Հինգշաբթի, 23 Մայիսի 2019 11:58

Արմինֆո.Արմավիրի մարզի Մերձավան համայնքում գործարկվել է <Այ Էմ Ջի գրուփ> ՓԲԸ-ի՝ կենցաղային տեխնիկայի արտադրության գործարանը:Այս մասին մայիսի 23-ին կառավարության նիստում հայտարարել է Հայաստանի տնտեսական զարգացման եւ ներդրումների նախարար Տիգրան Խաչատրյանը ։

 

Նրա խոսքով,  2018 թվականի դեկտեմբերին ձեռնարկության բացման պաշտոնական արարողությունից հետո շատերը կասկածի տակ են դրել ներդրումային նախագծի իրատեսությունը:  <Վստահեցնում եմ, որ գործարանը գործում է և այսօր ձեռնարկության 15 աշխատակից զբաղվում է հեռուստացույցների հավաքմամբ ։  Ընդհանուր առմամբ, ձեռնարկության տարածքում արդեն կան 1200 հեռուստացույցի հավաքման դետալներ>,-հայտնել

է նա։ Մոտ ժամանակներս սպասվում է լվացքի մեքենաների արտադրության հոսքագծի գործարկումը ։ Նախարարի խոսքով, իրենք ներդրողի առջեւ պայման են դրել ՝ ձեռնարկություն այցելել այն ժամանակ, երբ գործարանը կունենա 70 աշխատատեղ:

 

Հիշեցնենք, որ 2018 թվականի դեկտեմբերի 5-ին այն ժամանակ դեռ վարչապետի պաշտոնակատար Նիկոլ Փաշինյանը ներկա է գտնվել «Այ Էմ Ջի գրուփե ՓԲԸ-ի՝ կենցաղային տեխնիկայի արտադրության գործարանի բացմանը: Այն հայ- լիբանանյան-սիրիական համատեղ ներդրումային ծրագիր է։ Նիկոլ Փաշինյանը շրջայց է կատարել գործարանի տարածքում, ծանոթացել ներդրված սարքավորումներին, աշխատանքային պայմաններին և ծրագրերին: Վարչապետի պաշտոնակատարին ներկայացվել է, որ նախնական կապիտալ ներդրումը և գործառնական ծախսերը կազմում են 4.5 մլն ԱՄՆ դոլար: Սկզբնական փուլում գործարանը կունենա 70-80 աշխատատեղ և տարեկան կարտադրի 126 հազար միավոր կենցաղային տեխնիկա՝ հեռուստացույց, լվացքի մեքենա, օդափոխիչ, սառնարան և տեխնիկա: Ներդրումային ծրագիրն իրականացվելու է 3 փուլով. առաջին փուլում իրականացվելու է տեխնիկայի հավաքագրում, որը կտևի 2 տարի, երկրորդ փուլում արդեն կսկսվի տեխնիկայի արտադրության գործընթացը, իսկ երրորդ փուլում կիրականացվի կենցաղային տեխնիկայի ամբողջական արտադրություն և ավտոմատացում: Նախատեսվում է, որ գործարանը կսպասարկի ոչ միայն Հայաստանը, այլ նաեւ տարածաշրջանի եւ ԱՊՀ երկրները: