Հինգշաբթի, 20 Հունիսի 2019 19:00
Նաիրա Բադալյան

Անշարժ գույքի հարկը 2021 թվականից մի քանի անգամ կբարձրանա

Անշարժ գույքի հարկը 2021 թվականից մի քանի անգամ կբարձրանա

Արմինֆո. Հայաստանում անշարժ գույքի հարկը կբարձրանա առնվազն 2,5-3 անգամ։ Այդ մասին կառավարության նիստից հետո ասել է կառավարությանն առընթեր Անշարժ գույքի կադաստրի կոմիտեի նախագահ Սարհատ Պետրոսյանը՝ պատասխանելով ԱրմԻնֆո-ի հարցին: Կառավարությունը հունիսի 20-ին կայացած նիստում հավանություն է տվել անշարժ գույքի հարկի հաշվարկման նպատակով շուկայականին մոտ անշարժ գույքի կադաստրային արժեքի գնահատման կարգը սահմանելու մասին օրինագծին:


 

2016-ի Հարկային օրենսգրքի պահանջների շրջանակում անշարժ գույքի հարկի բարձրացումը ծրագրված էր դեռ 2019-ից ։  Բայց դրա համար անհրաժեշտ էր փոխել դրա հաշվարկման կարգը՝ հարկը հաշվարկել շուկայական կադաստրային արժեքին մոտ ։  Պետկադաստրում հայտարարել են, որ  անշարժ գույքի գործող կադաստրային արժեքն անհույս հնացել է, քանի որ վերջին անգամ գնահատումը կատարվել է 2002 թվականին: Արդյունքում այն չի արտացոլում իրական պատկերը անշարժ գույքի շուկայում և խիստ տարբերվում է ներկայիս շուկայական արժեքից։


 

Գնահատման աշխատանքների համար պետությունը հատկացրել է 240 մլն դրամ։  Անշարժ գույքի կադաստրային արժեքի վերանայման, ավելի ճիշտ՝ գնահատման աշխատանքները մեկնարկել են միայն 2018 թվականին։ Հետաքրքիր կերպով աշխատանքը համընկավ "Թավշյա հեղափոխությանը", երբ հետհեղափոխական էյֆորիան, ինչպես նաև հայրենադարձության հսկայական հոսքի մասին խոսակցություններն իրենց զարգացման գագաթնակետին էին  2018 թվականի ապրիլից մինչև հոկտեմբեր։


 

Անկախ գնահատողները նոր հաշվարկներ են կատարել՝ ընդգրկելով ամբողջ երկրում շուրջ 51 հազար անշարժ գույք, դրանք լրացվել են, Պետրոսյանի խոսքով, պետական կադաստրի տվյալների բազայից հավաստի տվյալներով: Արդյունքում, այսօր կադաստրի կոմիտեն առաջարկում է գործող գույքահարկի եւ առանձին հողի հարկի փոխարեն Հայաստանում նոր հասկացություն մտցնել՝ անշարժ գույքի հարկ, որը կմիավորի այդ երկու հարկերը: Ուսումնասիրությունները չեն անդրադարձել գյուղատնտեսական նշանակության հողերին, ինչպես նաև չօգտագործվող, չաշխատող հողային ակտիվներին:


 

Պարզվել է, որ այսօր Երեւանի կենտրոնում հողի մեկ քառակուսի մետրը, ըստ կադաստրային արժեքի, տատանվում է 60 հազար դրամի սահմաններում, մինչդեռ նոր իրողություններում շուկայական գինը հասնում է 330 հազար դրամի: Մի քանի անգամ ավելացել է այդ շրջանում բնակարանների կադաստրային արժեքը՝ մեկ քառակուսի մետրի դիմաց մինչեւ 700 հազար դրամ։  Այստեղ գնահատողները նույնիսկ որոշակի "զսպվածություն" են ցուցաբերել։ Պետրոսյանի խոստովանությամբ ՝ կադաստրային արժեքը փոքր կենտրոնում հասնում է 1,5 մլն դրամի՝ մեկ քառակուսի մետրի դիմաց։


 

Զուգահեռաբար կազմվել է գոտիավորման նոր համակարգ, որը բաղկացած է ողջ Հայաստանում 22 գոտիներից՝ 17-ի փոխարեն։ Ցուցակը գլխավորել է Երեւանի կենտրոնը, որտեղ անշարժ գույքի կադաստրային արժեքը ամենաթանկն է եղել, իսկ ՙառաջատարները՚ Աբովյան, Սայաթ-Նովա, Թումանյան փողոցներն են, Հանրապետության հրապարակը, "Կասկադի"տարածքը:


 

Այժմ հերթը Ֆինանսների նախարարությանն է, որը Կադաստրի առաջարկությունների եւ հանրապետական հաշվառման անշարժ գույքի մեկ միավորի արժեքի գնահատման մեթոդաբանության հիման  կվերանայի անշարժ գույքի հարկումը, բնականաբար, բարձրացման ուղղությամբ:


 

2021 թվականի հունվարի 1-ից Հայաստանի բնակիչները կսկսեն նոր, հնարավոր է,՝ մի քանի անգամ ավելի բարձր սակագնով վճարել անշարժ գույքի հարկը։  Անդրադառնալով Արմինֆո-ի հարցին, թե՝ իսկ ինչ կլինի,  եթե նոր կարգավորումների ուժի մեջ մտնելու պահին անշարժ գույքի շուկայում գները անկում արձանագրեն, կոմիտեի ղեկավարը հավաստիացնում է. "կկատարվի նոր գնահատում": Բայց դրա համար, Սարհատ Պետրոսյանի հավաստմամբ, բյուջեից հերթական 240 մլն դրամ չի պահանջվի։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
17.02.2020
RUB7.570.03
USD479.050.00
EUR519.43-0.10
GBP624.630.24
CAD362.070.47
JPY43.60-0.03
CNY68.640.05
CHF487.98-0.30



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000