Արմինֆո. Զանգեզուրի պղնձամոլիբդենային կոմբինատը վերականգնել է Հայաստանի խոշոր հարկատուների ցուցակում առաջատարությունը՝ 2019 թվականի առաջին կիսամյակում պետական գանձարան վճարելով 29.5 մլրդ դրամ, որից 837.1 մլն դրամը՝ մաքսային տուրքեր, 17 մլրդ դրամը՝ ուղղակի հարկեր (այդ թվում՝ շահութահարկ, եկամտահարկ), 839.7 մլն դրամը՝ անուղղակի հարկեր (այդ թվում՝ ԱԱՀ, ակցիզային հարկ):
Ինչպես վկայում են ՀՀ Պետեկամուտների կոմիտեի հրապարակած տվյալները, առաջատարների հնգյակը հարկերի գծով բյուջե է վճարել ընդհանուր առմամբ 99.2 մլրդ դրամ (38% տարեկան աճով), որից 36.4 մլրդ – ն՝ ուղղակի հարկեր (այդ թվում՝ շահութահարկ, եկամտահարկ) և 47.5 մլրդ դրամ՝ անուղղակի հարկեր (այդ թվում ՝ ԱԱՀ, ակցիզային հարկ): Հայաստանի 1000 խոշոր հարկատուների ընդհանուր ցուցակում հնգյակին բաժին է ընկնում 19,4 տոկոսը:
Երկրորդ տեղում է հայտնվել հայ-կանադական <Գրանդ Տոբակո> ՀՁ-ն ՝ այդպիսով երրորդ հորիզոնականում թողնելով <Գազպրոմ Արմենիային> (նախկին <Հայռուսգազարդին>)։ Մեկ տարի առաջվա տասներորդ տեղից չորրորդ տեղում է հայտնվել <Ինտերնեյշնլ Մասիս Տաբակը> ։ Առաջատարների հնգյակը եզրափակում է <Գեոպրոմայնինգը>, որը մեկ տարի առաջ զբաղեցնում էր չորրորդ տեղը ։ Առաջատար հնգյակին ընդհուպ մոտեցել են <Հայաստանի էլեկտրական ցանցերը> (6-րդ տեղը ՝ մեն տարի առաջվա 9-րդ տեղի փոխարեն), <ֆլեշ> ընկերությունը (7-րդ տեղը ՝ մեկ տարի առաջվա 14-րդ տեղի փոխարեն), <Ակվիլոն Թրեյդ> ՓԲԸ-ն (8-րդ տեղը), <Ֆիլիպ Մորիս Արմենիան> (9-րդ տեղը ՝ մեկ տարի առաջվա 6-րդ տեղի փոխարեն) և <Արմենիա> միջազգային օդանավակայանները (10-րդ տեղը ՝ մեկ տարի առաջվա 28-րդ տեղի փոխարեն):
Հայ-կանադական <Գրանդ Տոբակո> ՀՁ հարկային վճարումները բյուջե կազմել են 28.3 մլրդ դրամ, որից 7.1 մլրդ դրամը ՝ ուղղակի հարկեր (այդ թվում ՝ շահութահարկ, եկամտահարկ), 21 մլրդ դրամը ՝ անուղղակի հարկեր(այդ թվում ՝ ԱԱՀ, ակցիզային հարկ): Մաքսային տուրքերը կազմել են 1.6 մլրդ դրամ։
<Գազպրոմ Արմենիան> 2019 թվականի առաջին կիսամյակում պետական բյուջեին վճարել է 22.8 մլրդ դրամ, որից 112.1 մլն դրամը ՝ մաքսային տուրքեր, 3.3 մլրդ դրամը ՝ ուղղակի հարկեր (այդ թվում ՝ շահութահարկ, եկամտահարկ), 19.2 մլրդ դրամը ՝ անուղղակի հարկեր (այդ թվում ՝ ԱԱՀ, ակցիզային հարկ):
<Ինտերնեյշնլ Մասիս Տաբակի> պետբյուջե կատարած վճարումները կազմել են 9.5 մլրդ դրամ, որից 1.8 մլրդ դրամը՝ մաքսային տուրքեր, 3.4 մլրդ դրամը՝ ուղղակի հարկեր, 5.4 մլրդ դրամը՝ անուղղակի հարկեր:
<Գեոպրոմայնինգ Գոլդ> ՍՊԸ - ի հարկային վճարումները կազմել են 9.1 մլրդ դրամ, այդ թվում՝ ուղղակի հարկեր 5.6 մլրդ դրամ եւ անուղղակի հարկեր 1.1 մլրդ դրամ: Մաքսատուրքի վճարումները կազմել են 802 մլն դրամ։
Նշենք, որ 2018 թվականի առաջին կիսամյակում TOP-5-ում ընդգրկված են եղել Զանգեզուրի մոլիբդենային կոմբինատը, <Գազպրոմ Արմենիա> ՓԲԸ-ն, <Գրանդ Տոբակո> ՀՁ-ն, <Գեոպրոմայնինգ Գոլդ> ՀՁ-ն եւ <Սի Փի Էս Օյլ Քորփորեյշն> - ը, որոնք ընդհանուր առմամբ հարկերի գծով բյուջե են փոխանցել 71.9 մլրդ դրամ, որից 23.4 մլրդ ՝ ուղղակի հարկեր (այդ թվում ՝ շահութահարկ, եկամտահարկ) և 55.7 մլրդ ՝ անուղղակի հարկեր (այդ թվում ՝ ԱԱՀ, ակցիզային հարկ) ։ (Դրամի հաշվարկային փոխարժեքը 28.06.2019 թ. - ի դրությամբ կազմել է 477.11 դրամ/$1):