Արմինֆո. 2019 թ. առաջին եռամսյակում տնտեսվարողներին է վերադարձվել 26.4 միլիարդ դրամ, ինչը նախորդ տարվա նույն ցուցանիշը գերազանցում է 7.4 միլիարդ դրամով: Այդ մասին Facebook-ի իր էջում գրել է ՀՀ վարչապետ Նիկոլ Փաշինյանը՝ մենաբանելով ՊԵԿ նախագահ Դավիթ Անանյանի հետ այսօր կայացած իր աշխատանքային հանդիպումը :
<1. Պետական բյուջեի հավաքագրումների պլանը առաջին եռամսյակում գերակատարվել է 11.4 միլիարդ դրամով: Ուշադրություն դարձրեք, որ մեր բյուջեի պահուստային ֆոնդը 9.4 միլիարդ դրամ է՝ ողջ տարվա համար: Այսինքն՝ առաջին եռամսյակում մենք պահուստային ֆոնդը 2 միլիարդ դրամով գերազանցող գերակատարում ենք ունեցել: 2. Առաջին եռամսյակում տնտեսվարողներին է վերադարձվել 26.4 միլիարդ դրամ, ինչը նախորդ տարվա նույն ցուցանիշը գերազանցում է 7.4 միլիարդ դրամով: 3. 2019 թվականի մարտին նախորդ տարվա մարտի համեմատ տպագրվել է 8 միլիոն 361 հազար 119 հատ ավել ՀԴՄ կտրոն: 2019 առաջին եռամսյակում նախորդ տարվա առաջին եռամսյակի համեմատ ավել տպագրված ՀԴՄ կտրոնների թվը 20 միլիոն 710 հազար 114 հատ է: 4. ՊԵԿ բողոքարկման հանձնաժողովը առաջին եռամսյակում լսել է 506 բողոք, որից 288-ը, այսինքն կեսից ավելին՝ բավարարվել է (նախորդ տարի նույն ժամանակահատվածում լսվել էր 152 բողոք, բավարարվել էր 78-ը): Այս վիճակագրությունը ոչ միայն վկայում է հարկային մարմինների եւ գործարար միջավայրի փոխվստահության աճի մասին, այլեւ էականորեն բեռնաթափում է դատական համակարգը>,- գրել է վարչապետը:
Ավելի վաղ ելույթ ունենալով խորհրդարանում՝ Նիկոլ Փաշինյանը հայտարարել էր, որ 2019 թվականին ՀՀ պետական բյուջեի մուտքեր պլանային ցուցանիշները կկազմեն 40 մլրդ դրամ կամ մոտ 90 մլն դոլարով: Նրա խոսքով, վերջին 9 ամիցների ընթացքում արձանագրված արդյունքն աննախադեպ է։ Նախկինում նման բան չի եղել, որ պետական բյուջեն գերակատարվի այդ ծավալով։ Դրան հաջողվել է հասնել ստվերային տնտեսության դեմ Պետական եկամուտների կոմիտեի ակտիվ պայքարի շնորհիվ, ընդ որում, այդ պայքարում ռեպրեսիվ միջոցներ չեն կիրառվում։ Հիմնականում օգտագործվում են հետազոտության, վերլուծության և բանակցությունների մեթոդները։ Հարկային մուտքերի աճին նպաստող ևս մեկ գործոն է քաղաքացիների համագործակցությունը պետական կառույցների հետ։ ՀՀ քաղաքացիները, Նիկոլ Փաշինյանի կարծիքով, ակտիվորեն արձագանքում են կառավարության կոչերին, որոնք ուղղված են ստվերային տնտեսության դեմ պայքարին: 2018 թվականի մայիսից ի վեր տպագրվել է իրականացված գործարքների մասին վկայող 65 մլն կտրոն: «Դա վկայում է երկրի կառավարության հետ քաղաքացիների փոխգործակցության մասին՚, - արձանագրել է վարչապետը:
Նշենք, որ 2019 թվականի համար հաստատված բյուջեի համաձայն, 4,9% տնտեսական աճի պայմաններում եկամուտների գծով համախմբված բյուջեն գնահատվում է 1,533,6 մլրդ դրամ՝ 2018 թվի 1,343.5 մլրդ դրամի -ի փոխարեն, իսկ ծախսերի գծով՝ 1,685.2 մլրդ դրամ՝ 1,500.5- մլրդ դրամի դիմաց: Դեֆիցիտը կկազմի 151,6 մլրդ դրամ կամ ՀՆԱ-ի 2,2%։