Արմինֆո. <Իմ քայլը> խմբակցության պատգամավորներ Վարազդատ Կարապետյանը և Արտակ Մանուկյանն իշխանություններին առաջարկում են վարկային տոկոսների սահմանափակումներ մտցնել:
<Այսօր իմ գործընկեր Արտակ Մանուկյանի հետ շրջանառության մեջ ենք դրել վարկային տոկոսների սահմանափակման մասին նախագիծ։ Այն հատկապես կազդի վարկային կազմակերպությունների կողմից հանրությանը տրվող վարկերի տոկոսների վրա։
Մենք առաջարկում ենք, որ վարկի փաստացի տոկոսը չգերազանցի տարեկան 26,5 տոկոսը՝ ներառյալ բոլոր տեսակի միջնորդավճարները, ծախսերը և վճարները։
Գիտեք, որ այսօր վարկային կազմակերպությունները տրամադրում են վարկեր մինչև 150 տոկոսով, ինչը անառողջ սպառման, մարդկանց հարստահարման, ֆինանսական անելանելի իրավիճակի է հանգեցնում>,- Ֆեյսբուքի իր էջում գրել է Վարազդատ Կարապետյանը:
ՀՀ քաղաքացիական օրենսգրքում համապատասխան լրացումների հավանության արժանանալու դեպքում նոր կարգավորումներն ուժի մեջ կմտնեն 2020 թվականի փետրվարի 1-ից:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |