Արմինֆո. Պետական վերահսկողական ծառայությունն ավարտել է ստուգումները Արմավիրի եւ Էջմիածնի ջրօգտագործող ֆերմերների երկու ընկերություններում, որտեղ բացահայտել է ավելի քան 1 մլրդ դրամի խախտումներ: Այդ մասին ապրիլի 18-ին լրագրողների հետ զրույցում ասել է գերատեսչության ղեկավար Դավիթ Սանասարյանը։
Նրա ասելով, տարիներ շարունակ Հայաստանում գործել է ՙջրային մաֆիա՚։ Մասնավորապես, հայտնաբերվել են ոռոգելի հողեր, որոնք ոչ մի տեղ չեն արձանագրվել։ Եղել են նաև մատակարարված ջրի հաշվին դեբիտորական պարտքերի արհեստական նվազեցման դեպքեր։ Ընդհանուր առմամբ, 2014-2018 թթ. արձանագրված խախտումների գծով ընկերությունները պարտավոր են վերականգնել պետությանը պատճառված վնասը՝ ավելի քան 2 մլրդ դրամի չափով:
Ավելի վաղ Պետական վերահսկողական ծառայությունը հաղորդել էր Արտաշատի ջրային տնտեսությունում խոշոր չարաշահումների մասին։ Խոսքը, մասնավորապես, վերաբերում է Մխչյան գյուղում 15 տարվա ընթացքում խաղողի այգիների և ջերմատների ապօրինի ոռոգմանը, որոնք պատկանում են նախկին վարչապետ Հովիկ Աբրահամյանին և նրա ընտանիքին։
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |