Երկուշաբթի, 21 Հոկտեմբերի 2019 15:11
Նաիրա Բադալյան

Հայաստանի համար հիմնական մարտահրավերն իշխանության հանդեպ քաղաքացիների, բիզնեսի և արտաքին ներդրողի կորցրած վստահության վերականգնումն է. փորձագետ

Հայաստանի համար հիմնական մարտահրավերն իշխանության հանդեպ քաղաքացիների, բիզնեսի և արտաքին ներդրողի կորցրած վստահության վերականգնումն է. փորձագետ

Արմինֆո.<Դեռ անցյալ տարի մենք հարց էինք տալիս ՝ արդյո՞ք 2019 թվականի բյուջեն հեղափոխական է։ Պարզվեց՝ այո>, - հայտարարել է տնտեսագետ Վահագն Խաչատրյանը՝ ԱրմԻնֆո-ին մեկնաբանելով, թե որքանով է 2020 թվականի բյուջեի նախագիծը հեղափոխական, եւ արդյոք փաստաթուղթը նախադրյալներ է ստեղծում տնտեսական հեղափոխության իրականացման համար: 

Նրա խոսքով ՝ միանշանակ է, որ պետական բյուջեում ամրագրված ցուցանիշները կարևոր նշանակություն ունեն, քանի որ հենց դրանով է առաջնորդվում իշխանությունը նախատեսված ֆինանսական տարում իր գործունեության ընթացքում։ <Միևնույն ժամանակ, կարծում եմ, որ տնտեսական հեղափոխության իրականացման մեջ կարևոր նշանակություն ունի մեր ընկալման և գաղափարների փոփոխության հարցը, քանի որ հիմնական չլուծված խնդիրը շարունակում է մնալ նախկին արատավոր կառավարման համակարգի արմատական վերանայման հարցը>, - նշել է նա:

 

Փորձագետը կարծում է, որ նոր իշխանությունները ոչ մի կերպ չեն կարողանում լուծել այդ խնդիրը։ <Կառուցվածքային փոփոխությունները որոշ չափով արգելակվել են, ընթացակարգերը եւ պետական ինստիտուտները վերանայվել են, մասնավորապես՝ Ծրագրերի իրականացման բյուրոն փակվեց, եւ դրանց հիման վրա ստեղծված նոր կառույցները դեռեւս չեն աշխատում կամ աշխատում են անարդյունավետ: Դա հանգեցրել է կապիտալ ծախսերի թերակատարման, ինչը բացթողում է կառավարության կողմից, քանի որ դրանով սահմանափակվում է տնտեսական աճի ներուժը>, - հայտարարել է տնտեսագետը ։  Ընդ որում, ինչպես նշել է Խաչատրյանը, դրա համար կան միանգամայն օբյեկտիվ պատճառներ, որոնք արգելակում են գործընթացը.խնդիրը բազմաշերտ է ՝ սկսած արմատական կառուցվածքային փոփոխությունների հրամայականից մինչեւ մարդկանց մտածողության փոփոխությունները։


Ընդհանուր առմամբ, ինչպես նշել է տնտեսագետը, չխորանալով 2020 թվականի բյուջեի նախագծում նշված թվերի մեջ, կարելի է հայտարարել, որ փաստաթուղթը համեստ է: <Ինչպես ցույց է տվել ընթացիկ տարվա բյուջեի կատարման փորձը, փաստաթղթում դնելով ՀՆԱ-ի 4,9 տոկոս աճի սպասումներ՝ մենք այսօր խոսում ենք տարեվերջին մի քանի տոկոսային կետով ավելի բարձր ճշգրտված կանխատեսման մասին ։  ՀՀ կառավարության առջեւ ծառացած հաջորդ կարեւոր մարտահրավերը քաղաքացիների, բիզնեսի եւ արտաքին ներդրողի՝ նախկինում կորցրած վստահության վերականգնումն է>, գտնում է փորձագետը:

 

Նշենք, որ Հայաստանի պետբյուջեի համաձայն ՝ ՀՆԱ-ի աճը 2019 թվականի արդյունքներով կկազմի 4,9 տոկոս։  Արդեն 2020 թվականի բյուջեում Ֆինանսների նախարարությունը իր սպասումները սրբագրել է  մինչև 6,3 տոկոս, ՀՀ ԿԲ վերջին կանխատեսման մեջ այդ ցուցանիշը բարձրացվել է մինչև 6,9 տոկոս: Այդուհանդերձ, հոկտեմբերի 13-ին ՀՀ վարչապետ Նիկոլ Փաշինյանը հայտարարել է, որ հանրապետությունը 2019 թիվը կփակի մոտ 7 տոկոս տնտեսական աճով։  Այնուամենայնիվ, 2020 թվականի բյուջեի նախագիծը տարեվերջին ՀՆԱ-ի աճը կանխատեսում է նույն 4,9 տոկոսի մակարդակում: Moody' s գործակալության գնահատականներով՝ Հայաստանում իրական ՀՆԱ-ի աճը միջնաժամկետ հեռանկարում կարող է կազմել մոտ 5,5-6 տոկոս առաջիկա մի քանի տարիների ընթացքում, Եվրասիական զարգացման բանկը (ԵԱԶԲ) 2019 թվականի արդյունքներով կանխատեսում Է ՀՆԱ - ի 6 տոկոս աճ, իսկ Համաշխարհային բանկը ՝ 5,5 տոկոս՝ 2020 թվին մինչեւ 5,1 տոկոս, իսկ 2021 թվին՝ 5,2 տոկոս դանդաղումով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
26.05.2020
RUB6.810.05
USD483.820.82
EUR530.413.84
GBP595.637.09
CAD348.422.70
JPY44.940.10
CNY67.870.03
CHF499.712.54



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000