Ուրբաթ, 24 Սեպտեմբերի 2021 10:47
Արմինֆո."Ռոսատոմ" պետական կորպորացիան եւ Հայաստանի կառավարությունը նոր ատոմային էլեկտրակայանի կառուցման վերաբերյալ հուշագիր են մշակում: Այդ մասին օրերս էներգետիկայի հարցերով կլոր սեղանի ժամանակ հաղորդել է "Ռուսատոմ Սերվիս" ԲԸ վարչության պետ >>>
|
Հինգշաբթի, 23 Սեպտեմբերի 2021 15:44
Արմինֆո.Սեպտեմբերի 23-ին ՀՀ փոխվարչապետ Սուրեն Պապիկյանն ընդունել է Հայաստանում ՌԴ դեսպան Սերգեյ Կոպիրկինին:
Կառավարության մամուլի ծառայության հաղորդման համաձայն, փոխվարչապետը նշել է, որ հայ-ռուսական հարաբերությունները գտնվում են բարձր մակարդակի վրա, վստահություն արտահայտելով, որ արդյունավետ համագործակցությունը շարունակվելու է: Սուրեն Պապիկյանը ՌԴ դեսպանին շնորհավորել է ՌԴ Պետական դումայի ընտրությունների կապակցությամբ՝ ընդգծելով, որ դրանք նոր նախադրյալներ են ստեղծում ծրագրերի ու գաղափարների իրականացման համար: Զրույցի ընթացքում շեշտվել է ՀՀ Ազգային ժողովի և ՌԴ Պետդումայի համագործակցության կարևորությունը՝ հայ-ռուսական հարաբերությունների խորացման և ամրապնդման ուղղությամբ: Նշվել է, որ երկու երկրներում ընտրություններից հետո բացվում է քաղաքական կայունության և որոշակիության շրջափուլ, ինչը կարող է նոր մակարդակի բարձրացնել միջխորհրդարանական համագործակցությունը:
Դեսպան Սերգեյ Կոպիրկինը բարձր է գնահատել Սուրեն Պապիկյանի հետ նախկինում ունեցած համագործակցությունը՝ նկատելով, որ լավ փորձ է կուտակվել, ինչի հիմքով առաջիկա ծրագրերի իրականացման համար լայն նախադրյալներ են ստեղծվել: ՌԴ դեսպանը արտահայտել է ռուսական կողմի պատրաստակամությունը՝ բոլոր ոլորտներում համագործակցություն ծավալելու մասին՝ վստահությամբ, որ դրական արդյունքները երկար սպասեցնել չեն տա:
Կողմերը քննարկել են հայ-ռուսական հարաբերությունների զարգացման հեռանկարները՝ անդրադառնալով անվտանգության, պաշտպանության, էներգետիկայի, ենթակառուցվածքների, նոր տեխնոլոգիաների և ձեռներեցության զարգացման հարցերին: Անդրադարձ է կատարվել «Հարավկովկասյան երկաթուղու» աշխատանքին՝ ընդգծելով դրա նշանակությունը Հայաստանի տնտեսության զարգացման գործում, ինչպես նաև արժևորելով հանգամանքը, որ երկաթուղու կարողությունների թարմացումը նոր հնարավորություններ է բացում սոցիալ-տնտեսական ու հարակից ոլորտների շղթայական զարգացման համար:
Կողմերը քննարկել են նաև արդյունավետ համագործակցությունն էներգետիկայի բնագավառում: Փոխվարչապետը նկատել է, որ վերջինս Հայաստանի համար ռազմավարական նշանակություն ունի, և ՀՀ կառավարության ծրագրի իրականացման համար կենսական է դրա բազմակողմանի զարգացումը: Այս համատեքստում անդրադարձ է կատարվել «Ռոսատոմի» հետ համագործակցության ընդլայնմանը՝ ինչպես ԱԷԿ-ի նորոգման և արդիակացանացման ներկայիս աշխատանքներին, այնպես էլ նոր ատոմակայանի կառուցման անհրաժեշտությանն ու հեռանկարներին: Որպես հայ-ռուսական համատեղ գործակցության վերջին թարմ օրինակ՝ հիշատակվել է Հայաստանում կորոնավիրուսի դեմ «Սպուտնիկ Լայթ» ռուսաստանյան միաբաղադրիչ պատվաստանյութի առաջին խմբաքանակների արտադրության փաստը:
