նաև գյուղատնտեսության ոլորտի այլ ծրագրերի:

 

Նշենք, որ մամուլի շրջայցի ժամանակ լրագրողներն այցելեցին Արարատի մարզի Շահումյանի համայնք, որտեղ տեղի ունեցավ փորձագետների հետ փորձնական ծրագրի շահառու ֆերմերների հանդիպումը: Դրանից հետո «Խոր Վիրապ» սպառողական կոոպերատիվն այցելեց «Մալի Վեդի» համայնք, որի նախագահը խոսեց կոոպերատիվի հաջողված փորձի մասին`կաթիլային ոռոգման տեխնոլոգիաների և հակակարկտային սարքավորումների ներդրման առումով:

 

Գյուղատնտեսության նախարարության տվյալներով, գերմանական KFW բանկը 5,3 մլն եվրո կտրամադրի Հայաստանում գյուղատնտեսական ապահովագրության համակարգի ներդրման փորձնական ծրագրի իրականացմանը: Դրանից 4.8 մլն եվրո կծախսվի բացառապես սուբսիդավորմանը: Մնացած գումարը 515 հազար եվրոն կուղղվի խորհրդատվական հետ կապված ծախսերին: ՀՀ կառավարության համաֆինանսավորումը կկազմի 5 մլն եվրոյ: Կլիմայի ներդրումային հիմնադրամը (Կլիմայի ներդրումային հիմնադրամներ) նույնպես նախատեսում է 2 մլն եվրո, որից 200 հազարը կօգտագործվի ապահովագրության սուբսիդավորմանը, իսկ 1,8 մլն եվրոն`խորհրդատվական ծառայություններին: Խորհրդատվությունով կզբաղվի երեք ընկերություններից բաղկացած կոնսորցիումը: Այս ընկերությունների հետ միասին Գյուղատնտեսության նախարարությունը և ԿԲ-ն կնախապատրաստեն 2018 թ.-ին Հայաստանի գյուղատնտեսության ապահովագրության առաջին փորձնական ծրագիրը, որի շրջանակներում նախատեսվում է ստեղծել ռիսկերի կառավարման ազգային բյուևո գործակալությունը գյուղատնտեսության ոլորտում - NARMA - National Agroinsurance Risk Management Agency, որի համար կհատկացվի 1,9 մլն եվրո: