Երեթշաբթի, 12 Նոյեմբերի 2019 14:27
Ալեքսանդր Ավանեսով

ԵՏՀ նախարար. Եվրասիական տնտեսական հանձնաժողովը կուսումնասիրի "Վերին Լարս" անցակետով պանրի Ռուսաստան արտահանմանն առնչվող  "Սպայկա" ընկերության նամակը

ԵՏՀ նախարար. Եվրասիական տնտեսական հանձնաժողովը կուսումնասիրի "Վերին Լարս" անցակետով պանրի Ռուսաստան արտահանմանն առնչվող  "Սպայկա" ընկերության նամակը

Արմինֆո. Եվրասիական տնտեսական հանձնաժողովը կուսումնասիրի "Վերին Լարս" անցակետով պանիր արտահանելու վերաբերյալ հայկական "Սպայկա" ընկերության նամակը:  Այդ մասին նոյեմբերի 12 - ին Երեւանում "Անտիկոնտրաֆակտ-2019 " միջազգային համաժողովի շրջանակներում լրագրողներին հայտարարել Է Եվրասիական տնտեսական հանձնաժողովի ներքին շուկաների, տեղեկատվայնացման, տեղեկատվական-հաղորդակցական տեխնոլոգիաների նախարար Կարինե Մինասյանը։

 

Նրա խոսքով՝ նամակը ստացվել է երկու օր առաջ։  Տվյալ դեպքում, նախարարի ասելով,  գլխավոր խնդիրը պանրի ծագումն է, ինչի համար անհրաժեշտ էր ստանալ ռուսական կողմի եզրակացությունը և հասկանալ, թե ինչ փաստերի հիման վրա է արվել այն եզրակացությունը, որ պանիրը հայկական չէ, հասկանալ, թե ինչ լաբորատոր հետազոտություններ են իրականացվել։  Դրանից հետո այդ հետազոտությունները պետք է համադրվեն հանձնաժողովի եզրակացությունների հետ՝ հասկանալու համար, թե արդյոք պանիրը հայկական ծագում ունի։ ԵՏՀ նախարարն ընդգծել է, որ ներդրված գնահատման համակարգը, որը հիմնված է ռիսկերի վրա, ունի բավականին օբյեկտիվ պատճառներ, որպեսզի մեքենաները կանգնեցնեն և ստուգումներ անցկացնեն: "Եթե տնտեսվարող սուբյեկտները կարծում են, թե իրենց իրավունքները խախտվել են, կարող են դատի տալ փոխհատուցում ստանալու համար, բայց մեզ համար կարևոր է հասկանալ խնդրի էությունը", - ընդգծել է Կարինե Մինասյանը:

 

Նա նաեւ նշել է, թե "Վերին Լարսի" օբյեկտիվ խնդիրը տեխնիկական է եւ կապված է թողունակության հետ, որը սահմանափակված է մինչեւ 300 ավտոմեքենա, մինչդեռ անցակետում ավտոմոբիլային հոսքն այսօր երեք անգամ ավելի է: Սուբյեկտիվ խնդիրը կապված է վստահության հարցի հետ, որը պետք է լինի ԵԱՏՄ երկրների մաքսային ծառայությունների միջև։  "Պետք է հասնել այն բանին, որ Հայաստանի մաքսային ծառայության կնիքով ապրանքները ռուսական մաքսատունը չստուգի եւ բաց թողնի ավտոմեքենան, իսկ դրա համար անհրաժեշտ է մեխանիզմներ ներդնել, որպեսզի սահմանին վստահություն լինի բաց թողնվող արտադրանքի օրինականության վերաբերյալ", - եզրափակել է Կարինե Մինասյանը:

 

Նոյեմբերի 7-ին, վկայակոչելով «Սպայկա» ընկերությունը, ԱրմԻնֆո-ն հաղորդել էր, որ ընկերության նորակառույց պանրի գործարանում արտադրված 21 տոննա կապույտ բորբոսով պանիրը 24 օր ՌԴ Վերին Լարսի մաքսային անցակետում հարկադիր կանգնեցվելուց հետո վերադարձվել է Հայաստան: Կապույտ բորբոսով պանիրը ընկերության նոր արտադրանքն է, որն իր տեխնոլոգիական պայմաններով և որակով լիովին համապատասխանում է եվրոպական լավագույն պանրագործների արտադրանքին։  Ձեռնարկությունը բացվել է տարեսկզբին ՀՀ վարչապետի և Հայաստանում ՌԴ դեսպանի ներկայությամբ։ Այդ արտադրությունում ընկերության ներդրումների ծավալը կազմել է ավելի քան 15 մլն եվրո։ Մաքսային գործառնություններն արագացնելու համար ընկերությունը ժամանակին մաքսավորներին տրամադրել էր անհրաժեշտ բոլոր փաստաթղթերը՝ ներառյալ անասնաբուժական սերտիֆիկատները, արտադրության տեխնիկական պայմանները և այլն: Առավել համոզչության համար՝ առ այն, որ պանիրն իրականում արտադրվել է Հայաստանում, ընկերությունը, նույնիսկ, տեսանյութ էր տրամադրել ՀՀ վարչապետի և Հայաստանում ՌԴ դեսպանի ներկայությամբ կապույտ (բորբոսով) պանրի արտադրության ձեռնարկության պաշտոնական բացման մասին։  Ընկերությունը հույս ուներ, որ այդ արտադրանքի հիմնական շուկաներից մեկը կդառնա Ռուսաստանը՝ ԵԱՏՄ միասնական մաքսային տարածքի պայմաններում և հակապատժամիջոցային միջոցների առկայության դեպքում, որոնք խիստ սահմանափակում են որակյալ եվրոպական պանրի ներմուծումը Ռուսաստան:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
03.07.2020
RUB6.81-0.07
USD483.840.48
EUR543.30-2.17
GBP602.38-2.59
CAD356.470.82
JPY45.020.03
CNY68.500.00
CHF511.13-1.18



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000