Տարածաշրջանում հաղորդակցության ուղիների վերաբացման առնչությամբ փոխվարչապետ Սուրեն Պապիկյանն առանձնացրել է Ռուսաստանի հատուկ և արդյունավետ դերակատարությունը՝ թե՛ եռակողմ ձևաչափի, թե՛ ԵԱՀԿ Մինսկի խմբի շրջանակներում: Քննարկվել է նաև Գորիս-Կապան ճանապարահատվածում ստեղծված իրավիճակը՝ ընդգծելով Ռուսաստանի կարևոր ու կառուցողական դերը լարվածության նվազեցման և ծագող խնդիրներին լուծումներ գտնելու տեսանկյունից: >>>
|
Ուրբաթ, 17 Սեպտեմբերի 2021 16:46
Արմինֆո. ՀՀ փոխվարչապետ Մհեր Գրիգորյանը հույս ունի, որ տեսանելի ապագայում կհաջողվի պահպանել ռուսական գազի գինը: Այդ մասին փոխվարչապետը հայտարարել է սեպտեմբերի 17-ին լրագրողների հետ զրույցում։ >>>
|
Ուրբաթ, 17 Սեպտեմբերի 2021 12:17
Արմինֆո.Սեպտեմբերի 17-ին Հայկական ԱԷԿ-ը տոնում է իր ծննդյան տարեդարձը: Ուղիղ 55 տարի առաջ Հայաստանի ԽՍՀ կառավարության նախաձեռնությամբ, ԽՍՀՄ Նախարարների խորհրդի հետ համատեղ որոշում ընդունվեց Կովկասում առաջին ատոմակայանի կառուցման մասին: Այդ մասին ասվում է ՀԱԷԿ պաշտոնական հաղորդագրությունում: >>>
|
Չորեքշաբթի, 15 Սեպտեմբերի 2021 18:37
Արմինֆո.Գազի գնի շուրջ "Գազպրոմի" հետ բանակցությունները շարունակական բնույթ են կրում, փորձում ենք խոսել, առնվազն, սակագնի պահպանման մասին, սեպտեմբերի 15-ին խորհրդարանում կառավարական ժամի ընթացքում հայտարարել է փոխվարչապետ Մհեր Գրիգորյանը ՝ անդրադառնալով Եվրոպայում գազի գնի ռեկորդային աճին: >>>
|
Չորեքշաբթի, 15 Սեպտեմբերի 2021 11:15
Արմինֆո.ՀՀ արտակարգ իրավիճակների նախարար Անդրանիկ Փիլոյանը, ՀՀ կառավարությանն առընթեր միջուկային անվտանգության կարգավորման պետական կոմիտեի նախագահ Աշոտ Մարտիրոսյանը և «Հայկական ատոմային էլեկտրակայան» փակ բաժնետիրական ընկերության գլխավոր տնօրեն Էդուարդ Մարտիրոսյանը համագործակցության հուշագիր են ստորագրել սեյսմաբանական համակարգի միջոցով տվյալների ստացման և փոխանակման աշխատանքների բարելավման, ՀԱԷԿ-ի և շրջակա տարածքի սեյսմիկ ռեժիմի ուսումնասիրության նպատակով: >>>
|
Ուրբաթ, 20 Օգոստոսի 2021 13:15
Արմինֆո. Հայաստանում տեղի ունեցավ Հայկական ԱԷԿ-ի թիվ 2 էներգաբլոկի շահագործման ժամկետի կրկնակի երկարաձգման առաջին աշխատանքային հանդիպումը: Աշխատանքային խմբում ընդգրկված էին Հայաստանի և Ռուսաստանի ոլորտային ընկերություններ և կազմակերպություններ: >>>
|
Ուրբաթ, 6 Օգոստոսի 2021 17:27
Արմինֆո. Հայկական ԱԷԿ-ում ավարտվել են 2-րդ էներգաբլոկի ВВЭР-440 ռեակտորի իրանի վերականգնողական թրծաթողման աշխատանքները։ Այդ աշխատանքներն իրականացվում են կայանի շահագործման ժամկետը մինչև 2026թ երկարացման նպատակով։ Այդ մասին հաղորդում է ՀԱԷԿ-ի մամուլի ծառայությունը: >>>
|
Ուրբաթ, 23 Հուլիսի 2021 15:05
Արմինֆո.Հեղուկ գազի շուկան մրցակցային է, իսկ գների աճը պայմանավորված է պահանջարկի մեծացմամբ: Այդ մասին Facebook-ի իր էջում գրել է Մրցակցության պաշտպանության հանձնաժողովի մամուլի քարտուղար Անի Սմբատյանը։ >>>
|
Չորեքշաբթի, 21 Հուլիսի 2021 20:08
