Արմինֆո. «Քարքար» գեոթերմալ էլեկտրակայանի շինարարության նախագծի իրականացման նպատակով կհայտարարվի պոտենցիալ ներդրողի ընտրության նախաորակավորման մրցույթ: Այս մասին ԱրմԻնֆո-ի հետ հարցազրույցում հայտարարել է ՀՀ էներգետիկ ենթակառուցվածքների և բնական պաշարների նախարարության աշխատակազմի էներգետիկայի վարչության պետ Հայկ Բադալյանը:
Ըստ նրա, մրցույթի պայմաններին ամբողջությամբ կհամապատասխանի այն պայմաններին, որոնց համաձայն անց է կացվում «Մասրիկ» արևային էլեկտրակայանի շինարարության ներդրողի ընտրության մրցույթը: Սկզբում կհայտարարվի նախնական որակավորման մրցույթ, որից հետո մի քանի անդամներ կշարունակեն մասնակցել մրցույթի եզրափակիչ փուլում: Հայկ Բադալյանն ընդգծել է, Համաշխարհային բանկի աջակցությամբ Քարքար բնակավայրում փորվել է 2 հոր, որոնք ցույց են տվել տաք ջրի բավարար ծավալներ, արդյունաբերական շահագործման համար: Մեկը հորը ցույց է տվել 122.4 աստիճան: Երկրորդը փորվել է մինչև 1700 մետր խորությամբ: Կառավարության կողմից հաստատվելուց հետո ներդրումային ծրագիրը մեկ տարվա ընթացքում կսկսի պոտենցիալ ներդրողներին ընտրությունը: Նախատեսվում է, որ գեոթերմալ էլեկտրակայանի հզորությունը կկազմի 30 ՄՎտ: Այն կաշխատի հիմնական ռեժիմով: Կայանը կկարողանա տարեկան արտադրել 220-250 մլն կՎտ ժամ էլեկտրաէներգիա, որը պետք է հավասար լինի սպառման ընդհանուր ծավալի 2,4%-ին:
Ավելի վաղ, էներգետիկ ենթակառուցվածքների և բնական պաշարների փոխնախարար Հայկ Հարությունյանը տեղեկացրել էր «Քարքար» գեոթերմալ էլեկտրակայանի ներդրումները կկազմեն մոտ 100 մլն.դոլար: Ըստ նրա, երկրաջերմային ռեսուրսներ բավարար են կառուցման համար: Քարքարից բացի Հայաստանում կան նաև այլ հեռանկարային բնակավայրեր, օրինակ, Գրիձորը, Ջերմաղբյուրը և այլն:
Նշենք, որ ՀՀ էներգետիկ ենթակառուցվածքների և բնական պաշարների նախարարության տվյալներով, գեոթերմալ հարթակի ևս մեկ աղբյուր կարող է դառնալ Ջերմաղբյուրը: Իրականացված երկրաբանական և երկրաֆիզիկական ուսումնասիրությունները վկայում են, որ մոտ Ջերմաղբյուրի շրջանում, 2500-3000 մետր խորության վրա կան տաք ջրային ռեսուրսներ (մինչև 250oC, և 20-25 ATM ճնշմամբ): Այս տվյալների հաստատման դեպքում վերը նշված վայրում, կարող է կառուցվել ևս մեկ գեոթերմալ էլեկտրակայան, 25 ՄՎտ
հզորությամբ:
