Արմինֆո.Առաջիկա հինգ տարիներին կառավարությունը հատուկ ուշադրություն կդարձնի կանխիկ գործառնությունների ծավալների կրճատման հարցին: Փետրվարի 12-ին խորհրդարանում իր ելույթում այդ մասին հայտարարել է վարչապետ Նիկոլ Փաշինյանը:
Նրա ասելով, հետազոտությունները ցույց են տալիս, որ «ստվերը՚, որպես կանոն, բաժին է ընկնում կանխիկ միջոցներով գործառնություններին: Անկանխիկ շրջանառության պարագայում ստվերային ոլորտը կամ բացակայում է, կամ հասցված է նվազագույնի: Այդուհանդերձ, ինչպես փաստել է Նիկոլ Փաշինյանը, առաջադրված խնդրի լուծումը դյուրին չի լինելու, սակայն կարևոր է հայրենական տնտեսության կայունության համար:
ՀՀ ԿԲ տվյալների համաձայն, բանկային քարտերով անկանխիկ գործառնությունների ընդհանուր ծավալը 2018 թվականի հոկտեմբերի 1-ին հասել է 388 մլրդ դրամի (հաշվի առնելով ինտերնետային և արտասահմանյան գործառնությունները)` ապահովելով
50.3% տարեկան աճ: Քարտային գործառնությունների ընդհանուր ծավալում «անկանխիկի՚ բաժինը կազմել է շուրջ 26%` մեկ տարվա վաղեմության 22%-ի դիմաց:
RUB | 4.21 | 0.02 |
USD | 392.60 | -1.47 |
EUR | 418.04 | -2.71 |
GBP | 488.12 | -3.60 |
CAD | 285.09 | -1.38 |
JPY | 25.40 | -0.12 |
CNY | 54.22 | -0.22 |
CHF | 432.05 | -1.61 |