Արմինֆո. Հայկական ԱԷԿ-ում մեկնարկել է պլանային-նախազգուշական վերանորոգման (ՊՆՎ-2021) առանցքային փուլը. սկսվել են ԱԷԿ - ի ռեակտորի իրանի վերականգնողական թրծաթողման աշխատանքները: Թրծաթողումը թույլ կտա ռեակտորի մետաղի ֆիզիկամեխանիկական հատկությունները վերականգնել 80-85%-ով: Այդ ընթացակարգի իրականացումը հնարավորություն կտա հայկական ԱԷԿ-ը շահագործել մինչեւ 2036 թվականը։ >>>
|
Հինգշաբթի, 1 Հուլիսի 2021 11:20
Արմինֆո.Հունիսի 30-ին կայացել է Սևծովյան տնտեսական համագործակցության (ՍԾՏՀ) կազմակերպության անդամ պետությունների ԱԳ նախարարների խորհրդի առցանց հանդիպումը, որին մասնակցել է ՀՀ ԱԳՆ բազմակողմ քաղաքականության և զարգացման համագործակցության վարչության պետ Արման Խաչատրյանի գլխավորած պատվիրակությունը։ >>>
|
Հինգշաբթի, 24 Հունիսի 2021 12:31
Արմինֆո.Կառավարությունն այսօրվա նիստում փոփոխություններ է կատարել նախկինում ընդունած որոշումներից մեկում, որի նպատակը ՀՀ Արագածոտնի մարզի Թալին և Դաշտադեմ համայնքների վարչական տարածքում «Այգ-1» 200 ՄՎտ դրվածքային հզորությամբ արևային ֆոտովոլտային կայանի նախագծման, ֆինանսավորման, կառուցման, տնօրինման և շահագործման նպատակով մրցույթի արդյունքներով կողմերի միջև պայմանագրային հարաբերությունների ձևավորման գործընթացին նպաստումն է։ >>>
|
Երեթշաբթի, 8 Հունիսի 2021 16:46
Արմինֆո. Հունիսի 7-ին ՀՀ փոխվարչապետի պաշտոնակատար Տիգրան Ավինյանն ընդունել է «Մասդար» ընկերության ներկայացուցիչներին՝ հայտերի գծով ղեկավար Մուհամմեդ Ալ Շեհհիին և հայտերի գծով կառավարիչ՝ Վիպուլ Գոյալին: Փոխվարչապետի պաշտոնակատարը շնորհավորել է «Մասդար» ընկերությանը «ԱՅԳ-1» արևային ֆոտովոլտային ծրագրի մրցույթում հաջողակ հայտատու ճանաչվելու կապակցությամբ:
«Մասդար» ընկերությունը 220 մլրդ ԱՄՆ դոլար ընդհանուր ակտիվների արժեքով ԱՄԷ-ի «Մուբադալա ներդրումային ընկերության» մասնաճյուղն է և աշխարհում վերականգնողական էներգիայի արտադրությամբ զբաղվող առաջատար ընկերություններից մեկը:
Ներդրումային այս ծրագիրը հաջորդում է «Մասդարի» և Հայաստանի պետական հետաքրքրությունների ֆոնդի (ANIF/ԱՆԻՖ) միջև 2019թ. նոյեմբերին ստորագրված համաձայնագրին: Ըստ վերջինիս՝ կողմերը արտահայտել են փոխադարձ հետաքրքրվածություն վերականգնվող էներգիայի ոլորտում ընդհանուր առմամբ 400 ՄՎտ ծավալով համատեղ նախագծեր իրականացնելու հարցում: Այս ծրագրով ապահովվում է 200 ՄՎտ ծավալի արտադրությունը՝ 2.90 ԱՄՆ ցենտ կՎտ/ժամ արժեքով:
Հաջողակ հայտատու ճանաչված «Մասդար» ընկերության կողմից կառուցվելիք արևային էներգիայի կայանը տեղակայվելու է Թալին ու Դաշտադեմ համայնքներում։ Ծրագրի 85 տոկոս բաժնեմասի շահառուն լինելու է «Մասդար» ընկերությունը, իսկ 15 տոկոս բաժնեմասինը՝ ԱՆԻՖ-ը:
Արևային կայանի շինարարական աշխատանքներն իրականցվելու են 24 ամսում: Ծրագրի արժեքը կազմում է 174 մլն ԱՄՆ դոլար, որն ամբողջովին իրականացնելու է էմիրաթական կողմը: Ծրագիրն ունենալու է շղթայական ազդեցություն՝ նպաստելով մի շարք ուղղակի և անուղղակի աշխատատեղերի ստեղծմանը: >>>
|
Հինգշաբթի, 3 Հունիսի 2021 14:48
