Շաբաթ, 19 Հոկտեմբերի 2019 14:45
Ալինա Հովհաննիսյան

Վարչապետը ծանոթացել է Գյումրու ավտոամաքսատան շինարարական աշխատանքների ընթացքին

Վարչապետը ծանոթացել է Գյումրու ավտոամաքսատան շինարարական աշխատանքների ընթացքին

Արմինֆո.ՀՀ վարչապետ Նիկոլ Փաշինյանը հոկտեմբերի 19-ին այցելել է Գյումրի, որտեղ ծանոթացել է ավտոմաքսատան շինարարական աշխատանքների ընթացքին:  Շրջայցի ժամանակ կառավարության ղեկավարին ուղեկցում էր ՀՀ պետեկամուտների կոմիտեի նախագահ Դավիթ Անանյանը։

 

Հիշեցնենք, որ այս տարվա ապրիլին վարչապետը ՊԵԿ ղեկավարին հանձնարարել էր միջոցներ ձեռնարկել ավտոմաքսատունը Երեւանից Գյումրի տեղափոխելու համար։  Ի սկզբանե նախատեսվում էր, որ նոր կետն իր գործունեությունը կսկսի հոկտեմբերի 11-ից, սակայն օբյեկտիվ պատճառներով այդ ժամկետը ստիպված էին հետաձգել։

 

ՊԵԿ պետի տեղակալ Շուշանիկ Ներսիսյանը լրագրողների հետ զրույցում նշել է, որ ավտոմաքսատունը շուտով կբացվի՝ վկայակոչելով շինարարական աշխատանքների ծավալները։  Նա նաեւ ընդգծել է, որ հոկտեմբերի 21-ից Երեւանում մաքսազերծվում են միայն այն մեքենաները, որոնք փոխադրվել են թրեյլերներով կամ բեռնատար մեքենաներով, մնացած մասը կմաքսազերծվեն Գյումրիում: Ներսիսյանը նշել է, որ մինչեւ Երեւանից Գյումրի տեղափոխվելը ամեն օր 35-40 մեքենա է մաքսազերծվել, մինչդեռ արդեն երեկ դրանց թիվը  հասել է 180-ի: Այդ կապակցությամբ նա նշել է, որ շինարարական աշխատանքների ավարտից հետո մաքսազերծվող ավտոմեքենաների թիվը կհասնի օրական 350-400-ի։  Դրա հետ մեկտեղ, ՊԵԿ պետի տեղակալը նկատել է, որ ավտոմաքսատունն աշխատելու է 7-օրյա ռեժիմով, հաշվի առնելով սպասվող ծավալները, իսկ աշխատակիցների թիվը 30-35-ից կհասնի 50-55-ի:

 

Նշենք, որ Հայաստանի հյուսիսում մաքսազերծման նոր կետի կառուցումն ամբողջությամբ կավարտվի հոկտեմբերի վերջին՝  նոյեմբերի սկզբին։  Այս մասին ավելի վաղ հայտարարել էր ՀՀ պետական եկամուտների կոմիտեի նախագահ Դավիթ Անանյանը։ Նրա խոսքով, ծրագրի համաձայն նախատեսվում էր նոր մաքսակետ կառուցել 800 քմ տարածքում, սակայն այժմ խոսքը 4,5 հազար քմ-ի մասին: ՊԵԿ ղեկավարը վստահեցրել է, որ նոյեմբերի սկզբին պատրաստ կլինեն 6 հեկտար մակերեսով շենքերն ու շինությունները:

 

Հիշեցնենք, որ հոկտեմբերի 9-ին ՊԵԿ մամուլի ծառայությունը հաղորդագրություն էր տարածել, ըստ որի, Հայաստան ներմուծվող ավտոմեքենաների մաքսային գործառնությունները Գյումրի քաղաքում սահուն իրականացնելու նպատակով գործընթացը կազմակերպվելու է փուլ առ փուլ: Այդ նպատակով հոկտեմբերի 14-ից ավտոմեքենաների որոշ խմբերի մաքսային ձևակերպումները Պետական եկամուտների կոմիտեն սկսելու է իրականացնել Հյուսիսային մաքսատուն-վարչությունում: Այսպիսով՝ Վրաստանից և Ճապոնիայից արտահանված և հոկտեմբերի 14-ից Հայաստան ներմուծված թեթև մարդատար ավտոմեքենաների մաքսային ձևակերպումներն իրականացվելու են Գյումրիում գտնվող Հյուսիսային մաքսատուն-վարչությունում, կամ եթե դրանք սահմանը հատել են հայ-իրանական հատվածում, ապա Սիսիանում գտնվող Հարավային մաքսատուն-վարչությունում: Սա վերաբերում է միայն արտաքին տնտեսական գործունեության ապրանքային անվանացանկում 8703 ապրանքային խմբին դասվող ավտոմեքենաներին, սակայն չի վերաբերում բեռնարկղերով տեղափոխվող ավտոմեքենաներին: ԱՏԳ ԱԱ 8703 ապրանքային խմբում ներառված են մինչև 10 մարդ տեղափոխելու համար նախատեսված մարդատար (այդ թվում` բեռնամարդատար) տրանսպորտային միջոցները:

Տրանսպորտային մյուս միջոցների մաքսային ձևակերպումներն առայժմ կիրականացվեն ապակենտրոնացված եղանակով՝ հայտարարատուի նախընտրած մաքսատուն-վարչությունում: Դրանք են 10 և ավելի մարդ (ներառյալ վարորդը) տեղափոխելու համար նախատեսված շարժիչային տրանսպորտային միջոցներ ներառող ԱՏԳ ԱԱ 8702, բեռնատարներ ներառող ԱՏԳ ԱԱ 8704 և հատուկ նշանակության ավտոմեքենաներ ներառող ԱՏԳ ԱԱ 8705 ապրանքային խմբերում դասվող ավտոմեքենաները, ինչպես նաև ԱՏԳ ԱԱ 8703 խմբի այն ավտոմեքենաները, որոնք տեղափոխվում են բեռնարկղերով: Գյումրիում կառուցվող Արտաքին տնտեսական գործունեության սպասարկման կենտրոնի շինարարությունն ավարտելուն զուգահեռ այստեղ կտեղափոխվեն տրանսպորտային միջոցների մաքսային ձևակերպումների հետ կապված բոլոր գործառույթներն ամբողջությամբ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.05.2020
RUB6.810.05
USD483.820.82
EUR530.413.84
GBP595.637.09
CAD348.422.70
JPY44.940.10
CNY67.870.03
CHF499.712.54



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000