Արմինֆո.Հայաստանում ԱՊՊԱ և բժշկական ապահովագրության գծով վնասաբերությանը գործակիցը շարունակում է աճել: Ըստ ԱրմԻնֆո գործակալության`Հայաստանի ապահովագրական ընկերությունների ռենկինգի 2018 թվականի սեպտեմբերի 30-ի արդյունքներով, ԱՊՊԱ գծով վնասաբերությունն աճել է` 58.5% -ից մինչև 69.6%, իսկ բժշկական ապահովագրության գծով`51.7% -ից մինչև 55,1%:
Հաշվետու ժամանակահատվածում վնասաբերության գործակցի տարեկան աճը նկատվել է նաև արտասահման մեկնողների ապահովագրության ոլորտում`18.6% -ից մինչև 19%, գույքային ապահովագրության գծով`2.4% -ից մինչև 20.1%, ֆինանսական վնասներից ապահովագրության գծով`29.2% -ից մինչև 35.9%, բեռների ապահովագրություն`6.6%-ից մինչև 9.9%, ավտոտրանսպորտային միջոցների օգտագործումից բխող պատասխանատվության ապահովագրություն` 12.7%-ից մինչև 27.7%:
Հրդեհներից և բնական աղետներից գույքի ապահովագրության գծով վնասաբերության անկումը կազմել է`9.6%-ից մինչև 6%, ԿԱՍԿՈ գծով`68.6% -ից մինչև 68.3%, դժբախտ պատահարներից ապահովագրության գծով`7.1% -ից մինչև 7%, իսկ ընդհանուր պատասխանատվության ապահովագրության գծով`1.7% -ից մինչև 47.9%:
Ըստ Հայաստանի 6 ապահովագրական ընկերությունների հաշվետվությունների, որոնք տրամադրվել են ԱրմԻնֆո գործակալությանը Ռենկինգը կազմելու համար, 2018 թվականի հոկտեմբերի 1-ի դրությամբ ապահովագրավճարների ընդհանուր ծավալը կազմել է 30.5 մլրդ դրամ, իսկ հատուցումների ծավալը`16.5 մլրդ դրամ, տարեկան աճը համապատասխանաբար կազմելով` 24.3% և 37.9%: Ապահովագրական պրեմիաների և հատուցումների ծավալներով առաջատարներն են ԱՊՊԱ-ն և բժշկական ապահովագրությունը: Ընդ որում, ԱՊՊԱ գծով պրեմիաների աճը կազմել է 4.1%, իսկ հատուցումների գծով`21.6%: Բժշկական ապահովագրության գծով պրոմիաների աճը կազմել է 88.5%, իսկ հատուցումների գծով`97.7%: ԿԱՍԿՈ դասում ապահովագրական պրեմիաների տարեկան աճը կազմել է 5.6%, հատուցումների աճը`11%:
Հարկ է նշել, որ 2017 թվականի հոկտեմբերի 1-ից Հայաստանում մեկնարկեց պարտադիր բժշկական ապահովագրության փուլային ներդրումը, սկսած պետական ծառայողների սոցիալական փաթեթի մոտ 100 հազար շահառուներից, որոնք ֆինանսավորվում են առողջապահության նախարարության կողմից, պետական միջոցների հաշվին: Երկրորդ փուլում, 2018 թվականի երկրորդ կեսից, սոցիալական փաթեթը կներառի նաև բնակչության առավել անապահով հատվածներին`612 հազար կարիքավոր քաղաքացիների: Եվ միայն մեկ տարի անց, այս երկու փուլերի դրական արդյունքների դեպքում, ՊԲԱ-ն կսկսի գործել ամբողջությամբ, ներգրավելով երկրի բոլոր մնացած քաղաքացիներին:
Նշենք, որ Հայաստանում ԱՊՊԱ ներդրման օրից, արդեն 7 տարի, բազմաթիվ քայլեր են ձեռնարկվել այդ հատվածի կատարելագործման համար: Այսպես, 2016-ի մարտից համակարգում ներդրվեց ապահովագրական դեպքերը եվրոպրոտոկոլներով արձանագրելու համակարգը, եթե վնասի շեմը չի անցնում 50 հազար դրամից, որը հետագայում դարձավ 100 հազար դրամ: 2017-ի ապրիլից ԱՊՊԱ շուկայում ներդրվեց ուղղակի հատուցումների համակարգը, երբ ապահովագրական պատահարի դեպքում տուժողը հատուցումն ստաննում է իր ապահովագրական ընկերությունից, որը հետագայում գումարը ետ է վերադարձնում ռեգրեսի սկզբունքով: 2017 թվականի նոյեմբերի 1-ից Ավտոապահովագրողների Բյուրոն ավտոմեքենաների սեփականատերերի համար գործարկեց ԱՊՊԱ պայմանագրերի կնքման առցանց տարբերակը, 5% զեղչով: ԱՊՊԱ պայմանագրերի կնքման էլեկտրոնային ռեժիմի առավելությունները հետևյալն են`առաջինը պարզեցված ընթացակարգն է, քանի որ այն տևում է առավելագույնը 3-4 րոպե, երկրորդը, որ ապահովագրավճարը վճարվում է վճարային քարտի միջոցով, և երրորդը, ապահովագրական պոլիսն անմիջապես ուղարկվում է նշված ապահովադիրին (ավտոմեքենայի սեփականատիրոջը), նրա էլեկտրոնային հասցեին: 2017-ի դեկտեմբերի կեսերին գործարկվեց ևս մեկ հմարավորություն`վճարների կատարումը TelCell, EasyPay և ՄոբիԴրամ, Edram(idram) համակարգերի միջոցով: Աշխատանքներ են տարվում ԱՊՊԱ գործընթացը ստանդարտների նոր մակարդակի հասցնելու ուղղությամբ - մեկ պատուհանի և միասնական հարթակի համակարգին, համաձայն Armenian Single Window for Automative – ASWA նախագծի: Մինչև 2018-ի կեսերը նախատեսվում է գործարկել ապահովագրական պատահարների գրանցման և էլեկտրոնային միասնական համակարգը, Ճանապարհային ոստիկանության հետ համատեղ և ժամանակակից չափանիշներով: Բայց Հայաստանի ապահովագրական շուկայի զարգացումը չի սահմանափակվում միայն ներհանրապետական ընթացակարգերի փոփոխություններով, քանի որ արդեն ավելի քան մեկ տարի քննարկումներ են տեղի ունենում Green Card Բյուրոյի հետ, ավտոքաղաքացիական պատասխանատվության միջազգային ապահովագրության համակարգին Հայաստանի հնարավոր անդամակցության շուրջ:
Նշենք, որ Հայաստանի ապահովագրական շուկայում ներկայումս գործում են 6 ընկերություններ, որոնք աշխատում են 17 ապահովագրական դասերով: