Արմինֆո. Քաղաքացիական ավիացիայի կոմիտեն տեղեկացնում է, որ <Տարոն-Ավիա> ՍՊԸ-ում անցկացրած տեսչական ստուգումների և արձանագրված թերությունների արդյունքում ավիաընկերության օդանավ շահագործողի վկայականը կասեցվել է և տրվել է 6 ամսյա ժամկետ՝ թերությունները վերացնելու համար: Սակայն ընկերության կողմից կայացվել է որոշում՝ գործունեությունը դադարեցնելու մասին:
Հաշվի առնելով վերոգրյալը՝ <Տարոն-Ավիա> ՍՊԸ-ի թիվ 049 օդանավ շահագործողի վկայականի գործողությունը դադարեցվել է:
Ավելի վաղ ԶԼՄ-ներում տեղեկություն էր հայտնվել այն մասին, որ <Տարոն-Ավիա> ավիաընկերությունն արդեն երկար ժամանակ թռիչքներ չի իրականացնում և առաջիկայում կարող է վերջնականապես լքել հայկական ավիաշուկան: Ըստ հրապարակումների ՝ ավիաընկերությունը տարիներ շարունակ խնդրել է այն արտոնությունների մասին, որոնք կառավարությունը տրամադրել է իռլանդական Ryanair լոուքոսթերին ՝ հանել տուրքը կամ, այսպես կոչված, 10 հազար դրամի չափով <օդի հարկը>։ Մինչդեռ, ինչպես գանգատվել է ընկերության կոմերցիոն տնօրեն Լևոն Քարամյանը, հիմա ինչ-որ օտարերկրյա ավիաընկերության մուտքը ապահովելու համար արվում են այդ քայլերը, ու վերջում հայտարարվում է, որ այդ պայմանները վերաբերում է բոլոր ավիաընկերություններին:
Մինչդեռ ավիաընկերությունը չվերթներ չի իրականացնում Երևանից սկսած 2018 թվականի հունվարի 15 - ից (<Զվարթնոց> օդանավակայանից առաջին չվերթը կատարվել է 2017 թվականի նոյեմբերի 17-ին Մոսկվայի <Վնուկովո> օդանավակայանի ուղղությամբ), Իսկ Գյումրիից ՝ 2017 թվականի դեկտեմբերի 31-ից ։ Ավելի վաղ ՝ 2017 թվականի ապրիլին, ԱրմԻնֆո-ն հայտնել էր, որ <Տարոն Ավիան> թռիչքներ կիրականացնի դեպի Գյումրի: Ավիաընկերությունը կանոնավոր չվերթներ է իրականացրել Գյումրի-Կրասնոդար-Գյումրի, Գյումրի - Սամարա-Գյումրի Եւ Գյումրի-Մոսկվա (<Դեմոդեդովո> օդանավակայան) - Գյումրի երթուղիներով:
Սակայն ամեն ինչ չէ, որ հարթ էր՝ ավիաընկերությունը պետք է մրցեր ռուսական <Պոբեդա> լոուքոսթերի հետ, որը, եթե մինչ այդ շաբաթական 3 չվերթ Էր իրականացնում Գյումրի-Մոսկվա ուղղությամբ, հետո չվերթներն ամենօրյա էր կատարում ՝ զգալիորեն նվազեցնելով ավիատոմսերի գները ։ Տարբեր քաշային կարգերն իրենց գործն արեցին, և <Տարոն-Ավիան> ընդամենը մեկուկես տարի դիմացավ ռինգում:
Կարգավորող մարմինը բոլոր հնարավոր հարթակներում բացառել է ռուսական <Աէրոֆլոտի> և վերջինիս 100%-անոց դուստր <Պոբեդայի> դեմպինգի հնարավորությունը։ Ինչպես 2016 թվականի վերջին ԱրմԻնֆո-ի թղթակցին հայտնել է
Քաղաքացիական ավիացիայի գլխավոր վարչության (ՔԱԳՎ) օդային փոխադրումների կարգավորման վարչության ղեկավար Աննա Չոբանյանը, <Արմենիա> և <Տարոն Ավիա> տեղական ավիաընկերություններն օդային փոխադրումների շուկա են դուրս եկել 2015 թվականին, այսինքն, արդեն «բաց երկնքիե պայմաններում` իրենց հաշիվ տալով դրա համար: Ինչպես պարզաբանել է Չոբանյանը, դա նշանակում է, որ նրանք ունեն համապատասխան ներուժ մրցակիցներին դիմակայելու համար, քանի որ Հայաստանի կառավարությունն ընտրել է տեղի ավիափոխադրողներին չաջակցելու քաղաքականություն «զրոե սահմանափակում օտաերկրյա ավիաընկերությունների համար, ինչև նախատեսված է, այսպես, կոչվող. «բաց երկնքիե քաղաքականությամբ: «Ոչ մի ավիաընկերության` տեղական, ռուսական կամ եվրոպական, պետության կողմից աջակցություն չի նախատեսվում «բաց երկնքիե քաղաքականության շրջանակումե, - հայտարարել է մասնագետը՝ հավելելով շատ կասկածելի այն թեզիսը, թե, իբր, «նույնիսկ եվրոպական երկրներում նման աջակցություն չի տրամադրվում, քանի որ այնտեղ գործում է բոլոր ավիաընկերությունների համար ազատական ռեժիմե:
Նշենք, որ մինչև ուղևորափոխադրումների շուկա մուտք գործելը <Տարոն Ավիա> ընկերությունը, որը 2007 թվականին գրանցված է ՀՀ քաղաքացի
Գառնիկ Պապիկյանի անունով, զբաղվել է բացառապես ավիացիոն բեռնափոխադրումներով։