Արմինֆո.Տնտեսական զարգացման և ներդրումների նախարար Տիգրան Խաչատրյանը գտնում է, որ Business Armenia հիմնադրամի և Զբոսաշրջության զարգացման հիմնադրամի փակումը, որոնց գործունեությունն ուղղված էր, այդ թվում՝ ներդրումների ներգրավմանը և զբոսաշրջության աճին, բացասաբար չի ազդնի ինչպես ներդրումների, այնպես է զբոսաշրջային հոսքերի վրա: Այդ մասին նա հայտարարել է փետրվարի 8-ին կառավարության նիստից հետո՝ պատասխանելով ԱրմԻնֆո-ի հարցին:
Նախարարի խոսքով, Զբոսաշրջության զարգացման հիմնադրամի և Զբոսաշրջության պետական կոմիտեի գործունեությունը վերլուծելիս պարզ է դարձել, որ նրանց գործառույթները շատ բաներում կրկնվում են: <Վերջիններս չեն տարբերվում իրենց բովանդակությամբ, և դրանց համատեղ կառավարումը կհանգեցնի որոշակի արդյունավետության>,- նշել է նա: Արդյունքում որոշվել է միավորել երկու կառույցները: Իսկ Business Armenia-ի դեպքում, ինչպես պարզաբանել է Խաչատրյանը, այն վերակազմավորման որոշակի ճանապարհ կանցնի: <Կա կառույցի նորանշանակ ղեկավար, և տնօրենը կներկայացնի ռեսուրսների մոբիլիզացման առնչությամբ իր կարծիքները, կհամալրի այն նոր մարդկանցով և գաղափարներով՝ ունենալով մեկ կարևոր նպատակ. բոլոր ռեսուրսները պետք է ուղղվեն ավելի խոշոր և կարևոր խնդիրների իրականացղմանը>,- ասել է նա: Ըստ որում, ինչպես ընդգծել է նախարարը, Business Armenia-ի կողմից սկսված ոչ մի կարևոր նախագիծ անուշադրության չի մատնվի:
Նշենք, որ Հայաստանի զարգացման հիմնադրամը (DFA) հիմնադրվել է 2015 թվականին: 2018 թվականին Հոգաբարձուների խորհրդի որոշմամբ Հայաստանի զարգացման հիմնադրամը վերանվանվեց «Բիզնես Արմենիաե հիմնադրամի: Կազմակերպության գործունեությունն ուղղված էր օտարերկրյա ներդրումների ներգրավմանը, միաժամանակ` արտահանման խթանմանը, գործարար միջավայրի բարելավմանը, տարածաշրջանային զարգացման ծրագրերի իրականացմանը և զբոսաշրջության ոլորտի զարգացմանը: «Բիզնես Արմենիաե հիմնադրամն իրականացնում էր ծրագրեր, որոնք նախատեսում են պետական մարմինների և գործարարների միջև համագործակցություն:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |