Արմինֆո.: Հաշվի առնելով Հայաստանում ոչ ամենաբարձր կենսամակարդակը ՝ հանրապետությունում գազի եվրոպական գներ մտցնելն անհնար է։ Հետևաբար՝ կարծում եմ, <Գազպրոմի> հետ բանակցությունների արդյունքում, ամենայն հավանականությամբ, կառաջարկվեն 140-160 դոլար կամ 160-180 դոլար գնային միջանցքներ հազար խորանարդ մետրի դիմաց: Գինը կլինի այդ միջանցքներից մեկում, թեեւ չեն բացառվում նաեւ ոչ հրապարակային բոնուսներ եւ զեղչեր: ԱրմԻնֆո-ին այդպիսի կարծիք է հայտնել ՌԳԱ Էկոնոմիկայի ինստիտուտի հետխորհրդային հետազոտությունների կենտրոնի ղեկավար Լեոնիդ Վարդոմսկին։
2019 թվականի հունվարի 1-ից Հայաստանի համար ռուսական գազի գինը 150 դոլարից հասել է 165 դոլարի ՝ հազար խորանարդ մետրի դիմաց ։ Սակայն, սպառողների համար ներքին սակագները չեն բարձրացվել <Գազպրոմ> ՓԲԸ-ի հայկական <դուստր> ընկերության՝ <Գազպրոմ Արմենիայի> մարժայի կրճատման հաշվին ։ Ընդ որում, ՀՀ վարչապետ Նիկոլ Փաշինյանը հույս ունի, որ Ռուսաստանը կնվազեցնի Հայաստան մատակարարվող գազի գինը ։ Բանակցությունները շարունակվում են տարեսկզբից, սակայն պայմանավորվածություն դեռ ձեռք չի բերվել ։ Սպասվում է, որ գազի հարցը կքննարկվի Վլադիմիր Պուտինի ՝ Երևան կատարած այցի ընթացքում ։
<Ընդհանուր առմամբ, <գազի թեման> Հայաստանի և ռուս-հայկական հարաբերությունների համար բավական նուրբ է և պահանջում է հաշվի առնել մեծ թվով գործոններ ։ Ըստ այդմ, ինչ որոշում էլ կայացվի, Հայաստանի համար գազի գինը պետք է զգայուն լինի ոչ միայն շուկայական միտումների, այլև՝ հանրապետությունում տնտեսական գործընթացների առումով։ Մյուս կողմից՝ <Գազպրոմը>, իհարկե, դժվար թե գնային առաջարկներ անի՝ ի վնաս իրեն>,- ընդգծել է նա ։
Վարդոմսկին չի բացառել, որ Մոսկվան Հայաստանի համար գազի գնի որոշման հարցում հաշվի կառնի վերջին ամիսներին նկատվող երկնագույն վառելիքի համաշխարհային գների նվազման միտումը: Նրա գնահատմամբ ՝ անհրաժեշտ է նաեւ հաշվի առնել Իրանի կողմից առաջարկվող գազի արժեքը ։ Միևնույն ժամանակ, փորձագետն ընդգծել է ՌԴ մյուս գործընկեր երկրների, օրինակ՝ նույն Բելառուսի համար նախադեպ ստեղծելու ռիսկի առկայությունը, եթե Հայաստանի համար գազի գինը վերանայվի դեպի իջեցում: