Ուրբաթ, 8 Նոյեմբերի 2019 16:12
Ալեքսանդր Ավանեսով

Նախարար. Ռուսական կողմի մոտ կասկածներ են առաջացել կապույտ պանիր արտադրող երկրի վերաբերյալ

Նախարար. Ռուսական կողմի մոտ կասկածներ են առաջացել կապույտ պանիր արտադրող երկրի վերաբերյալ

Արմինֆո. Ռուսական կողմի մոտ կասկածներ են առաջացել կապույտ պանիր արտադրող երկրի վերաբերյալ, ինչի հետևանքով արգելվել է ռուսական շուկա 21 տոննա կապույտ պանրի մուտքը, որն արտադրվել է հայկական <Սպայկա> ընկերության կողմից սեփական ձեռնարկությունում։ Այս մասին նոյեմբերի 8-ին տարածաշրջանային և եվրասիական ինտեգրման հարցերի խորհրդարանական մշտական հանձնաժողովի նիստի ժամանակ ասել է ՀՀ էկոնոմիկայի նախարար Տիգրան Խաչատրյանը։

 

Նրա խոսքով ՝ երկրի կառավարությունն արտադրողների և արտահանողների հետ աշխատում է ամենօրյա ռեժիմով։ ՀՀ վարչապետի հանձնարարությամբ, Պետական եկամուտների կոմիտեի հետ համատեղ <Վերին Լարս> անցակետում ամենօրյա օպերատիվ աշխատանք է տարվում ռուս գործընկերների հետ: Այդ աշխատանքի արդյունքում լուծվել են հայ արտահանողների, այդ թվում ՝ <Սպայկա> ընկերության բազմաթիվ խնդիրներ։

 

Մասնավորապես, ավելի վաղ ռուսական շուկա մուտք էր գործել 15 տոննա հայկական պանիր, որը փաստացի զննման ընթացակարգ չի անցել ։  Այս անգամ որոշում է կայացվել մանրամասն զննում կատարել, որի արդյունքում պարզվել է, որ հայկական կապույտ պանիրը Ռուսաստանի Դաշնություն է ուղևորվել՝ առանց արտադրող երկրի մասին վկայող փաստաթղթերի ։

 

Նախարարը հիշեցրել է, որ ՌԴ-ում պատժամիջոցների ռեժիմ է գործում պատժամիջոցների տակ գտնվող երկրներում արտադրված ապրանքների նկատմամբ, եւ ռուս մաքսավորների մոտ կասկածներ են առաջացել: Հայկական կողմը, իր հերթին, դիմել է ռուս գործընկերներին՝ բացառության կարգով ապրանքը բաց թողնելու խնդրանքով,  ինչին ի պատասխան հաղորդվել է, որ  զննման ընթավակարգային նորմերը պետք է կատարել, իսկ այդ ժամկետը կազմում է 3 աշխատանքային շաբաթ ։ Տիգրան Խաչատրյանը նշել է, որ հայկական կողմը դեռ Ռուսաստանից փաստաթղթեր չի ստացել, միայն դրանց բովանդակությանը ծանոթանալուց հետո հնարավոր կլինի քննարկել առաջացած խնդիրը:

 

Խորհրդարանական հանձնաժողովի նախագահ Միքայել Մելքումյանն իր հերթին հիշեցրել է, որ մոտակա լաբորատորիան գտնվում է Նալչիկում՝ <Վերին Լարս> անցակետից 130 կմ հեռավորության վրա: Նա նախարարին առաջարկել է հարցը քննարկել ռուսական կողմի հետ, որպեսզի համապատասխան լաբորատորիաները լինեն հենց անցակետում ։  Դա, պատգամավորի խոսքով, թույլ կտա խուսափել սահմանին շատ թյուրիմացություններից:

 

Ավելի վաղ ԱրմԻնֆո-ն հայտնել էր, որ «Սպայկա» ընկերության նորակառույց պանրի գործարանում արտադրված հայկական ընդհանուր առմամբ 21 տոննա կապույտ բորբոսով պանիրը 24 օր ՌԴ Վերին Լարսի մաքսային անցակետում հարկադիր կանգնեցվելուց հետո վերադարձվեց Հայաստան:

 

Կապույտ բորբոսով պանիրը <Սպայկա> ընկերության նոր արտադրանքն է, որն իր տեխնոլոգիական պայմաններով և որակով լիովին համապատասխանում է եվրոպական լավագույն պանրագործների արտադրանքին։  Ձեռնարկությունը բացվել է տարեսկզբին ՀՀ վարչապետի և Հայաստանում ՌԴ դեսպանի ներկայությամբ։ Այդ արտադրությունում ընկերության ներդրումների ծավալը կազմել է ավելի քան 15 մլն եվրո։

Մաքսային գործառնություններն արագացնելու համար ընկերությունը ժամանակին մաքսավորներին է տրամադրել անհրաժեշտ բոլոր փաստաթղթերը՝ ներառյալ անասնաբուժական սերտիֆիկատները, արտադրության տեխնիկական պայմանները և այլն: Առավել համոզչության համար՝ առ այն, որ պանիրն իրականում արտադրվել է Հայաստանում, ընկերությունը, նույնիսկ, տեսանյութ է տրամադրել ՀՀ վարչապետի և Հայաստանում ՌԴ դեսպանի ներկայությամբ կապույտ (բորբոսով) պանրի արտադրության ձեռնարկության պաշտոնական բացման մասին։  Ընկերությունը հույս ուներ, որ այդ արտադրանքի հիմնական շուկաներից մեկը կդառնա Ռուսաստանը՝ ԵԱՏՄ միասնական մաքսային տարածքի պայմաններում և հակապատժամիջոցային միջոցների առկայության դեպքում, որոնք խիստ սահմանափակում են որակյալ եվրոպական պանրի ներմուծումը Ռուսաստան: Հայ վերլուծաբանների կարծիքով, հայ արտադրողները, ըստ երևույթին, չպետք է կողմնորոշվեն բացառապես դեպի ԵԱՏՄ-ի շուկաներ և առաջին հերթին Ռուսաստանի՝  միության գծով գործընկերների նկատմամբ իր անկանխատեսելի մոտեցմամբ: <Էքսպորտ Արմենիա> (Export Armenia) փորձագետների ասոցիացիայի ղեկավար Էմիլ Ստեփանյանի կարծիքով, նման պահվածքը վիժեցնում, վարկաբեկում է Մաքսային միության բուն գաղափարը, էությունը՝ որպես այդպիսին։Նա կարծում է, որ ռուսական շուկա հայկական պանրի մուտք թույլ չտալը ազդանշան է ողջ Հայաստանի համար, դա ՌԴ հայկական արտահանման ամբողջական արգելքի իրավիճակի մոդելավորումն է ։  <Մենք պետք է պետական մասշտաբով մտածենք երրորդ երկրներ ՝ ԵՄ, Չինաստան, ԱՄՆ, Աֆրիկա, Մերձավոր Արեւելք արտահանման խթանման մասին>, - ընդգծել է նա: 

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ
iDram
btn

Արտ. փոխարժեքները
07.08.2020
RUB6.58-0.04
USD485.00-0.18
EUR573.17-2.20
GBP634.96-4.31
CAD362.97-2.54
JPY45.91-0.04
CNY69.880.01
CHF530.75-3.71



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000