Արմինֆո. ՀՀ կառավարությունը հունիսի 3-ին հերթական նիստում հավանություն է տվել "Բարի արև" ՍՊԸ հայտին՝ ներդրումային ծրագրի իրականացման շրջանակներում ներմուծվող տեխնոլոգիական սարքավորումների, դրանց բաղադրիչների և պահեստամասերի, հումքի և նյութերի նկատմամբ ներմուծման մաքսատուրքերի վճարումից ազատելու մասին: >>>
|
Հինգշաբթի, 20 Մայիսի 2021 14:25
Արմինֆո.Amber Capital Armenia մասնավոր սեփական կապիտալի հիմնադրամը՝ Վերակառուցման եւ զարգացման եվրոպական բանկի (ՎԶԵԲ) եւ Եվրամիության (ԵՄ) աջակցությամբ, ձեռք է բերել արեւային էլեկտրակայանի հայկական օպերատոր՝ «Սոլիս» ընկերությանը, Արագածոտնում 4 ՄՎտ ֆոտովոլտային (ՖՎ) արեւային կայան կառուցելու եւ շահագործելու համար:
Ակնկալվում է, որ օբյեկտը կգործարկվի մինչեւ 2021թ. ավարտը եւ կարտադրի տարեկան 7,5 Գվտ / ժամ մաքուր էներգիա, ինչի արդյունքում հնարավոր կլինի խուսափել տարեկան 3,200 տոննա CO2 արտանետումներից: Էլեկտրակայանը կնպաստի Հայաստանի «կանաչ» վերականգնմանը եւ կստեղծի շուրջ 50 աշխատատեղ շինարարության եւ էլեկտրակայանի շահագործման ոլորտում >>>
|
Հինգշաբթի, 20 Մայիսի 2021 13:19
Արմինֆո.Արդեն մեկ ամիս անց Կոտայքի մարզի Եղվարդ քաղաքի Նատի շրջանում նավթաքիմիական գործարանը կսկսի մեքենայի յուղի և բիտումի արտադրությունը։ "Գործարանի շինարարությունն ավարտվել է երկու տարի առաջ, սակայն արհեստականորեն ստեղծված մի շարք խնդիրների պատճառով մենք ոչ մի կերպ չէինք կարող արտադրություն սկսել",-ԱրմԻնֆո-ի թղթակցի հետ զրույցում հայտարարել է "Արմօյլ" ՓԲԸ գլխավոր տնօրեն Ալֆրեդ Աբեդին: >>>
|
Ուրբաթ, 7 Մայիսի 2021 14:50
Արմինֆո. "Մասրիկ-1" հելիոկայանի շահագործման հանձնումը կհանգեցնի էլեկտրաէներգիայի սակագնի աննշան նվազման։ Այդ մասին մայիսի 7-ին հայտարարել է "Հայաստանի վերականգնվող էներգետիկայի եւ էներգախնայողության հիմնադրամի" տնօրեն Կարեն Ասատրյանը՝ ներկայացնելով ոլորտի 2021 թվականի ծրագրերը։ >>>
|
Ուրբաթ, 7 Մայիսի 2021 14:34
Արմինֆո. "Հայաստանի վերականգնվող էներգետիկայի և էներգախնայողության հիմնադրամը" Ֆրանսիական "Տրանս Էներջի" ընկերության հետ համատեղ դիմել է Ֆրանսիայի կառավարությանը և դրամաշնորհ ստացել Հայաստանի Հանրապետությունում առաջին լողացող հելիոկայանի կառուցման համար։ Այդ մասին մայիսի 7-ին հայտարարել է "Հայաստանի վերականգնվող էներգետիկայի եւ էներգախնայողության հիմնադրամի" տնօրեն Կարեն Ասատրյանը՝ ներկայացնելով ոլորտի 2021 թվականի ծրագրերը։ >>>
|
Ուրբաթ, 7 Մայիսի 2021 13:28
Արմինֆո. Էլեկտրաէներգետիկայի շուկայի ազատականացումը կհանգեցնի էլեկտրաէներգիայի էժանացման։ Այդս մասին հայտարարել է "Հայաստանի վերականգնվող էներգետիկայի եւ էներգախնայողության հիմնադրամի" տնօրեն Կարեն Ասատրյանը ՝ ներկայացնելով հիմնադրամի 2021 թվականի ծրագրերն ու անցած տարիների գործունեության արդյունքները։ >>>
|
Երկուշաբթի, 26 Ապրիլի 2021 12:33
Արմինֆո.Միջուկային էներգետիկան կարող է զգալի ներդրում ունենալ ջերմոցային գազերի արտանետումների կրճատման եւ էներգետիկ անվտանգության մակարդակի բարձրացման գործում՝ միաժամանակ էներգիա մատակարարելով երկրի զարգացման համար անհրաժեշտ աճող քանակությամբ: Այդ մասին ասվում է Հայաստանում Մեծ Բրիտանիայի դեսպանատան հաղորդագրության մեջ ։ >>>
|